கோவை, ஜூலை 23 –
தி.மு.க.வில் இருந்த மாமன்ற உறுப்பினர் பாபு கழகத்தை குறித்து அவதூறு பரப்பியது குறித்து கவுண்டம்பாளையம் பகுதி கழக செயலாளர் சரத் விக்னேஷ் செய்தியாளர்களுக்கு பேட்டி அளித்தார்.
அப்போது அவர் கூறியதாவது :- கழகத் தலைவர், என்னாலும் எங்கள் முதலமைச்சர் முத்துவேல் கருணாநிதி ஸ்டாலின் அவர்கள், கழக இளைஞர் அணி செயலாளர், தமிழ்நாடு சட்டமன்ற எதிர்க்கட்சி தலைவர் உதயநிதி ஸ்டாலின் அவர்களின் ஆதரவைப் பெற்று, மேற்கு மண்டலப் பொறுப்பாளர், முன்னாள் அமைச்சர் முன்னாள் வி.செந்தில் பாலாஜி அவர்களின் பரிந்துரையால் கழகத்தின் சார்பில் உதய சூரியன் சின்னத்தில் போட்டி யிட்டு கழகத்தினர் கடின உழைப்பால் 20வது வார்டு மாமன்ற உறுப்பினராக வெற்றி பெற்றவர் பாபு, இவர் தற்போது மிக மோசமாக, பொய்யான ஒரு குற்றச்சாட்டைத் தெரிவித்து தி.மு.கவிலிருந்து வெளியேறுவதாக கூறியுள்ளார்.
மக்களை மூளைச்ச லவை செய்து, குறுக்கு வழியில் தி.மு.க. அரசைப் பற்றி பல பொய்யான அவதூறுகளைத் தெரிவித்து தவெக தமிழ்நாட்டில் ஆட்சியை பிடித்து உள்ளது. மாமன்ற உறுப்பினர் பாபு சென்னையில் விஜய் பதவியேற்ற அன்றே தவெகவிற்கு சென்று விட்டார். அதற்கான ஆதாரங்கள் எங்களிடம் உள்ளது. அதனால் கழகத்தின் மூலம் அவர் மீது நடவடிக்கை எடுக்கப்படும் என்பதை அறிந்து ஓடி விட்டார்.
பாபு கரூர் கம்பெனி என்று சொல்கிறார். ஆனால் தற்போது அவர், மார்ட்டின் கம்பெனியில் சேர்ந்துள்ளார். மாமன்ற உறுப்பினராக வெற்றி பெற்ற போது அவர், கரூர் காரர்களே என்னை ஜெயிக்க வைத்ததாகத் தெரிவித்துள்ளார். இன்று 96 மாமன்ற உறுப்பினர்கள், 31 பேரூராட்சி, 8 நகராட்சிகளில் வெற்றி பெறுவதற்கு கழக மேற்குமண்டலப் பொறுப்பாளர், முன்னாள் அமைச்சர் வி.செந்தில் பாலாஜி அவர்களே காரணம்,
பாபு தனது ரியல் எஸ்டேட் தொழிலை பாதுகாக்க தவெகவிற்கு சென்றுள்ளார். மாமன்ற உறுப்பி னர் பாபு தனது அவதூறு கருத்தை திரும்ப பெற வேண்டும். இல்லை என்றால் அவர் மீது வழக்குத் தொடருவோம்.
தி.மு.கவில் மாமன்ற உறுப்பினர் அங்கீகாரத்தைப் பெற்று, கட்சி பொறுப்பு வாங்கியும் ஒரு நாள் கூட அவர் வேலை செய்யவில்லை என்று அவர் கூறினார். இந்நிகழ்வில் பெரியநாயக்கன்பாளையம் மத்திய ஒன்றிய கழக செயலாளர் தாமோதரன், மாமன்ற உறுப்பினர்கள் சுபஸ்ரீ , கிருஷ்ணமூர்த்தி, வட்டக் கழக செயலாளர்கள் டாக்டர் கணேஷ், சங்கர், ஆறுமுகம், கனகராஜ், மற்றும் வர்த்தக அணி துணை அமைப்பாளர் செந்தில் மூர்த்தி உள்ளிட்டபலர் உடனிருந்தனர்.