திருவள்ளூர். ஜூலை.23-
திருவள்ளூர் மேற்கு மாவட்ட தி.மு.க. சார்பில், “கழகத்தின் வேர்களைத் தேடி” என்ற தலைப்பில், கழகத்தின் ஆணி வேராகத் திகழும் கிளைக் கழக நிர்வாகிகளை நேரில் சந்தித்து ஆலோசனைகள் மற்றும் கழகப் பணிகள் குறித்து கேட்டறியும் நிகழ்வு நேற்று நடைபெற்றது.
அதன் ஒரு பகுதியாக, திருத்தணி தெற்கு ஒன்றியம் செ.அக்ரஹாரம் கிளைக் கழக நிர்வாகி களை திருவள்ளூர் மேற்கு மாவட்ட கழக செயலாளர் திருத்தணி எஸ். சந்திரன் நேரில் சந்தித்து கலந்துரையாடினார்.
இந்தச் சந்திப்பில், கிளைக் கழகங்களின் செய ல்பாடுகளை மேலும் வலுப்படுத்துவது, புதிய உறுப்பினர்களை இணைத்தல், மக்களுடனான தொடர்பை விரிவுபடுத்து தல், அரசின் மக்கள் நலத் திட்டங்களை பொதுமக்களிடம் கொண்டு சேர்த்தல் உள்ளிட்ட பல்வேறு அம்சங்கள் குறித்து விரிவாக ஆலோசிக்கப்பட்டது.
மேலும், கிளைக் கழக நிர்வாகிகள் தங்களது பகுதிகளில் மேற்கொள்ளப்பட்டு வரும் கழகப் பணிகள் மற்றும் எதிர்கால செயல்திட்டங்கள் குறித்து மாவட்ட செயலாளரிடம் எடுத்துரைத்தனர். அவர்களின் கருத்துகளை கவனமாகக் கேட்ட மாவட்ட செயலாளர், கழகத்தின் வளர்ச்சிக்காக அனைவரும் ஒருங்கிணைந்து செயல்பட வேண்டு மென வலியுறுத்தினார்.
இந்த நிகழ்வில் திருத்தணி தெற்கு ஒன்றிய செயலாளர் கே.இராஜேந்திரன், கிளைச் செயலாளர்கள்பாலன், ரவி உள்ளிட்டோர் கலந்து கொண்டனர்.
மேலும், செ.அக்ர ஹாரம் கிளைக் கழக நிர்வாகிகள் மற்றும் கழகத் தோழர்கள் திரளாக பங்கேற்று நிகழ்வை சிறப்பித்தனர். “கழகத்தின் வேர்களைத் தேடி” என்ற இந்தத் தொடர் சந்திப்பு, கிளைக் கழக நிர்வாகிகளுக்கு புதிய உற்சாகத்தையும், கழகப் பணிகளை மேலும் தீவிரப்படுத்தும் உத்வேகத்தையும் ஏற்படுத்தியதாக நிர்வாகிகள் தெரிவித்தனர்.