சென்னை, ஜூலை 23 –
‘‘எதிர்ப்புக்குரலை ஒடுக்க அதிகாரத்தைத் தவறாகப் பயன்படுத்துவது சர்வாதிகாரப் போக்கில் ஜோசப் விஜய் ஆட்சி சென்று கொண்டிருப்பதைக் காட்டுகிறது’’ என்று ‘தி இந்து’ ஆங்கில நாளேடு தலையங்கத்தில் கடும் கண்டனம் தெரிவித்துள்ளது.
‘எதிர்ப்புக் குரலுக்கு இடமளிப்பது’ என்ற தலைப்பிலும் ‘ஆட்சி
யாளர்களின் நற்பெயரைக் காக்க குற்றவியல் சட்டத்தைப் பயன்
படுத்துவது கண்டிக்கத்தக்கது’ என்ற துணைத் தலைப்பிலும்
‘இந்து’ நாளேட்டில் வெளியான தலையங்கம் வருமாறு:–
ஜனநாயக மனப்பான்மையின் மையத்தில் இருப்பது, கருத்து வேறுபாடுகளை சகித்துக்கொள்வதும்
சட்டத்தின் ஆட்சியை நிலைநிறுத்து வதும்தான். இவற்றுக்கு ஏற்படும் அச்சுறுத்தல்கள் ஜனநாயகத்தின் அடித்தளத்தையே சீர்குலைத்து
விடும்.
தமிழக வெற்றிக் கழகம் (TVK) தமிழகத்தில் ஆட்சிப் பொறுப்பேற்ற முதல் சில மாதங்களிலேயே, முதலமைச்சர் அல்லது அவரது அமைச்சரவை சகாக்களை விமர்சித்ததன் காரணமாக குறைந்தது 10 பேர் காவல்துறை நடவடிக்கைக்கு
ஆளாகியுள்ளனர்.
முன்னாள் அமைச்சர் அனிதா ராதாகிருஷ்ணன் முதலமைச்சர் சி.ஜோசப் விஜயை விமர்சித்ததற் காக கைது செய்யப்பட்ட சம்பவம்அதிக கவனத்தைப் பெற்றிருந்தாலும், அதே காலகட்டத்தில் பலரும் கைது செய்யப்பட்டனர் அல்லது காவல்துறை நடவடிக்கைகளை எதிர்கொண்டுள்ளனர்.
அவர்களில், திருநெல்வேலி யைச் சேர்ந்த ஜேம்ஸ் ராஜா, கோயம்புத்தூரைச் சேர்ந்தவி. விஷ்ணுபிரபு மற்றும் டி. மனோஜ்குமார் ஆகியோர், முதலமைச்சரை விமர்சித்து முகநூலில் (ஃபேஸ்புக்கில்) பதிவிட்டதற்காக நடவடிக்கைக்கு ஆளானார்கள். கரூரைச் சேர்ந்த தங்கமணியும் இதேபோன்ற
நடவடிக்கையை எதிர்கொண்டார்.
திராவிட முன்னேற்றக் கழகத்தின் (தி.மு.க.) Gen Z அணித்
தலைவர் அ.அன்பானந்தம்,
முதலமைச்சர் விஜய் மற்றும்
அவரது குடும்பம் குறித்து “இழிவான” பதிவுகளை வெளியிட்டதாகக் கூறி, அவரது இல்லத்தில் காவல்துறையினர் சோதனை நடத்தினர்.
யூடியூபர் மாரிதாஸ், முதலமைச்சர் மற்றும் தொழில்துறை அமைச்சர் எஸ். கீர்த்தனா குறித்து கூறிய கருத்துகளுக்காக சென்னை சைபர் கிரைம் காவல்துறையால் கைது செய்யப்பட்டார்.
தி.மு.க. சட்டமன்ற உறுப்பினர் மார்க்கண்டேயன், முதலமைச்ச ருக்கு மிரட்டல் விடுத்ததாகக் கூறப்பட்ட குற்றச்சாட்டின் பேரில் தூத்துக்குடியில் கைது செய்யப்பட்டார்.
மேலும், இந்து சமய அறநிலையத்துறை அமைச்சர் எஸ். ரமேஷ் குறித்து கருத்து தெரிவித்த வினோத் சூர்யகுமார், டி.வி.கே.-வை ஆதரித்த ஒரு பெண்ணை இலக்காகக் கொண்டு இன்ஸ்டாகிராமில் பதிவிட்டதற்காக காவல்துறையால் கைது செய்யப்பட்ட ஆர்.ஜே. சரண் ஜெயராமன், ஆகியோரும் கைது செய்யப்பட்டவர்களில் அடங்குவர்.
அதேபோல், அமைச்சர் எஸ். ரமேஷ் குறித்து கருத்து தெரிவித்த இந்திராணி சுடலைமுத்து மீதும் ஒரு வழக்கு பதிவு செய்யப்பட்டது.
ஆபத்தை
உருவாக்கும்!
அனைத்து அரசியல் தரப்பினரும் ஆட்சிக்கு வந்தவுடன், தங்களின் நற்பெயரைக் காக்க காவல்துறையையும் குற்றவியல் சட்டங்களையும் ஒரு கவசமாகப் பயன்படுத்துவதை இயல்பான நடைமுறையாக மாற்றிவிட்டனர்.
இது ஜனநாயகத்திற்கு கட்டமைப்பு ரீதியான ஆபத்தை உருவாக்குகிறது.
காவல்துறையின் நடவடிக்கைகள்,கருத்து வெளிப்பாட்டை அடிப்படையாகக் கொண்ட கைது நட வடிக்கைகள் அதிகரித்து வருவதையும், த.வெ.க. ஆட்சியில் சர்வாதிகாரப் போக்கு உருவாகி வருவதையும் சுட்டிக்காட்டுகின்றன. அரசில் இருப்பவர்களையோ அல்லது ஆளும் கட்சியையோ விமர்சிக்கும் எந்தக் கருத்துக்கும் எதிராக,
அவதூறு சட்டம், தகவல் தொழில்நுட்பச் சட்டம் மற்றும் இணையக் குற்றப் பிரிவுகள் விருப்பம்போல் பயன்படுத்தப்படுகின்றன.
த.வெ.க. கட்சியினரால் அளிக்கப்படும் புகார்களும், கருத்து வேறு பாடு கொண்டவர்களை குறிவைத்து காவல்துறை தாமாகவே (suo motu) எடுக்கும் நடவடிக்கைகளும், நிர்வாகத்தை அதன் சரியான பாதை யிலிருந்து விலக்கக்கூடும்.