தென்காசி, ஜூலை 22–
தமிழ்நாடு முஸ்லிம் முன்னேற்றக் கழகத்தின் தலைமைச் செயற்குழு 15.7.2026 அன்று தென்காசி மாவட்டம் குற்றாலத்தில் தலைவர் பேராசிரியர் எம்.எச். ஜவாஹிருல்லா எம்.எல்.ஏ. தலைமையில் நடைபெற்றது.
இச்செயற்குழுவில் பின்வரும் தீர்மானங்கள் நிறைவேற்றப்பட்டன.
சமூகநீதி, பாசிச எதிர்ப்பு, மாநில உரிமைகள் பாதுகாப்பு, இருமொழிக் கொள்கை,உள்ளிட்ட கருத்தியல்களில் தி.மு.க. அரசு போட்டுத் தந்த தடத்தில் த.வெ.க.
அரசும் தடம் மாறாமல்
பயணித்து தமிழ்நாட்டின் நலன் காக்க வேண்டும் என்று இச்செயற்குழு கேட்டுக்கொள்கிறது.
தி.மு.க. தலைமையிலானமதச்சார்பற்ற முற்போக்குக் கூட்டணியில் போட்டியிட்ட வேட்பாளர்களுக்கு குறிப்பாக நாகப்பட்டினம் மற்றும் மணப்பாறை தொகுதியில் போட்டியிட்ட மனிதநேய மக்கள் கட்சியின் வேட்பாளர்களுக்கு ஆதரவாக தேர்தல் பணிகளை செய்த தி.மு.க. தலைமையிலான மதச்சார்பற்ற முற்போக்குக் கூட்டணிக் கட்சிகளின் தலைவர்கள் மற்றும் தொண்டர் களுக்கும் வாக்களித்த மக்களுக்கும், த.மு.மு.க.வின் அனைத்து நிலை நிர்வாகி களுக்கும் இச்செயற்குழு நெஞ்சார்ந்த நன்றிகளைத் தெரிவித்துக் கொள்கிறது.
முஸ்லிம்களுக்கான
இடஒதுக்கீடு!
இந்திய அரசியலமைப்பின் அடிப்படைக் கூறுகளானமதச்சார்பின்மை, சமத்துவம், மதச்சுதந்திரம் மற்றும் சிறுபான்மையினரின் அரசியலமைப்புச் சட்ட உரிமைகளைப் பாதுகாப்பது உயரிய கடமையாகும்.
இஸ்லாத்தை தமது வாழ்வியல் நெறியாக ஏற்றுக் கொள்ளும் பிற்படுத்தப்பட் டோர், மிகவும் பிற்படுத்தப் பட்டோருக்கான இடஒதுக்கீட்டு உரிமை தொடர்பான அரசாணை எண் 31-ஐ ரத்து செய்த சென்னை உயர்நீதிமன்றத்தின் நீதியரசர்கள் ஜி.ஆர்.சுவாமிநாதன் – பாலாஜிஅமர்வின் தீர்ப்பு, ஏற்கனவே அதே அரசாணையின்செல்லுபடித்தன்மையை உறுதி செய்திருந்த நீதிபதிகள் எம்.எஸ். ரமேஷ் மற்றும் சக்திவேல் அமர்வின் தீர்ப்புக்கு முரணாக அமைந்துள்ளதால், இது நீதித்துறை ஒழுங்குமுறை (Judicial Discipline) மற்றும் முன்னுதாரணத் தீர்ப்பு களைப் பின்பற்றும் நீதிமுறை மரபுகள் குறித்து
கடுமையான கேள்விகளை எழுப்புகிறது.
எனவே, அரசாணை எண் 31 தொடர்பான முரண்பட்ட தீர்ப்புகளை தீர்க்கும் வகையில், வரும் சட்டமன்றக் கூட்டத் தொடரில் இஸ்லாத்தை தழுவிய பிற்படுத்தப்பட்ட முஸ்லிம்களின் சமூக மற்றும் கல்வி ரீதியான உரிமைகளை உறுதிப்படுத்தும் வகையில், 2007ஆம் ஆண்டு இயற்றப்பட்ட தமிழ்நாடு பிற்படுத்தப்பட்ட முஸ்லிம்கள் இடஒதுக்கீட்டு சட்டத்தில் தேவையான சட்டத்திருத்தங்களை தமிழக அரசு நிறைவேற்ற வேண்டுமென இச்செயற்குழு கோருகிறது.
வக்ப் திருத்தச் சட்டம்!
ஒன்றிய பா.ஜ.க. அரசு நிறைவேற்றியுள்ள வக்ப் திருத்தச் சட்டத்தை தமிழ்நாட்டில் நடைமுறைப்படுத்த மாட்டோம் என்று சென்ற தி.மு.க. ஆட்சியில் சட்டமன்றத்தில் தீர்மானம்நிறைவேற்றப்பட்டது. அதன்அடிப்படையில் தமிழ்நாடு வக்ப் வாரியத்தில் முஸ்லிமல்லாத உறுப்பினர்கள் யாரும் நியமிக்கப்பட வில்லை. இதே நிலைப்
பாட்டை புதிய ஆட்சியும் கடைப்பிடிக்க வேண்டும் தமிழ்நாடு வக்ப் வாரியத்திற்கு முழு தலைமை செயல் அலுவலர் நியமிக்கப்பட வேண்டும்
25ஆண்டுகளுக்கும் மேலாக தங்களின் தண்டனை காலத்தை நிறைவுசெய்த பின்னரும் சிறைகளில் அடைக்கப்பட்டுள்ள முஸ்லிம் வாழ்நாள் சிறைவாசிகளை உடனடியாக விடுதலை செய்ய உரிய நடவடிக்கை மேற்கொள்ள வேண்டுமென இச்செயற்குழு கேட்டுக் கொள்கிறது.
காவிரி டெல்டா மாவட்டங்கள்!
தமிழகத்தின் நெற்களஞ்சியமாக விளங்கும் காவிரி டெல்டா மாவட்டங்களில் ஆயிரக்கணக்கான விவசாயிகள் பெரும் இழப்பை
சந்தித்துள்ளனர்.
எனவே காவிரிடெல்டா மாவட்டங்களை உடனடியாக வறட்சி பாதித்த பகுதிகளாக அறிவிக்க வேண்டும்.குறுவை சாகுபடி செய்ய முடியாமல் பாதிக்கப்பட்ட அனைத்து விவசாயிகளுக் கும் ஏக்கருக்கு ரூ.15,000 வீதம் வறட்சி நிவாரணம் வழங்க வேண்டும். பிரதமரின் பயிர் காப்பீட்டுத் திட்டத்தின் கீழ், “விதைப்பு அல்லது நடவு மேற்கொள்ள இயலாமை தொடர்பான இடர்” பிரிவின் அடிப்படையில் பாதிக்கப்பட்ட விவசாயிகளுக்கு உடனடியாக இழப்பீடு வழங்க நடவடிக்கை எடுக்க வேண்டும்.
தமிழ்நாட்டின் காவிரி கடைமடை மாவட்டங்களை பாலைவனமாக்கும் நாசகர திட்டமான மேகதாது அணை திட்டத்தை கர்நாடகா அரசு உடனடியாக கைவிட வேண்டும் என இச்செயற்குழு வலியுறுத்துகிறது.
காவிரி நீர்ப் பங்கீட்டில் தமிழ்நாட்டின் நியாயமான உரிமையைப் பெற்றுத்தருவதில் ஒன்றிய பா.ஜ.க. அரசு கடமை தவறி ஓரவஞ்சனை செய்யக்கூடாது என எச்சரிக்கிறோம்.
தேர்தலில் வாக்குச்சீட்டு முறை!
பா.ஜ.க.வின் கைப்பாவையாக மாறி நாளுக்கு நாள் நம்பகத்தன்மையை இழந்து வரும் இந்தியத் தேர்தல் ஆணையத்தை செயற்குழு தனது கடுமையான அதிருப்தியை தெரிவித்துக் கண்டிக்கிறது.
இனிவரும் காலங்களில் தேர்தல் ஆணையத்தின் நம்பகத்தன்மையை பாதுகாக்கும் நடவடிக்கைகள் மேற் கொள்ளப்பட வேண்டும்.
கலைஞர் கனவு இல்லம்!
கலைஞர் கனவு இல்லம் வீடு கட்டும் திட்டத்தில் வீடு இல்லாத ஏழைகளுக்கு அரசாணை வழங்கப்பட்டு தற்போது பயனாளிகள் 80% வீடு கட்டியும் அவர்களுக்கான மானியத் தொகை 3,50,000 லட்சத்தில் இன்னும் ஒரு தவணை தொகைக் கூட வழங்கப்படவில்லை. இதனால் பயனாளிகள் மிகவும் சிரமப்பட்டு வீட்டு வேலையை முடிக்காமல் உள்ளனர்.
தமிழ்நாடுஅரசு உடனடியாக இத்திட்டத்தின்
பயனாளிகளுக்கு உரிய தொகையைவிடுவிக்க வேண்டுமென இச்செயற்குழு வலியுறுத்துகிறது.
மக்களின் நலனை கருத்தில் கொண்டு, வீட்டு மின்சார நுகர்வோருக்குமாதந்தோறும் மின் கட்டணத்தை செலுத்தும் முறையை
சட்டப்பூர்வமாக அறிமுகப்படுத்த தமிழ்நாடு அரசு
உடனடியாகநடவடிக்கை எடுக்க வேண்டும்
உடனடியாக தென்காசியில் அரசு மகளிர் கல்லூரி தொடங்க அரசு நடவடிக்கை எடுக்க வேண்டும்.
குற்றாலம் சீசன் நேரங்களிலும், தினசரிப் போக்குவரத்திற்கும் பிரதானமாக விளங்கும் இலஞ்சி சாலையில் கடந்த 3 ஆண்டுகளுக்கு மேலாக பாலம் கட்டும் பணி ஆமை வேகத்தில் நடைபெற்று வருகிறது. இது பொதுமக்களுக்கும், சுற்றுலாப் பயணிகளுக்கும் பெரும் சிரமத்தை ஏற்
படுத்துகிறது.
இப்பணி விரைவாக முடிக்கப்பட போர்க்கால அடிப்படையில் நடவடிக்கை எடுக்க வேண்டும்.
தென்காசி மாவட்டத்தில் கட்டி முடிக்கப்பட்ட மாவட்ட ஆட்சியர் அவ்வலுவலகத்தை விரைவாக திறக்க அரசு ஆவன செய்யவேண்டும்.
அந்நிய நிதி ஒழுங்குமுறைச் சட்டம் (FCRA)
ஒன்றிய அரசு கொண்டு வந்துள்ள அந்நிய நிதி ஒழுங்குமுறைச் சட்டம் (FCRA) தொடர்பான சமீபத்திய திருத்தங்கள் மற்றும் விதிமுறைகள், நாட்டில் சமூக நீதி, கல்வி, சுகாதாரம், பேரிடர் நிவாரணம், மனித உரிமைகள் மற்றும் சிறுபான்மை நலப் பணிகளில் ஈடுபட்டு வரும் தன்னார்வ அமைப்புகள் மற்றும்சமூக நிறுவனங்களின் செயல்பாடுகளை கடுமையாகப் பாதிக்கும் வகையில் அமைந்துள்ளதை ஆழ்ந்த கவலையுடன் பதிவு செய்கிறது.
குறிப்பாக, FCRA பதிவு புதுப்பிக்கப்படாத நிலையிலும் அல்லது ரத்து செய்யப்பட்டநிலையிலும், அந்த அமைப்புகளின் சொத்துகள் மற்றும் நிதிகளை அரசால் நியமிக்கப்படும் அதிகார அமைப்பின் கட்டுப்பாட்டுக்குள் கொண்டு செல்லும் ஏற்பாடு, இயற்கை நீதி மற்றும் ஜனநாயகக் கொள்கைகளுக்குமுரணானதாகும். மேலும், புதிய கட்டுப்பாடுகள் சமூக சேவை நிறுவனங்களின் சுயாதீன செயல்பாடுகளை முடக்கும் அபாயத் தையும் உருவாக்குகின்றன.
எனவே, இந்தசெயற்குழு FCRAதொடர்பான
சமீபத்தியதிருத்தங்கள் மற்றும் புதிய கட்டுப்பாடுகள் உடனடியாகத் திரும்பப் பெறப்பட வேண்டுமென ஒன்றியஅரசை கோருகின்றது.
இவ்வாறு தீர்மானங்கள் நிறைவேற்றப்பட்டன.