#Title

ஆ.தாமஸ் ஆல்வா எடிசன் தலைமை! கீழையூர் கிழக்கு ஒன்றிய துணைச் செயலாளர் ரவிச்சந்திரனை தாக்கிய த.வெ.க. நிர்வாகியை கைது செய்யாத காவல்துறையை கண்டித்து ஆர்ப்பாட்டம்! நாகை மாவட்டக் கழகச் செயலாளர் என்.கௌதமன் கண்டன உரை!

நாகை, ஜூலை 22 - –

நாகை மாவட்டம் கருங்கண்ணி ஊராட்சி மன்ற முன்னாள் தலைவரும், கீழையூர் கிழக்கு ஒன்றிய கழக துணை செயலாளர் ரவிச்சந்திரனை கருங்கண்ணியை சேர்ந்த சிந்தாமணி அரசு நியாய விலை கடையில் விற்பனையாளராக பணிபுரியும் தவெக கட்சியை சேர்ந்த வெண்மணி என்பவர் காரணம் எதுவும் கூறாமல் கருங்கண்ணிஊராட்சியில் தவெக தவிர வேறு எந்த கட்சியினரும் இருக்கக் கூடாது என்று கூறி கடந்த ஜூலை 15ஆம் தேதி மேலப்பிடாகை கடை தெருவில் ரவிச்சந்திரன் டிபன் வாங்க வந்த போது வெண்மணி மற்றும் அவரது சகோதரர்களான சிவராமன் மற்றும் ராஜா ஆகிய மூவரும் இரும்புக் கம்பியால் தாக்கியதால் பலத்த காயத்துடன் ஒன்றிய கழகத் துணைச் செயலாளர் ரவிச்சந்திரன் ஒரத்தூரில் உள்ள நாகை அரசு மருத்துவக் கல்லூரி மருத்துவமனையில் சிகிச்சை பெற்று வருகிறார்.

மேலும் ரவிச்சந்திரன் தவெக கும்பலால் தாக்கப்பட்ட வீடியோ காட்சிகள் சமூக வலைதளங்களில் வைரலாக பரவி பரபரப்பு ஏற்படுத்தி உள்ள நிலையில், வெண்மணி உட்பட மூவர் மீது கீழையூர் காவல் நிலையத்தில் வழக்கு பதிவு செய்யப்பட்டுள்ளது. இந்நிலையில் வெண்மணி நாகை மருத்துவக் கல்லூரி மருத்துவமனையில் சிகிச்சைக்காக சேர்ந்துள்ளார்.வெண்மணிக்கு இரண்டு போலீசார் பாதுகாப்பில் இருந்துள்ளனர். இந்நிலையில் காவல்துறையினர் வெண்மணியிடம் உன் மீது வழக்கு பதிவு செய்யப்பட்டுள்ளது மருத்துவர்கள் உங்கள் உடலில் எந்த பாதிப்பும் இல்லை என்று கூறிவிட்டனர் அதனால் நாளை காலை வரை மருத்துவமனையில் இல்லாமல் நள்ளிரவே மருத்துவமனையில் இருந்து ஓடிவிட காவல் துறையினர் அறிவுறுத்தி உள்ளதாக கூறப்படு கிறது.

இதையடுத்து வெண்மணி மருத்துவமனையில் இருந்து போலீசார் பாதுகாப்பில் இருந்த போது தப்பியதாக கூறப்படுகிறது. இதற்கு போலீசார் அலட்சியமே காரணம் எனக்கூறி கழக ஒன்றிய துணைச் செயலாளர் ரவிச்சந்திரனின் உறவினர்கள் மற்றும் அப்பகுதி கழகத்தினால் கடந்த 18ம் தேதி நாகை-திருத்துறைப்பூண்டி கிழக்கு கடற்கரை சாலையில் மேலப்பிடாகை கடைத்தெருவில் சாலை மறியல் போராட்டத்தில் ஈடு பட்டனர்.

ஆனால் காவல்துறையினர் எந்த நடவடிக்கை எடுக்காத நிலையில் வெண்மணி உள்ளிட்ட 3 பேரையும் கைது செய்யாத காவல்துறை கண்டித்து கீழையூர் கீழக்கு ஒன்றிய திமுக சார்பில் மேலப்படாகை கடை தெருவில் கீழையூர் கிழக்கு ஒன்றிய திமுக செயலாளர் ஆ.தாமஸ் ஆல்வா எடிசன் தலைமையில் கண்டன ஆர்ப்பாட்டம் நடை பெற்றது.

ஆர்ப்பாட்டதில் நாகை மாவட்ட தி.மு.க. செயலாளர் என்.கௌதமன் கலந்து கொண்டு கண்டன உரையாற்றினார். ஆர்ப்பாட்டத்தில் ஆளுங்கட்சிக்கு ஆதரவாகவும்,குற்றவாளியை தப்பிக்க விட்ட காவல்துறையை கண்டித்ததுடன் ஒன்றிய கழக துணை செயலாளர் ரவிச்சந்திரன் தாக்கிய மூன்று பேரையும் கைது செய்யக்கோரி கோஷங்கள் எழுப்பப்பட்டது.

ஆர்ப்பாட்டத்தில் வேளாங்கண்ணி பேரூர் கழக செயலாளர் மரிய சார்லஸ் வேளாங்கண்ணி, பேரூராட்சி தலைவர் டயானாஷர்மிளா, பொதுக்குழு உறுப்பினர் எஸ்.பி.டி.சார்லஸ், மாவட்டப் பிரதிநிதி கள் மு.பா. ஞானசேகரன், இராம்.இளம்பரிதி, மாவட்ட இளைஞரணி துணை அமைப்பாளர் டேனியல் சத்யா, தகவல் தொழில் நுட்ப அணி, மாவட்ட துணை ஒருங்கிணைப்பாளர் ரெக்ஸ், மாவட்ட வழக்கறிஞர் அணி பூவை ஆர்.ஜி.முருகு, கீழையூர் கிழக்குஒன்றிய கழக நிர்வாகிகள் சுப்பிர மணியன், கீழையூர் குமார செல்வம், ஆனந்தகைலாசம் புகழேந்தி, ரபீக் மற்றும் ஜோதிபாசு, செல்வம் மற்றும் மாவட்ட, ஒன்றிய, பேரூர் கழக நிர்வாகிகள், சார்பு அணிகளின் நிர்வாகிகள், கீழையூர் கிழக்கு ஒன்றியத்தைச் சேர்ந்த கிளை கழக செயலாளர்கள், நிர்வாகிகள், வேளாங்கண்ணி பேரூர் கழக நிர்வாகிகள், முன்னாள் உள்ளாட்சி அமைப்புகளின் நிர்வாகி கள், உள்ளிட்டோர் கலந்து கொண்டனர்.