சென்னை, ஜூலை 21 –
கழக இளைஞர் அணி 47ஆம் ஆண்டில்
அடியெடுத்து வைப்பதையொட்டி, கழக இளைஞர் அணிச் செயலாளரும், சட்டமன்ற எதிர்க்கட்சித்
தலைவருமான உதயநிதி ஸ்டாலின் அவர்கள்,
வெளியிட்டுள்ள வலைதளப் பதிவு வருமாறு:–
கழகம் நெருக்கடியில் இருந்த நேரத்தில், கழகத்
தலைவர் மு.க.ஸ்டாலின் அவர்கள் தலைமையிலான MISA_Batch-ஐ கொண்டு தொடங்கப்பட்ட நம் கழக
இளைஞர் அணி, இன்றைக்கு 47ஆம் ஆண்டில்
அடியெடுத்து வைக்கிறது.
கொள்கைப் பணி-மக்கள் பணிகளைக் களத்திற்கும் காலத்திற்கும் ஏற்றார்ப் போல் முன்னெடுக்கக் காத்திருக்கும் கழக இளைஞர் அணியின் அடுத்த Innings-ஐ
ஆரம்பிக்கலாமா..!
இவ்வாறு உதயநிதி ஸ்டாலின் அவர்கள் தெரி
வித்துள்ளார்.
விருதுநகர், ஜூலை 21–
தி.மு.க. இளைஞர் அணி 47வது ஆண்டில் அடியெடுத்து வைப்பதையொட்டி, முன்னாள் அமைச்சர் தங்கம் தென்னரசு, தமது சமூக வலைதளப் பதிவில் விடுத்துள்ள வாழ்த்துச் செய்தி வருமாறு:–
46 ஆண்டுகளாகக் கொள்கையை உயிராகவும், சமூக நீதியை இலட்சியமாகவும், தமிழர் உரிமையை காப்பதை அடை யாளமாகவும் கொண்டு எண்ணற்ற இளைஞர்களை உருவாக்கி, இன்று 47 வது ஆண்டில் அடியெடுத்து வைக்கும் பெருமைமிகு இயக்கம் தி.மு.க. இளைஞரணி.
காலம் மாறினாலும், தலைமுறைகள் மாறினாலும், திராவிடச் சிந்தனையையும் மக்கள் பணியையும் முன்னெ டுத்துச் செல்லும் உறுதியான சக்தியாகக் கழகத்தலைவர் அண்ணன் மு.க. ஸ்டாலின் அவர்களின் வழிகாட்டுதலோடு, இளைஞரணியின் செயலாளர் உதயநிதி ஸ்டாலின் அவர்கள் தலைமையில் இளைஞரணி திகழ்ந்து வருகிறது.
கழகத்தின் ஒவ்வொரு வெற்றிக்கும், ஒவ்வொரு மக்கள் போராட்டத்திற்கும், ஒவ்வொரு களப்பணிக்கும் பின்னால் தன்னலமின்றி உழைக்கும் இளைஞர்களின் வியர்வையும் அர்ப்பணிப்பும் நிறைந்திருக்கிறது என்றும் கழகக் கொள்கையை உயர்த்திப் பிடித்து வரும் தி.மு.க. இளைஞரணியின் ஒவ்வொரு உடன்பிறப்பிற்கும், இந்த இளைஞர் கூட்டத்தைச் சிறப்புற வழிநடத்தி வரும் எதிர்க்கட்சித் தலைவர், கழக இளைஞரணிச்
செயலாளர் உதயநிதி ஸ்டாலின் அவர்களுக்கும் வாழ்த்துகள்!
இவ்வாறு தங்கம் தென்னரசு தெரிவித்துள்ளார்.