புது­டெல்லி, ஜூலை 23–

வேலூர் மாவட்ட விவ­சா­யி­க­ளுக்­கான சூரிய சக்தி மற்­றும் குளிர்­ப­த­னக் கிடங்­கு­கள் குறித்து ஒன்­றிய அர­சி­டம் வேலூர் நாடா­ளு­மன்ற உறுப்­பி­னர் டி.எம்.கதிர் ஆனந்த் விளக்­கம் கோரி­னார்.

வேலூர் மாவட்­டத்­தில் காய்­க­றி­கள், பழங்­கள், மலர்­கள் உள்­ளிட்ட விரை­வில் கெட்­டுப்­போ­கும் விளை­பொ­ருட்­களை பயி­ரி­டும் விவ­சா­யி­கள், அறு­வ­டைக்­குப் பிறகு போதிய குளிர்­ப­தன வச­தி­கள் கொண்ட அரசு கிடங்­கு­கள் இல்­லா­த­தால் பெரும் இழப்பை சந்­தித்து வரு­கின்­ற­னர். இத­னால் விளை­பொ­ருட்­களை குறைந்த விலைக்கு விற்க வேண்­டிய கட்­டா­ய­மும் ஏற்­பட்டு, விவ­சா­யி­க­ளின் வரு­மா­னம் பாதிக்­கப்­படு­கி­றது.

இந்த நிலை­யில், வேலூர் நாடா­ளு­மன்ற உறுப்­பி­னர், மத்­திய வேளாண்மை மற்­றும் விவ­சா­யி­கள் நலத்­துறை அமைச்­ச­ரி­டம் பின்­வ­ரும் முக்­கிய கேள்­வி­களை எழுப்­பி­யுள்­ளார்:

1.⁠ ⁠வேலூர் மாவட்­டத்­தில் காய்­கறி, பழம், மலர் உள்­ளிட்ட விரை­வில் கெட்­டுப்­போ­கும்விளை­பொ­ருட் ­களை பாது­காக்க, சூரிய சக்­தி­யில் இயங்­கும் குளிர்­ப­த­ னக் கிடங்­கு­கள், தற்­கா­லி­க­மான கிடங்­கு­கள் மற்­றும் விளை­பொ­ருட்­க­ளின் நகர்­விற்கு ஏற்ப தொடர்ச்­சி­யான குளிர்­ப­த­னுட்­டும் (Cold Chain) வச­தி­களை உரு­வாக்க மத்­திய அரசு இது­வரை என்ன நட­வ­டிக்­கை­களை மேற்­கொண்­டுள்­ளது? இனி என்ன திட்­டங்­கள்செயல்­ப­டுத்­தப்­பட உள்­ளன?

2.⁠ ஒருங்­கி­ணைந்த தோட்­டக்­கலை வளர்ச்சி இயக்­கம் (MIDH), வேளாண் உள்­கட்­ட­மைப்பு நிதி (AIF) மற்­றும் பிற மத்­திய அர­சுத் திட்­டங்­க­ளின் கீழ், வேலூர் மாவட்­டத்­தி­லும் தமிழ்­நாட்­டி­லும் இது­வரை எத்­தனை சூரிய சக்தி குளிர்­ப­த­னக் கிடங்­கு­கள் அனு­ம­திக் ­கப்­பட்­டுள்­ளன? அவற்­றின் சேமிப்­புத் திறன் என்ன? தற்­போது அவை செயல்­பாட்­டில் உள்­ள­னவா?

3.⁠ ⁠விவ­சா­யி­கள் உற்­பத்­தி­யா­ளர் நிறு­வ­னங்­கள் (FPO), கூட்­டு­றவு சங்­கங்­கள் மற்­றும் வேளாண் துறை­யில் செயல்­ப­டும் ஸ்டார்ட்­அப் நிறு­வ­னங்­கள், பர­வ­லாக்­கப்­பட்ட சூரிய சக்தி குளிர்­ப­தன வச­தி­களை அமைத்து பயன்­ப­டுத்த மத்­திய அரசு என்ன ஊக்­கு­விப்பு நட­வ­டிக்­கை­களை மேற்­கொண்­டுள்­ளது?

4.⁠ ⁠2020–21 முதல் 2025–26 வரைஒவ்­வொரு ஆண்­டும் இந்­தத் திட்­டங்­க­ளுக்­காக ஒதுக்­கப்­பட்ட நிதி, விடு­விக்­கப்­பட்ட நிதி மற்­றும் பயன்­ப­டுத்­தப்­பட்ட நிதி எவ்­வ­ளவு?

5.⁠ ⁠இந்­தத் திட்­டங்­கள் மூலம் அறு­வ­டைக்­குப் பிந்­தைய இழப்­பு­கள் எந்த அள­வுக்கு குறைந்­துள்­ளன? விளை­பொ­ருட்­க­ளின் சேமிப்பு காலம் எவ்­வ­ளவு அதி­க­ரித்­துள்­ளது? விவ­சா­யி­க­ளின் வரு­மா­னத்­தில் என்னமுன்­னேற்­றம் ஏற்­பட்­டுள்­ளது? என்­பது குறித்த விவ­ரங்­க­ளை­யும் மத்­திய அரசு வெளி­யி­டுமா?

வேலூர் மாவட்ட விவ­சா­யி­க­ளின் நீண்­ட­கால கோரிக்­கை­யாக உள்ள சூரிய சக்தி குளிர்­ப­த­னக் கிடங்­கு­கள் மற்­றும் தொடர்ச்­சி­யான குளிர்­ப­த­ னுட்­டும் (Cold Chain) வச­தி­களை விரி­வு­ப­டுத்த மத்­திய அரசு உட­னடி நட­வ­டிக்கை எடுக்க வேண்­டும் என்­பதே இந்­தக் கேள்­வி­க­ளின்முக்­கிய நோக்­க­மா­கும். இதன் மூலம்அறு­வ­டைக்­குப் பிந்­தைய இழப்­பு­கள் குறைந்து, விவ­சா­யி­கள் தங்­க­ளது விளை­பொ­ருட்­க­ளுக்கு உரிய விலை பெற்று, அவர்­க­ளின் வரு­மா­னம் உயர வழி­வ­குக்­கும்.

இவ்வாறு அவர் கேள்வி எழுப்பினார்.