#Title

பெரம்பூர், முரசொலிமாறன் பூங்காவில் அமைக்கப்பட்டுள்ள அறிவியல் தொழில்நுட்பப் பூங்கா (STEM Park)! சென்னை பள்ளி மாணவர்களுடன் மேயர் பிரியா பார்வையிட்டார்!

சென்னை,ஜூலை.23–

(21.07.2026) மேயர் திருமதி ஆர்.பிரியா, பெருநகர சென்னை மாநகராட்சி, திரு.வி.க. நகர் மண்டலம், வார்டு–74க்குட்பட்ட, பெரம்பூர் நெடுஞ்சாலையில் உள்ள முரசொலி மாறன் பூங்காவில் அமைக்கப்பட்டுள்ள அறிவியல் தொழில்நுட்பப் பூங்காவில் (STEM Park) உள்ள டிஜிட்டல் கோளரங்கம், அறிவியல் சார்ந்த உபகரணங்களை சென்னை பள்ளி மாணவர்களுடன் பார்வை யிட்டார்.

இப்பூங்காவானது மாநகராட்சி மூலதன நிதியின் கீழ் ரூபாய் 5.75 கோடி மதிப்பீட்டில் 11,000 சதுர மீட்டர் பரப்பளவில் அமைக்கப்பட்டுள்ளது. இப்பூங்காவில் டிஜிட்டல் கோளரங்கம், நிறை மற்றும் மந்தநிலை (Mass and Inertia), வாட்டர் ஜெட் எரிபொருள், காந்தத்துடன் விளையாடுதல், சைன் அலை, சைக்ளோடிகல் பாதை (Cyclodical Path), நியூட்டனின் 3வது விதி, படிக அமைப்பு, கணித சிற்பம், டிஎன்ஏ மாதிரி, 3டி ஊசல் காசியன் தேற்றம், ஹைப்சோமீட்டர், ப்ரிஹோமேசியன் கியர் ரயில், சோலார் வாட்டர் ஹீட்டர், சூரிய சக்தியில் இயங்கும் ரேடியோ, இசைக் குழாய்கள், அலை இயக்கம், சந்திராயன், மங்கள்யான் உள்ளிட்ட அறிவியல் சார்ந்த உபகரணங்களை சென்னை பள்ளி மாணவர்களுடன் மேயர் அவர்கள் பார்வையிட்டார்.

இதனைத் தொடர்ந்து, பூங்காவில் பசுமைப் பரப்பினை அதிகரிக்கும் வகையில் மேயர் அவர்கள் மரக்கன்றினை நட்டார். பின்னர், பூங்கா வினைப் பராமரித்திடவும், சென்னை பள்ளி மாணவர்களை தினசரி அறிவியல் தொழில்நுட்ப பூங்காவிற்கு கல்விச் சுற்றுலா போல் அழைத்து வருமாறு அலுவலர்களுக்கு அறிவுறுத்தினார்.

இந்நிகழ்ச்சியில் மண்டலஅலுவலர் ஜி.சொக்கலிங்கம், திரு.வி.க. நகர் வடக்கு பகுதி துணை செயலாளர் ஆர்.ராஜன், வட்டச் செயலாளர் எஸ்.புஷ்பராஜ் மற்றும் அலுவலர்கள், மாணவர்கள் கலந்துகொண்டனர்.

கோவை மாநகர் மாவட்டம், பாப்பனாய்கன்புதூர் பகுதி, 41 மற்றும் 75 வட்டக் கழக செயல்வீரர்கள் ஆலோசனைக் கூட்டம் பகுதிக் கழக பொறுப்பாளர் பரணி பாக்யராஜ் தலைமையில் நடைபெற்றது. கூட்டத்தில் மாவட்டப் பொறுப்பாளர் துரை.செந்தமிழ் செல்வன் கலந்து கொண்டு ஆலோசனைகளை வழங்கினார். இதில் மாநகர் மாவட்ட துணைச் செயலாளர்கள் கோட்டை அப்பாஸ், கல்பனா செந்தில், வட்டக் கழக பொறுப்பாளர்கள் தம்பி சண்முகம், சுரேஷ், நித்யானந்தம், ஹரி பிரசாத், பகுதி கழக நிர்வாகிகள் சிவகுமார், அபிராமி, முத்தழகு, கோபாலன், ஸ்ரீபிரியா, தம்பு கழக நிர்வாகிகள் பலர் கலந்து கொண்டனர்.