புதுடெல்லி, ஜூலை.23–
நாட்டின் ஒட்டுமொத்த சரக்கு மற்றும் சேவை ஏற்றுமதியில் தமிழ்நாட்டின் பங்களிப்பை மதிப்பிட்டுள்ளதா? அப்படியானால் அதன் விவரங்கள் என்ன? என்றும்
கடந்த மூன்று ஆண்டுகளில் ஒவ்வொன்றிலும் மற்றும் நடப்பு ஆண்டிலும், ஆட்டோமொபைல், ஜவுளி, மின்னணுவியல், தோல் பொருட்கள் மற்றும் பொறியியல் பொருட்கள் உள்ளிட்ட இந்தியாவின் மொத்த ஏற்றுமதியில் தமிழ்நாட்டின் பங்கு பற்றி துறைவாரியாக தெரிவிக்கவும் என்றும்
தமிழ்நாடு நாட்டின் முன்னணி ஏற்றுமதி மாநிலங்களில் ஒன்றாக உருவெடுத்துள்ளதா? ஆம் எனில், அதன் விவரங்கள் என்ன? என்றும்
தமிழ்நாட்டின் ஏற்றுமதிப் போட்டித்திறனை மேம்படுத்துவதற்காக, ஏற்றுமதி உள்கட்டமைப்பு, தளவாடங்கள், துறைமுகங்கள், தொழில் வழித்தடங்கள் மற்றும் தொழில் செய்வதை எளிதாக்குதல் ஆகியவற்றை வலுப்படுத்த ஒன்றிய அரசாங்கத்தால் எடுக்கப்பட்ட நடவடிக்கைகளின் விவரங்கள் என்ன? என்றும்
குறிப்பிட்ட காலகட்டத்தில் தமிழ்நாட்டில் உள்ள ஏற்றுமதியாளர்கள் மற்றும் குறு, சிறு மற்றும் நடுத்தர நிறுவனங்களுக்கு (MSME) வழங்கப்பட்ட மத்திய அரசின் உதவி, ஊக்கத்தொகைகள் மற்றும் ஏற்றுமதி ஊக்குவிப்புத் திட்டங்களின் விவரங்கள் என்ன? என்றும்
காஞ்சிபுரம் பட்டு, கைத்தறி, தோல் மற்றும் மின்னணு உற்பத்திக்கு ஒரு முக்கிய மையமாகவும், குறிப்பிடத்தக்க ஏற்றுமதித் திறனைக் கொண்டதாகவும் விளங்குகிறது. தமிழ்நாட்டின் காஞ்சிபுரம் மாவட்டத்தின் ஏற்றுமதியை அதிகரிப்பதற்காக ஏற்றுமதி உள்கட்டமைப்பு, தளவாடங்கள் மற்றும் சந்தை அணுகலை வலுப்படுத்த அரசாங்கம் கூடுதல் நடவடிக்கைகளை எடுக்குமா என்று அமைச்சரிடம் நான் கேட்க விரும்புகிறேன்.? என்றும்
காஞ்சிபுரத்தில் உள்ள பல சிறு, குறு மற்றும் நடுத்தர நிறுவனங்களும் (MSMEs) கைவினைத் தொழில்களும் ஏற்றுமதிக்குப் பங்களித்தாலும், சர்வதேசத் தரத்தை எட்டுவதிலும் புதிய சந்தைகளை அணுகுவதிலும் சவால்களை எதிர்கொள்கின்றன. இந்த ஏற்றுமதியாளர்களுக்காக, ஏற்றுமதி ஊக்குவிப்புத் திட்டங்கள், தரச் சான்றிதழ் ஆதரவு மற்றும் திறன் மேம்பாட்டுத் திட்டங்களை ஒன்றிய அரசாங்கம் விரிவுபடுத்துமா? என்று காஞ்சிபுரம் நாடாளுமன்ற தொகுதி உறுப்பினர் க.செல்வம் கேள்வி எழுப்பினார்.
இக்கேள்விகளுக்கு ஒன்றிய அமைச்சரின் பதில்கள் வருமாறு :–
கடந்த மூன்று ஆண்டுகள் மற்றும் நடப்பு ஆண்டில், மோட்டார் வாகனங்கள், கார்கள் மற்றும் ஜவுளி சார்ந்த பொருட்கள், மின்னணுவியல், தோல் மற்றும் தோல் உற்பத்திப் பொருட்கள் மற்றும் பொறியியல் பொருட்கள் உள்ளிட்ட இந்தியாவின் மொத்த ஏற்றுமதியில் தமிழ்நாட்டின் பங்கு உட்பட, நாட்டின் ஒட்டுமொத்த சரக்கு ஏற்றுமதியில் தமிழ்நாட்டின் பங்களிப்பு குறித்த துறைவாரியான விவரங்கள் அடங்கிய பட்டியல் கொடுக்கப்பட்டுள்ளன.
நாட்டின் ஏற்றுமதிப் போட்டித்திறனை மேம்படுத்துவதற்காக, தமிழ்நாடு உட்பட, ஏற்றுமதி உள்கட்டமைப்பு, தளவாடங்கள், தொழில் வழித்தடங்கள் மற்றும் தொழில் செய்வதை எளிதாக்குதல் ஆகியவற்றை வலுப்படுத்த அரசாங்கம் பல முக்கிய நடவடிக்கைகளை எடுத்து வருகிறது என்றும் குறிப்பிட்டு நீண்ட விளக்கம் அளித்திருந்தார்.
இவ்வாறு ஒன்றியஅமைச்சர் பதிலளித்தார்.