#Title

திருவள்ளூர் அருகே காக்களூரில் 40 ஆண்டுகளாக வாழ்வாதாரம் நடத்தி வந்த வியாபாரிகளை விரட்டும் த.வெ.க. அரசு? முன்னறிவிப்பின்றி ஜே.சி.பி.யுடன் வந்த அதிகாரிகள்; “வியாபாரிகளை வஞ்சிக்கும் ஆட்சி” என கண்டனம்!

திருவள்ளூர், ஜூலை 23;-

திருவள்ளூர் மாவட்டம், பூந்தமல்லி தொகுதிக்குட்பட்ட திருவள்ளூர் ஒன்றியம் காக்களூர் பகுதியில் கடந்த 40 ஆண்டுகளுக்கும் மேலாக மருந்தகம், உணவகம் மற்றும் பல்வேறு சிறு வணிக நிறுவனங்களை நடத்தி வந்த வியாபாரிகள் தங்களது குடும்பங்களின் வாழ்வாதாரத்தை நம்பி தொழில் செய்து வந்துள்ளனர். மேலும், அந்தக் கடைகள் பொதுமக்கள் மற்றும் வாகன ஓட்டிகளின் அன்றாட தேவைகளையும் பூர்த்தி செய்து வந்ததாக அப்பகுதி மக்கள் தெரிவிக்கின்றனர்.

இந்த நிலையில், தமிழக வெற்றி கழக ஆட்சி பொறுப்பேற்ற பிறகு, ஆளுங்கட்சியைச் சேர்ந்த முக்கிய நபர்களின் தூண்டுதலின் பேரில் அரசு அதிகாரிகள் அப்பகுதிக்குச் சென்று, கடைகளை காலி செய்ய வேண்டும் என்று கூறி, வியாபாரிகளிடம் கட்டாயப்படுத்தி கையெழுத்து பெற்றதாக குற்றச்சாட்டு எழுந்துள்ளது.

அதனைத் தொடர்ந்து, எந்தவித முன்னறிவிப்பும், உரிய அவகாசமும் வழங்காமல் ஜேசிபி இயந்திரங்களுடன் அதிகாரிகள் கடைகளை அகற்றும் நடவடிக்கையில் திடீரென ஈடுபட்டதால் காக்களூர் பகுதியில் பெரும் பரபரப்பு ஏற்பட்டது.

இதையடுத்து, அங்கிருந்த வியாபாரிகளும் பொதுமக்களும் அதிகாரிகளை முற்றுகையிட்டு, “எந்த அறிவிப்பும் வழங்காமல், பல ஆண்டுகளாக இயங்கி வரும் கடைகளை இடிக்க உத்தரவிட்டதுயார்? ஏழை மக்களின் வாழ்வாதாரத்தை பறிக்கும் இந்த அவசரம் ஏன்?” என்று கடும் கேள்விகளை எழுப்பினர். பொதுமக்களின் எதிர்ப்பைத் தொடர்ந்து அதிகாரிகள் அங்கிருந்து வெளியேறியதாக கூறப்படுகிறது.

இந்தச் சம்பவம் தொடர்பாக, சிறு வியாபாரிகளின் வாழ்வாதாரத்தை பாதுகாக்க வேண்டிய அரசு, அவர்களையே அச்சுறுத்தும் வகையில் செயல்படுவதாகவும்,பொதுமக்களை வஞ்சிக்கும் அணுகுமுறையையே த.வெ.க. அரசு கடைப்பிடித்து வருவதாகவும் வியாபாரிகள் மற்றும் அப்பகுதி மக்கள் கடும் கண்டனம் தெரிவித்தனர்.

இந்தச் சம்பவம், சிறு வியாபாரிகளின் வாழ்வாதாரத்தைப் பாதுகாக்கத் தவறிய ஆட்சியின் செயல்பாட்டைவெளிப்படுத்துவதாக எதிர்க்கட்சிகள் விமர்சித் துள்ளன. முன்னறிவிப்பு, மாற்று ஏற்பாடு அல்லது உரிய சட்ட நடைமுறைகள் இன்றி நடவடிக்கை எடுக்கப்பட்டதாக எழுந்துள்ள குற்றச்சாட்டுகளுக்கு அரசு விளக்கம் அளிக்க வேண்டும் என்றும், பாதிக்கப்பட்ட வியாபாரிகளின் வாழ்வாதாரத்தை பாதுகாக்க உடனடி நடவடிக்கை எடுக்க வேண்டும் என்றும் பொதுமக்கள் சமூக ஆர்வலர்கள் வலியுறுத்தியுள்ளனர்.

சூலூர் பேரூர் கழகத்தின் சார்பில் பல்லடம் சட்டமன்ற முன்னாள் உறுப்பினர், சூலூர் பேரூராட்சி முன்னாள் தலைவர் எஸ்.எஸ்.பொன்முடி அவர்களின் 71-வது பிறந்தநாளை முன்னிட்டு அவரது திருவுருவப்படத்திற்கு மலர் தூவி மரியாதை செலுத்தி மாபெரும் இலவச மருத்துவ முகாமை கோவை தெற்கு மாவட்டச் செயலாளர் தளபதி முருகேசன் துவக்கி வைத்தார். இதில் சட்டமன்ற உறுப்பினர் குட்டி (எ) ஆ.சுதாகர், ஒன்றிய செயலாளர்கள் மன்னவன் சூலூர் தெற்கு, சிபி.கே.செந்தில்குமார் சூலூர் வடக்கு, மருத்துவர் ராஜேந்திரன், பேரூராட்சி தலைவர்கள் தேவி மன்னவன் சூலூர், செல்வராஜ் பள்ளபாளையம், முன்னாள் பொறுப்புத் தலைவர் செல்வராஜ், பேரூர் கழக செயலாளர்கள் கௌதமன் சூலூர், கபிலன் பள்ளபாளையம், வேலுச்சாமி சாமளாபுரம், மாவட்ட சுற்றுச்சூழல் அணி அமைப்பாளர் பசுமை நிழல் விஜயகுமார், மாவட்ட மாணவர் அணி அமைப்பாளர் சூலூர் பிரபு, மாவட்ட மருத்துவர் அணி அமைப்பாளர் சிவப்பிரகாஷ், சூலூர் பேரூராட்சி துணைத் தலைவர் சோலை கணேஷ், மாவட்ட மகளிர் தொண்டர் அணி துணை அமைப்பாளர் சாப்ரா உள்பட மாநில, மாவட்ட, ஒன்றிய, பேரூர் கழக நிர்வாகிகள், சார்பு அணிகளின் அமைப்பாளர்கள், துணை அமைப்பாளர்கள் பலர் கலந்து கொண்டனர்.