புதுடெல்லி, ஜூலை -23-–
வேளாண் வனவியல் மூலம் விவசாயிகளின் வருமானத்தை அதிகரிக்க நடவடிக்கை எடுக்கப்பட்டுள்ளது என்று நாடாளுமன்ற மக்களைவையில் டாக்டர் எஸ்.ஜெகத்ரட்சகன் கேள்விக்கு ஒன்றிய இணை அமைச்சர் பதிலளித்துள்ளார்
திராவிட முன்னேற்றக் கழக, அரக்கோணம் நாடாளுமன்ற உறுப்பினர், டாக்டர் எஸ். ஜெகத்ரட்சகன் அவர்கள், ஜூலை 21, 2026 அன்று மக்களவையில்,
வேளாண் வனவியல் மூலம் ஊரக வேலைவாய்ப்பு உருவாக்கம், பருவநிலை மாற்றத்தை எதிர்கொள்ளும் திறனை மேம்படுத்துதல், நிலையான நிலப் பயன்பாட்டு முறைகளை ஊக்குவித்தல், விவசாயிகளின் வாழ்வாதாரத்தைப் பன்முகப்படுத்துதல், ஊரக வளர்ச்சித் திட்டங்களு டன் வேளாண் வனவியலை ஒருங்கிணைத்தல், இத்துறையில் செயல்படுத்தப்பட்டுள்ள திட்டங்கள், எட்டப்பட்டுள்ள முன்னேற்றங்கள் மற்றும் எதிர்கால நடவடிக்கைகள் குறித்து
ஒன்றிய அரசின் ஊரக வளர்ச்சித் துறையின் இணை அமைச்சர் கம்லேஷ் பஸ்வான் அவர்களிடம் விரிவான கேள்வி எழுப்பினார்.
ஒன்றிய அரசின் ஊரக வளர்ச்சித் துறையின் இணை அமைச்சர் கம்லேஷ் பஸ்வான் அவர்கள் அளித்த பதில் வருமாறு:-
வேளாண் நிலங்களில் மரங்களை வளர்ப்பதை ஊக்குவிக்கும் நோக்கில், 2014-ஆம் ஆண்டு தேசிய வேளாண் வனவியல்கொள்கை அறிமுகப்படுத்தப்பட்டதாகவும், அந்தக் கொள்கையின் பரிந்துரைகளின் அடிப்படையில் வேளாண் வனவியல் இயக்கம் உருவாக்க பரிந்துரைக்கப்பட்டதாகவும் அமைச்சர் தெரிவித்தார்.
தொடர்ந்து, 2016-17 முதல் 2021-22 வரை, நிலையான வேளாண் இயக்கத்தின் கீழ் வேளாண் வனவியல் துணை த் திட்டம் செயல்படுத்தப்பட்டதாகவும்,
இத்திட்டத்தின் மூலம் விவசாயிகளின் வருமானத்தை அதிகரித்தல், பண்ணை வேலைவாய்ப்பை உருவாக்குதல், பருவநிலை மாற்றத்தை எதிர்கொள்ளும்திறனை மேம்படுத்துதல், நிலையான நிலப் பயன்பாட்டை ஊக்குவித்தல், மண் வளத்தைப் பாதுகாத்தல், இயற்கை வளங்களை திறம்பட பயன்படுத்துதல், கார்பன் சேமிப்பை அதிகரித்தல், உயிரினப் பன்முகத்தன்மையைப் பாதுகாத்தல் மற்றும் மரம், விறகு, தீவனம், பழங்கள் உள்ளிட்ட மரவளப் பொருட்கள் மூலம் கூடுதல் வருவாய் ஈட்டுவதற்கான வாய்ப்புகள் உருவாக்கப்பட்டுள்ளதாக அமைச்சர் தெரிவித்தார்.
2023-–24 முதல், வேளாண் வனவியல் துணைத் திட்டம் பிரதம மந்திரி ராஷ்ட்ரிய கிரிஷி விகாஸ் யோஜனா திட்டத்தின் கீழ் மறுசீரமைக்கப்பட்டுள்ளதாகவும், தரமான விதைகள், நாற்றுகள், குளோன்கள், வீரிய ரகங்கள் மற்றும் மேம்படுத்தப்பட்ட நடவுப் பொருட்கள் கிடைப்பதை உறுதி செய்வதுடன், நாற்றுப் பண்ணை கள் அமைத்தல், ஏற்கனவே உள்ள நாற்றுப் பண்ணைகளை மேம்படுத்துதல், திறன் மேம்பாட்டுப் பயிற்சிகள் மற்றும் தொழில்நுட்ப உதவி வழங்கப்பட்டு வருவதாகவும் அமைச்சர் தெரிவித்தார்.
இதுவரை 1,725 வேளாண் வனவியல் நாற்றுப் பண்ணைகள் அமைக்கப்பட்டுள்ளதுடன், 1,594 லட்சம் தரமான நடவுப் பொரு ட்கள் உருவாக்கப்பட்டு, 403 நாற்றுப் பண்ணைகளுக்கு தேசிய அங்கீகாரம் வழங்கப்பட்டுள்ளதாகவும் தெரிவித்தார்.
மேலும், மகாத்மா காந்தி தேசிய ஊரக வேலைவாய்ப்பு உறுதித் திட்டத்தின் கீழ் பண்ணைக் காடுகள் வளர்ப்பு உள்ளிட்டமரநடுகைப் பணிகள் அனுமதிக்கப்பட்ட பணிகளாக செயல்படுத்தப்பட்டு வருவதாகவும், 2026-27 நிதியா ண்டில், 2026 ஜூன் 30 வரை 44,046 பண்ணைக் காடுகள் தொடர்பான பணிகள் நிறை வேற்றப்பட்டுள்ளதாகவும் அமைச்சர் தெரிவித்தார்.
மேலும், 2025-ஆம் ஆண்டு இயற்றப்பட்ட “வளர்ந்த பாரதம் – வேலைவாய்ப்பு மற்றும் வாழ்வாதார உறுதித் திட்டம் (ஊரகம்) சட்டத்தின்” அடிப்படையில், 2026 ஜூலை 1 முதல் நாடு முழுவதும் இத்திட்டம் நடைமுறைக்கு வந்துள்ளதாகவும், அதன்படி தனிநபர், சமூக மற்றும் தரிசு நிலங்களில் வேளாண் வனவியல் தொகுதி மரநடுகை அனுமதிக்கப்பட்ட பணியாக சேர்க்கப்பட்டுள்ளதாகவும் தெரிவி த்தார். இந்த நடவடிக்கைகள் மூலம் நிலையான நிலப் பயன்பாட்டை ஊக்குவித்தல், பருவநிலை மாற்றத்தை எதிர்கொள்ளும் திறனை மேம்படுத்துதல், நாட்டின் பசுமைப் பரப்பை அதிகரித்தல் மற்றும் ஊரக குடும்பங்களுக்கு நீண்டகால வாழ்வாதார வாய்ப்புகளை உருவாக்குவது நோக்கமாகக் கொண்டுள்ளதாக இணை அமைச்சர் கம்லேஷ் பஸ்வான் அவர்கள், திமுக அரக்கோணம் நாடாளுமன்ற உறுப்பினர் டாக்டர் எஸ்.ஜெகத்ரட்சகன் அவர்கள் மக்களவையில் எழுப்பிய கேள்விக்கு விரிவான பதில் அளித்துள்ளார்.