கடலூர், ஜூலை 23–
கடலூர் கோல்டன் சிட்டி லயன்ஸ் சங்க புதிய நிர்வாகிகள் பதவி ஏற்பு மற்றும் நலத்திட்ட உதவிகள் வழங்கும் விழா கடலூர் இந்தியா மருத்துவ சங்க கட்டிடத்தில் நடைபெற்றது.
இதற்கு முன்னாள் தலைவர் புருஷோத்த மன் தலைமை தாங்கினார். புதிய உறுப்பினராக டாக்டர் பிரவீன் ஐயப்பன்,தலைவராக சேகர், செயலாளராக சுரேஷ், பொருளாளராக ரங்கநாதன் ஆகியோர் பதவியேற்றனர்.
புதிய நிர்வாக வாகிகளை உதவி மாவட்ட ஆளுநர் கமல் கிஷோர் ஜெயின் பணியில் அமர்த்தினார்.
விழாவில் முன்னாள் தி.மு.க. கடலூர் சட்டமன்ற உறுப்பினர் கோ.ஐயப்பன் டாக்டர் பிரவீன் ஐயப்பன் ஆகியோர் கலந்து கொண்டு ஆதரவற்றோர்களுக்கு தையல் இயந்திரம், அரிசி, மாணவ, மாணவியர்களுக்கு கல்வி உதவி தொகைஎன 25 பயனாளிகளுக்கு ஒரு லட்சம் ரூபாய் மதிப்பீட்டில் நலத்திட்ட உதவிகளை வழங்கி பேசினார்.
உதவி மாவட்ட ஆளுநர் சிவகாந்தன் புதிய உறுப்பினர்களை சங்கத்தில் இணைத்தார். விழாவில் ஜி.எல்.டி.ராஜாராமன், முன்னாள் செயலாளர் ரங்கநாதன், பொருளாளர் விஜயன், இயக்குனர்கள் ரவிச்சந்திரன், சக்திவேல், தங்கதுரை, ஜெயச்சந்திரன், சண்முகம், விஜயன், மனோகரன் ஆகியோர் வாழ்த்தி பேசினர் விழாவை சக்தி பாபு தொகுத்து வழங்கினார்.