சென்னை, ஜூலை 23 –
‘நீட்’ தேர்வு முறைக்கு எதிராகபுதுடெல்லியில் மாணவர்கள் போராட்டம் நாட்டின் ஒட்டுமொத்த கவனத்தை யும் ஈர்த்துள்ளது என்றும், ‘நீட்’ஒழிப்பே அனைத்துப் பிரச்சினைகளுக்கும் நிரந்தரத் தீர்வாக அமையும் என்றும் கழகத் தலைவர் மு.க. ஸ்டாலின் அவர்கள் சமூக வலை தளப் பக்கத்தில் ஆணித்தரமாகக் குறிப்பிட்டுள்ளார்.
கரப்பான்பூச்சி ஜனதா கட்சி
(சி.ஜே.பி.) சார்பில் மாணவர்கள் நேற்றும், நேற்று முன்தினமும் நாடாளுமன்றம் நோக்கி பேரணி நடத்தப்பட்டு பின் தடுத்து நிறுத்தப் பட்டது. அன்றைய தினம் இரவு சி.ஜே.பி. ஆதரவாளர்கள் மீண்டும் ஜந்தர் மந்தரில் குவிந்தனர். நள்ளிரவு முழுவதும் ஆர்ப்பாட்டம் நடைபெற்றது. போராட்டக்காரர்கள் மீது காவல்துறையினர் கடுமையாக பிரம்படி நடத்தினர். கண்ணீர் புகை, குண்டுகளை வீசினர்.
பேரணியின்போது காயமடைந்தபோராட்டக்காரர்கள் டெல்லி
ஆர்.எம்.எல். மருத்துவமனையில்அனுமதிக்கப்பட்டு உள்ளனர்.
இதனிடையே சி.ஜே.பி.
தலைவர் அபிஜித் திப்கே டெல்லி ஜந்தர் மந்தரில் நேற்று முன்தினம்
மீண்டும் உண்ணாவிரதத்தை தொடங்கினார்.
அப்போது அவர் நிருபர்களிடம் கூறியதாவது: –
ஜந்தர் மந்தரில் எங்களது போராட்டம் தொடர்கிறது. ஒன்றிய கல்வி அமைச்சர் தர்மேந்திர பிரதான் பதவி விலக வேண்டும். ‘நீட்’ தேர்வு காரணமாக தற்கொலை செய்த மாணவ, மாணவியரின் குடும்பங்களுக்கு தலா ரூ.1 கோடிஇழப்பீடு வழங்க வேண்டும். இந்த கோரிக்கைகளை வலியுறுத்தி தொடர்ந்து போராடுவோம்.
ஒன்றிய அரசு எங்களோடு
பேச்சுவார்த்தை நடத்த விரும்பி னால் ஜந்தர் மந்தருக்கு வரலாம். நாங்கள் நீண்ட போராட்டத்துக்கு தயாராக உள்ளோம். எங்கள் நியாயமான கோரிக்கைகள் நிறைவேறும் வரை போராடுவோம். இவ்வாறு அவர் தெரிவித்தார்.
நாடாளுமன்ற பேரணியில் பங்கேற்ற போராட்டக்காரர்கள், மந்திர் மார்க் போலீஸ் நிலையத்தில் உள்ளனர்.
இது தொடர்பாக கழகத் தலைவர் மு.க.ஸ்டாலின் அவர்கள் வெளியிட்டுள்ள சமூக வலை தளப் பதிவில், ‘நீட்’ ஒழிப்பே எல்லா பிரச்சினைகளுக்கும் நிரந்தரத்
தீர்வாக அமையும் என்று குறிப்பிட்டுள்ளார்.
அது வருமாறு:–
தலைநகர் டெல்லியில் மாணவர்கள் நடத்தி வரும் போராட்டம் நாட்டின் ஒட்டுமொத்தக் கவனத்தையும் ஈர்த்துள்ளது.
NEET எனும் தேர்வு முழுக்க முழுக்க முறைகேடுகளுக்காக design செய்யப்பட்டது என முதன்முதலில் எச்சரித்தது நாம்தான். அதனால்தான், இந்தத் தேர்வு அறிமுகப்படுத்தப்பட்ட காலத்தில் இருந்தே நீட்டின் தீமைகளை எடுத்துச் சொல்லித் தி.மு.க. எதிர்த்து வருகிறது.
இந்தியாவுக்கே முன்னோடி யாகச் சமூகநீதியைப் பாதுகாக்கப் போராடி, First Constitutional Amendment-க்கு வழிகோலிய தமிழ்நாட்டின் கோரிக்கையும் ‘நீட்’ ஒழிப்பு என்பதே.
மற்ற எந்தக் கோரிக்கைகளை விடவும் AbolitionOfNEET என்பதே இந்தப் போராட்டங்களின் மையப்புள்ளியாக இருக்க வேண்டும். NEET ஒழிப்பே அனைத்துப்பிரச்சினைகளுக்கு மான நிரந்தரத்தீர்வாக அமையும். BanNEET SaveStudents.
இவ்வாறு கழகத் தலைவர் மு.க.ஸ்டாலின் அவர்கள் பதிவிட்டுள்ளார்.