புதுடெல்லி, ஜூலை 22 –
தமிழ்நாட்டில் சில மாவட்டங்களில் இன்னமும் பிரதமரின் முத்ரா யோஜனா திட்டத்தின் கீழ் கடன் வழங்குவதில் தாமதம் ஏற்பட்டு வருகிறது. இதனால் ஏற்படும் சிரமங்களை களைய ஒன்றிய அரசு நடவடிக்கை எடுக்க வேண்டும் என்று மக்களவையில் திருவண்ணாமலை தொகுதி கழக உறுப்பினர் சி.என்.அண்ணாதுரை கேள்வி எழுப்பினார்.
இது தொடர்பாக அவரது கேள்விகள் வருமாறு:
அனைத்து மாநிலங்களிலும், பிரதான் மந்திரி முத்ரா யோஜனா (PMMY) திட்டத்தின் கீழ் தமிழ்நாடு அதிகபட்ச ஒட்டுமொத்த கடன் வழங்கலைப் பதிவு செய்துள்ளதா, ஆம் எனில், அதன் விவரங்கள் என்ன?
திருவண்ணாமலை மாவட்டத்தில் கடந்த மூன்று ஆண்டுகளில் மற்றும் நடப்பு ஆண்டில் வழங்கப்பட்ட கடன்களின் எண்ணிக்கை மற்றும் அதன் மதிப்பு மற்றும் தமிழ்நாட்டில் வழங்கப்பட்டு, விநியோகிக்கப்பட்ட முத்ரா கடன்களின் விவரங்கள், வகை வாரியாக மற்றும் மாவட்ட வாரியாக தெரிவிக்கவும்,
தொழில்முனைவோர் மற்றும்
மாநிலத்தில் வேலைவாய்ப்பு உருவாக்கம், பெண் குறுந் தொழில்கள் ஆகியவற்றின் மீது பிரதான் மந்திரி முத்ரா யோஜனா கடன்களின் தாக்கத்தை அரசாங்கம் மதிப்பீடு செய்துள்ளதா, ஆம் எனில், அதன் விவரங்கள் என்ன?
தமிழ்நாட்டின் சில மாவட்டங்களில் பிரதான் மந்திரி முத்ரா யோஜனா திட்ட (PMMY) கீழ் போதுமான கடன் வழங்கல் இல்லாமை, அதிக நிராகரிப்பு விகிதங்கள் மற்றும் விண்ணப்பங்க ளைச் செயலாக்குவதில் ஏற்படும் தாமதங்கள் தொடர்பான புகார்கள் குறித்து அரசுக்குத் தெரியுமா, அப்படியானால், அதன் விவரங்கள், தெரிவிக்கவும்,
(இ) தமிழ்நாட்டில் பிணையமில்லாக் கடனுக்கான அணுகலை மேம்படுத்தவும், பிரதான் மந்திரி முத்ரா யோஜனா திட்டத்தின் (PMMY) செயல்திறனை அதிகரிக்கவும் எடுக்கப்பட்ட அல்லது முன்மொழியப்பட்ட நடவடிக்கைகள் யாவை?
மேற்கண்டவாறு சி.என்.அண்ணாதுரை கேள்விகள் கேட்டிருந்தார்.
அதற்கு ஒன்றிய நிதித்துறை இணை அமைச்சர் விரிவாகப் பதிலளித்துள்ளார்.