தேனி: ஜூலை 23–
தேனி மாவட்டத்தில் பல்வேறு இடங்களில் சட்டவிரோதமாக செம்மண் மற்றும் கரம்பை மண் அள்ளப்பட்டு வரும் நிலையில், இதனைத் தடுக்க வேண்டிய மாவட்ட நிர்வாகமும், கனிமவளத் துறையும் எவ்வித நடவடிக்கையும் எடுக்காமல் வேடிக்கை பார்ப்பதாக விவசாயிகள் மற்றும் பொதுமக்கள் குற்றம் சாட்டியுள்ளனர்.
விதிமுறைகளை மீறி
அள்ளப்படும் இயற்கை வளம்!
தேனி மாவட்டத்தைச் சுற்றியுள்ள விவசாய நிலங்கள், கண்மாய் ஓரங்கள் மற்றும் தரிசு நிலங்களில், உரிய அனுமதியின்றி இரவோடு இரவாக பொக்லைன் இயந்திரங்கள் மூலம் டன் கணக்கில் செம்மண் மற்றும் கரம்பை மண் அள்ளப்பட்டு வருகிறது.
விவசாயப் பயன்பாட்டிற்கு எனச் சில இடங்களில் அனுமதி பெறப்பட்டு, அதைச் சாக்காக வைத்து வணிக நோக்கில் தனியார் நிறுவனங்களுக்கும், செங்கல் சூளைகளுக்கும் லாரிகள் மூலம் கடத்தப்படுவதாகப் புகார் எழுந்துள்ளது.
இயற்கைச் சூழலும் நிலத்தடி நீரும் பாதிப்பு
நிலத்தடி நீர் மட்டம் சரிவு: அளவுக்கு அதிகமாகப் பூமியைத் தோண்டி மண்ணைஎடுப்பதால் அப்பகுதியில் நிலத்தடி நீர்மட்டம் வெகுவாகப் பாதாளத்திற்குச் சென்றுள்ளது.
விவசாய நிலங்கள் சுரண்டப்படுவதால், சுற்றியுள்ள விவசாய நிலங்களின் மண் வளம் முற்றிலும் பாதிக்கப்படுகிறது.
சாலைகள் சேதம்: கனரக லாரிகள் தொடர்ச்சியாகச் சென்று வருவதால் ஊரகச் சாலைகள் முற்றிலும் சேதமடைந்து பொதுமக்கள் நடமாட முடியாத சூழல் உருவாகியுள்ளது.
பொதுமக்கள் கோரிக்கை!
“த.வெ.க. அரசுஅதிகாரிகளிடம் பலமுறை மனு அளித்தும், தற்காலிகமாக லாரிகளைப் பிடிப்பது போலக்காட்டிவிட்டு மீண்டும் கொள்ளை தொடர அனுமதிக்கப்படுகிறது. மாவட்ட நிர்வாகம் உடனடியாகத் தலையிட்டு, செம்மண் மற்றும்கரம்பை மண் கடத்தலில் ஈடுபடுவோர் மீது குண்டர் சட்டத்தின் கீழ் நடவடிக்கை எடுக்க வேண்டும்” எனச் சமூக ஆர்வலர்களும் விவசாய சங்கத்தினரும் வலியுறுத்தியுள்ளனர்.
உடனடியாகக் கனிமவளத் துறை மற்றும் காவல்துறை அதிகாரிகள் அடங்கியதனிப்படை அமைத்துச் சோதனை நடத்தப்பட வேண்டும் என்பதே அப்பகுதி மக்களின் எதிர்பார்ப்பாக உள்ளது.