சென்னை, ஜூலை 22–
‘தி இந்து’ ஆங்கில நாளேட்டின்
தலையங்கத்தைச் சுட்டிக்காட்டி
கழகத் தலைவர் மு.க.ஸ்டாலின் அவர்கள் வெளியிட்டுள்ள தமது சமூக வலைதளப் பதிவில், ‘‘ஆட்சிக்கு
எதிரான விமர்சனங்களை எல்லாம் கிரிமினல் சட்டப் பிரிவுகளைப் பயன்படுத்தி அடக்கிடப் பார்க்கும் த.வெ.க. அரசின் போக்கை கடுமையாக சாடி, முதல்வர் தலையில் நங்கு நங்கென்று குட்டியிருக்கிறது’’ என்றும் ‘‘த.வெ.க. அரசின் ஆணவத்துக்கு மக்களே
சரியான பாடம் புகட்டுவர்’’ என்றும் எச்சரிக்கை விடுத்துள்ளார்.
‘தி இந்து’ நாளேட்டில் வெளியான தலையங்கத்தின் முக்கிய அம்சம் வருமாறு:-–
ஆட்சிக்கு வந்தவுடன் தங்களின் நற்பெயரைக் காத்துக் கொள்ள காவல்துறை மற்றும் குற்றவியல் சட்டங்களையும் கவசமாக பயன்படுத்துவதை இயல்பான நடைமுறையாக மாற்றிவிட்டனர். இது
ஜனநாயகத்தில் பெரும் ஆபத்தையே உருவாக்குகிறது.
காவல் துறை நடவடிக்கைகள், கைது நடவடிக்கைகளை பார்க்கும் போது, த.வெ.க. ஆட்சியில்
சர்வாதிகாரப்போக்கு உருவாவதை காண முடிகிறது.
த.வெ.க. ஆட்சிக்கு வந்தவுடனேயே முதலமைச்சர் மற்றும் அமைச்சர்களை விமர்சனம் செய்ததாக 10 பேர் மீது காவல் துறை நடவடிக்கை மேற்கொண்டுள்ளது.
த.வெ.க.வினருக்கு ஆதரவாகவே காவல்துறை நடவடிக்கை மேற்கொண்டுள்ளது. த.வெ.க. வினருக்கு ஆதரவாகவே காவல்துறை செயல்பட்டு வருவதை தற்போதைய நடவடிக்கைகள் மூலம் காண முடிகிறது.
இவ்வாறு த.வெ.க. அரசை கடுமையாக விமர்சித்து ‘தி இந்து’ நாளேடு தலையங்கம் எழுதியுள்ளது.
இதை மேற்கோள் காட்டி, கழகத் தலைவர் மு.க.ஸ்டாலின் அவர்கள் வெளியிட்டுள்ள சமூக வலைதளப் பதிவு வருமாறு :–
ஆட்சிக்கு எதிரான விமர்சனங் களை எல்லாம் கிரிமினல் சட்டப்பிரிவுகளைப் பயன்படுத்தி அடக்கிடப் பார்க்கும் த.வெ.க. அரசின் போக்கைக் கடுமையாகச் சாடியுள்ளது The_Hindu நாளேட்டின் இன்றைய தலையங்கம்.
நம் முதலமைச்சருக்குப் புரிவது போல சொல்லவேண்டுமென்றால், இந்தியா முழுவதும் வெளியாகும்
பத்திரிகையின் நடுப்பக்கம் அவரது தலையில் நங்கு நங்கென்று குட்டி யிருக்கிறது.
ஆட்சியின் அலங்கோலங்களை எல்லாம் கைது நடவடிக்கைகளால் சரிக்கட்டி விடலாம் என்று இந்த அரசு எண்ணினால் மக்களே அந்த
ஆணவத்துக்குச் சரியான பாடத்தைப் புகட்டுவார்கள்!
இவ்வாறு கழகத் தலைவர் மு.க.ஸ்டாலின் அவர்கள் எச்சரிக்கை விடுத்து பதிவிட்டுள்ளார்.