புதுடெல்லி, ஜூலை 21–
நீட் தேர்வு முறைகேடு விவகாரத்தில் ஒன்றிய அமைச்சர் தர்மேந்திர பிரதான் பதவி வலிக வலியுறுத்தி, நாடாளுமன்றம் நோக்கி பேரணியாக சென்ற கரப்பான் பூச்சி ஜனதா கட்சியினர் மீது போலீசார் தடியடி நடத்தி விரட்டியடித்ததால் பதற்றம் ஏற்பட்டது.
நீட் உள்ளிட்ட பல்வேறு போட்டித் தேர்வுகளில் நடைபெற்ற வினாத்தாள் கசிவு மற்றும் முறைகேடுகளுக்குக் பொறுப்பேற்று, ஒன்றிய கல்வி அமைச்சர் தர்மேந்திர பிரதான் பதவி விலகக் கோரி, டெல்லி ஜந்தர் மந்தரில் கரப்பான் பூச்சி ஜனதா கட்சியினர் தொடர் போராட்டம் நடத்தி வருகின்றனர். இப்போராட்டத்திற்கு ஆதரவாக 21 நாட்கள் உண்ணாவிரதம் இருந்த சமூக ஆர்வலர் சோனம் வாங்சுக், உடல்நிலை காரணங்களைக் காட்டி காவல்துறையினரால் வலுக்கட்டாயமாக மருத்துவ மனைக்கு மாற்றப்பட்டார். இதை எதிர்த்து அபிஜீத் தீப்கே தற்போது காலவரையற்ற உண்ணாவிரதப் போராட்டத்தில் ஈடுபட்டுள்ளார். இந்நிலையில், போராட்டத்தின் அடுத்த கட்டமாக ஜந்தர் மந்தரில் இருந்து பேரணியாகக் சென்று நாடாளுமன்ற முற்றுகையிடும் போராட்டத்தை கரப்பான் பூச்சி ஜனதா கட்சியினர் இன்று காலை தொடங்கினர். அப்போது, பல்லாயிரக்கணக்கில் குவிந்த போராட்டக்காரர்களை போலீசார் தடுத்து நிறுத்தினர். இதனால், இருதரப்பினருக்கும் இடையே, தள்ளு முள்ளு ஏற்பட்டது. இதனைத் தொடர்ந்து தடுப்பை தாண்டி செல்ல முயன்ற போராட்டக்காரர்கள் மீது போலீசார் தடியடி நடத்தி நடத்தி விரட்டியடித்ததால் பதற்றம் நிலவியது.
நாடாளுமன்ற மழைக்கால கூட்டத்தொடர் இன்று தொடங்கிய நிலையில், கரப்பான் பூச்சி ஜனதா கட்சியினரின் நாடாளுமன்ற முற்றுகை போராட்டம் காரணமாக, டெல்லி முழுவதும் 5க்கும் மேற்பட்ட நபர்கள் கூட தடை விதிக்கும் உத்தரவு அமல்படுத்தப்பட்டுள்ளது. டெல்லியில் உள்ள 5 முக்கிய மெட்ரோ ரயில் நிலையங்களும் தற்காலிகமாக மூடப்பட்டுள்ளன.
நாடாளுமன்ற வளாகம், ஜந்தர் மந்தர் மற்றும் முக்கிய பகுதிகளில் பாதுகாப்புப் படையினர் ஆயிரக்கணக்கில் குவிக்கப்
பட்டுள்ளனர். ஜந்தர் மந்தர் உள்ளிட்ட இடங்களில் இணையதளம் முடக்கப்பட்டுள்ளது- நாடாளுமன்றத்துக்கு வெளியே இணையதள சேவை முடக்கப்பட்டுள்ளது.
இதனால் தலைநகர் டெல்லியில் தொடர்ந்து பதற்றமான சூழல் நிலவியது.