அமைச்சர்கள் மீது முன்வைக்கப் படும் குற்றச்சாட்டுகளை, அவை சிவில் வழக்குகள் அல்லது அரசியல் விவாதங்களின் மூலம் இயல்பாகத் தீர்க்கப்பட வேண்டியவையாக இருந்தாலும், அவற்றை உடனடியாக ‘குற்றவியல் தவறான தகவல்’ அல்லது ‘அவதூறு’ எனக் கருதி
குற்றவியல் நடவடிக்கை எடுக்க அரசு தயாராக இருப்பது கவலை
யளிக்கிறது.
புதிய அரசு, மக்களுடன் எவ்வாறு தொடர்பு கொள்ள வேண்டும் என்பதற்கான புதிய நடைமுறைகளை உருவாக்கும் வாய்ப்பைப் பெற்றுள்ளது. கருத்து வேறுபாடுகளை சகிப்புத்தன்மையுடன் ஏற்றுக்கொண்டு, எதிர்ப்புக் குரலை ஒடுக்குவதற்காக தன்னிடம் உள்ள அதிகாரத்தைத் தவறாகப் பயன்படுத்தாமல் இருக்க வேண்டும்.
வளர்ச்சியை நோக்கமாகக் கொண்ட எந்த அரசும், பொதுத் தளங்களில் வெளிப்படுத்தப்படும் விமர்சனங்களாலும் கருத்து வேறுபாடுகளாலும் மேலும் செழுமையடைய முடியும்; அவற்றைக் கேட்கும் மனப்பான்மை இருந்தால் மட்டுமே அது சாத்தியமாகும்.
தீங்கு விளைவிக்கும், ஆபாசமான அல்லது ஒழுக்கக்கேடான உள்ளடக்கங்களைக் கட்டுப்படுத்த வேண்டிய அவசியம் இருந்தாலும், அந்தக் கட்டுப்பாடுகள் கருத்துச் சுதந்திரம் என்ற அடிப்படை உரிமையின் மேலாதிக்கத்துடன் சமநிலைப்படுத்தப்பட வேண்டும் என்பதை அரசு எப்போதும் நினைவில் கொள்ள வேண்டும்.
இவ்வாறு ‘தி இந்து நாளேடு’ தனது தலையங்கத்தில் த.வெ.க. அரசின் தலையில் குட்டியுள்ளது.