சிவகங்கை, ஜூலை 22 –
சிவகங்கை மாவட்டம் காளையார்கோவில் தாலுகா மரவமங்கலத்தை கிராமத்தைச் சேர்ந்த முத்துப்பாண்டி வயசு 22.சி.எஸ்.ஐ தெரு வைச் சேர்ந்த அகஸ்டின் 21. இவர்கள் இருவரும் நேற்று முன்தினம்
மரவமங்கலத்தில் உள்ள தனியார் தனியார் செல்போன் டவர் கோபுரத்தின் மேலே ஏறி போராட்டத்தில் ஈடு
பட்டனர்.
இதற்கான காரணத்தை மரவமங்கலம் கிராம மக்கள் கேட்டதற்கு கூற மறுத்துவிட்டனர் .
இந்த போராட்டம் சுமார் 4மணி நேரத்திற்கும் மேலாக நீடித்தது. இதனால் அப்போதியில் கூட்டம் கூடியது.இதனால் இளையாங்குடி, காளையார் கோவில் செல்லும் பகுதியில் போக்குவரத்து பாதிக்கப்பட்டது. இது பற்றி தகவல் கிடைத்ததும் சிவகங்கை டிஎஸ்பி அமல்அட்வின் தலைமையில் போலீசார் வந்து செல்போன் கோபுரத்தில் ஏறி போராட்டம் நடத்திய இளைஞர்களுடன் செல்போனில் பேசி கீழே இறங்குமாறு அழைத்தார்.
அதற்கு அவர்கள் போலீசார் தங்கள் மீது பொய் வழக்கு போடுவதாக கூறியும் அதை கண்டித்தும் அதை கைவிட கோரியும் தாங்கள் செல்போன் டவர் மீது ஏறி போராடுவதாக தெரிவித்தார்கள் . இது குறித்து பேசி முடிவு செய்யலாம் என்று டி.எஸ்.பி. கூறியதால் இரண்டு பேரும் கீழே இறங்கினார்கள். இவர்கள் மீது ஏற்கனவே ஐந்து வழக்குகள் நிலுவையில் உள்ளதாக போலீஸ் தரப்பில் கூறப்படுகிறது.
தொடர்ந்து போலீசார் இரு இளைஞர்களிடம் போலீசார் விசாரணை நடத்தி வருகிறார்கள். இச்சம்பவம் அப்பகுதியில் பரபரப்பை ஏற்படுத்தியுள்ளது.