#Title

தலைமைச் செயலாளர் அணி – முதல்வரின் ஆலோசகர்கள் அணி இடையே அதிகார போட்டி!

கட்டுக்கட்டாக பைல்களுடன் அலுவலகத்துக்கு களைப்பாக வந்தார் மிஸ்டர் காக்ரோச். அவரிடம், “என்னங்கபைல்கள பார்த்தா பெரிய மேட்டர் உள்ளஇருக்கும்போல” என கேட்டோம். உடனே அவர், “அட ஏங்க நீங்க வேற... இந்த அரசில் எந்த அணி பேசுனாலும் பிரச்சினையா இருக்கு. இப்போ புதுசா இரண்டு அணி வேற ஸ்டார்ட் ஆகிருக்கு. அதுவும் அரசை வழி நடத்தும்சீப்பும், சி.எம்.யோட இரண்டு கைகளும்சண்டை போடுறதுதான் இப்போஹாட் டாப்பிக்” என்றார். இது என்னங்கபுது தகவலா இருக்கேன்னு கொஞ்சம் விவரமா சொல்லுங்க என்றோம். சரி சொல்றேன் என்று மளமளமென கோட்டையில் நடக்கும் அதிகார சண்டையை கொட்டினார் மிஸ்டர் காக்ரோச்.

“தமிழகத்தில் த.வெ.க. ஆட்சி அமைந்த பிறகு, ஆட்சியாளர்களும் நிம்மதியாக இல்லை. மக்களும் நிம்மதியாக இல்லை, அரசு ஊழியர்களும் நிம்மதியாக இல்லை, வியாபாரிகள், தொழில் அதிபர்கள், தொழி லாளர்கள், விசைத்தறியாளர்கள் என எல்லா தரப்பு மக்களும் ஒருவித பதற்றத்துடனேயே வாழ வேண்டிய சூழ் நிலை தற்போது உருவாகியுள்ளது. ஒரு உறுதியற்ற தன்மை நிலவுகிறது. அதற்கு காரணம், தற்போது ஆட்சியாளர்களில் செங்கோட்டையனைத் தவிர அனைவருமே புதியவர்கள். அவர்கள் ஆட்சியின் அதிகாரம் என்ன என்று தெரிந்து கொள் ளவே சிரமப்படுகிறார்கள். சிலர் என்ன என்று தெரியாமல், எல்லாம் தெரிந்த மாதிரிசெயல்படுவதால் ஏற்படும் குழப்பம் படு பயங்கரமாக உள்ளதாம். இதன் வெளிப்பாடுதான், தமிழக அரசியல் முக்கியமான பதவிகளில் வடமாநிலத்தைச் சேர்ந்தவர்கள் நியமனம் என்று கூறப்படுகிறது.

தலைமைச் செயலாளர் தெலங்கானா மாநிலம் ஐதராபாத்தைச் சேர்ந்தவர். அவர் டெல்லியில் படித்ததால், பா.ஜ. தலைவர்கள் அதிகமானவர்கள் அறி முகமானவர்கள். அவர்கள் மூலம்தான் கடந்த அ.தி.மு.க. ஆட்சியில் எடப்பாடி முதல்வராக இருந்தபோது அவருக்கு முதன்மைச் செயலாளராக நியமிக்கப்பட் டார். முக்கிய முடிவுகளை அவர்தான் எடுத்துவந்தார். டெல்லிக்கும், எடப்பாடி பழனிச்சாமிக்கும் ஒரு பாலமாக இருந்தார். அதே பாலத்தை தான் போடுவதாகக் கூறிதான் தற்போது முதல்வர் விஜயுடன் நெருக்கமாக இருக்கிறார். ஆனால்,விஜய் ஆட்சிக்கு வருவதற்கு முக்கிய காரணமாக இருந்தவர்கள் விஷ்ணு ரெட்டி, ஜான் ஆரோக்கியசாமி. இதனால்தான் இவர்கள் இருவருமே முதல்வரின் தனி செயலாளர்களாக நியமிக்கப்பட்டுள்ளனர்.

பட்டியல் இன

அதிகாரிகள் கடும் பாதிப்பு!

ஐ.ஏ.எஸ்., ஐ.பி.எஸ். அதிகாரிகளின் நியமனம் அவர்கள் மூலம்தான் நடந்தது. அவர்கள்தான் ஆட்சிக்கு வேண்டியவர்கள் யார்? வேண்டாதவர்கள் யார் என்று அலசி ஆராய்ந்து நியமித்தனர். அப்போது தலைமைச் செயலாளர் சாய்குமார்,வருகிற ஆகஸ்ட் மாதம் தனக்கு ஓய்வுவருகிறது. அதுவரை தலைமைச் செயலாளராக இருக்கிறேன் என்றார். அதற்கு முதல்வர் விஜய் சம்மதித்தார். அவரிடம் நல்ல பெயரும் வாங்கிக் கொண்டார். தற்போது ஆட்சியைப் பற்றி அவருக்கு பாடம் எடுப்பதாக கூறி மேலும் 6 மாதம் பணி நீட்டிப்பு பெற்றுள்ளார். இந்த பணி நீட்டிப்பு பெற்றவுடன், முதல்வருடன் இருக்கும் ஆலோசகர்களை மீறி செயல் படத் தொடங்கியுள்ளாராம்.

சமீபத்தில், 19 ஐ.ஏ.எஸ். அதிகாரிகள் மாற்றம் செய்யப்பட்டனர். அந்த மாற்றம் குறித்து ஆலோசகர்களுடன் ஆலோசனை நடத்தவில்லையாம். தன்னிச்சையாக முடிவு எடுக்கிறாராம். சில ஐ.ஏ.எஸ். அதிகாரி களை குறிப்பிட்ட பதவியில் நியமிக்க வேண்டும் என்றபோது அவர்களை டம்மியாகவும், சிலரை மாற்ற வேண்டும் என்றபோது அவர்களுக்கு அதிகாரம் உள்ள பதவியும் வழங்கியுள்ளார்.

குறிப்பாக வட மாநில அதிகாரிகளுக்கு முக்கிய பதவிகளை வாரி வழங்கியுள்ளார். அதேநிலைமை தான் தற்போது போலீசிலும் உள்ளது. போலீசிலும் வட மாநில அதிகாரிகளின் கை உயர்ந்துள்ளதாம். ஐ.ஏ.எஸ்., ஐ.பி.எஸ். அதிகாரிகள் நியமனத்தில் தமிழக அதிகாரிகள் முற்றிலும் புறக்கணிக்கப்பட்டுள் ளார்களாம். அதிலும், பட்டியல் இன அதிகாரிகள் கடுமையாக பாதிக்கப்பட்டுள்ளார்களாம். பட்டியல் இனத்தைப் பொறுத்தவரை அவர்கள், தமிழக அதிகாரிகள்

மட்டுமல்லாது வடமாநில அதிகாரிகளும் பாதிக்கப்பட்டுள்ளார்களாம். இதனால் தமிழக அரசு முடங்கி இருக்கும் சூழ்நிலை தற்போது ஏற்பட்டுள்ளதாம்.

ஏற்கனவேஅமைச்சர்களுக்குள்ளும் மோதல் எழுந்துள்ளது. முதல்வர் விஜய் அணி, புஸ்சி ஆனந்த், ஆதவ் அர்ஜூனா, நிர்மல்குமார் ஆகிய அணிகள் செயல்பட்டு வருகிறதாம். அதில் தற்போது, ராஜ்மோகன் தலைமையில் தலித் அமைச்சர்கள், எம்.எல்.ஏ.க்கள் எல்லோரும் ஓரணியில்திரளத் தொடங்கியுள்ளார்களாம். இந்த நிலையில், தலைமைச் செயலாளர் தலைமையில் ஒரு அணியும், முதல்வரின் ஆலோசகர்கள் தலைமையில் ஒரு அணியும் பிரிந்துநிற்கிறார்களாம்.

அதில் ஆலோசகர்கள் இருப்பதால், தங்களது முக்கியத்துவம் குறைந்து விடும் என்று கருதும் தலைமைச் செயலாளர் அணி, எப்படியாவது ஆலோசகர்களை காலி செய்ய வேண்டும் என்ற முடிவில் உள்ளார்களாம். இதற்காக இருதரப்பும் வரிந்து கட்டிக் கொண்டு செயல்படுகிறார்களாம். இதனால்தான் லஞ்ச ஒழிப்புத்துறையில் இயக்குநர் பதவி நிரப்பப்படாமல் உள்ளதாம் என்றார் மிஸ்டர்காக்ரோச்.

நன்றி : ‘தினகரன்’

இணைப்பு : அரசியல் டைரி

21.07.2026