சென்னை, ஜூலை 23–

கடந்த 21/4/2026 அன்று சட்டமன்றத் தேர்தல் பிரச்சாரத்தில் ஈடுபட்டிருந்த எழும்பூர் பகுதிக் கழக வழக்கறிஞர் நேரு பிரபாகரன், முருகேசன் தெருவில் உள்ள வீடுகளில் வீட்டினரின் அனுமதியின்றி த.வெ.க. வினர் ஒட்டிச்சென்ற சுவரொட்டிகளைக் கிழித்து அப்புறப்படுத்தி உள்ளார்.

அரசியல் காழ்ப்புணர்ச்சியால் தற்போது அவர் மீதும் அவரது தம்பி 78 வது வட்ட இளைஞர் அணி துணை அமைப்பாளர் அ.ஜெகன் மீதும் பொய் வழக்குப் புனையப்பட்டு, நேற்று (22.-07.20-26) காலை அவர்களைக் காவல்துறை கைது செய்து எழும்பூர் நீதிமன்ற இரண்டாவது குற்றவியல் நீதிமன்ற நீதி அரசர் முன் ஆஜர்படுத்தினர்.

இவ்வழக்கை ஆய்வு செய்த மாண்பமை நீதியரசர் அவர்கள் இருவர் கைதினையும் ரத்து செய்து விடுவித்தார். தி.மு.க. வினர் மீது த.வெ.க. அரசு பொய் வழக்குப் போட்டு கைது செய்வது தொடர்கதையாகி வரும் சூழலில் நீதிமன்றம் இன்று த.வெ.க. அரசின் மீண்டும் தலையில் குட்டு வைத்துள்ளது.