சென்னை, ஜூலை 23 –

தி.மு.கழக ஆட்­சி­யில் 2026 மார்ச் 31 ஆம் தேதி நில­வ­ரப்­படி ஒன்­றிய அர­சின் ஜவு­ளித்­து­றை­யில் வேலை வாய்ப்­பு­களை உரு­வாக்­கு­வ­தில் நாட்­டி­லேயே தமிழ்­நாடு முத­லி­டம் வகித்து சாதனை படைத்­துள்­ளது.

அத்­து­டன் ஜவுளி மற்­றும் ஆடை உற்­பத்தி மைய­மா­க­வும் இருந்து அக்­கால கட்­டத்­தில் தொடர்ச்­சி­யான ஆதிக்­கத்தை செலுத்தி வந்­துள்­ளது.

தமிழ்­நாட்­டின் இந்­தச் சாதனை தொடர்ந்து மக்­க­ள­வை­யில் தெரி­விக்­கப்­பட்­டது குறித்து ‘தி டைம்ஸ் ஆப் இந்­தியா’ வெளி­யிட்­டுள்ள செய்தி வரு­மாறு:

ஒன்­றிய அர­சின் ஜவு­ளித் துறைக்­கான உற்­பத்தி சார்ந்த ஊக்­கத் திட்­டத்­தின் கீழ், நாட்­டில் உரு­வாக்­கப்­ப­டும் வேலை­க­ளில் கிட்­டத்­தட்ட நான்­கில் ஒரு பங்­கைத் தமி­ழ­கம் உரு­வாக்கி, மிகப்­பெ­ரிய வேலை­வாய்ப்பு உரு­வாக்­கும் மாநி­ல­மாக உரு­வெ­டுத்து சாதளை படைத்­துள்­ளது.

எம்.எம்.எஃப். ஆடை­கள், எம்.எம்.எஃப். துணி­கள் மற்­றும் தொழில்­நுட்ப ஜவு­ளி­கள் ஆகி­ய­வற்­றின் உற்­பத்­தி­யில் முத­லீ­டு­களை ஊக்­கு­விப்­ப­தன் மூலம், ஜவு­ளித் திட்­டம் வேலை­வாய்ப்பை உரு­வாக்­க­வும் தமி­ழ­த­கம் பங்­க­ளித்­துள்­ளது.

மக்­க­ள­வை­யில் பகி­ரப்­பட்ட தர­வு­களின்­படி, 2026 மார்ச் 31 ஆம் தேதி நில­வ­ரப்­படி, 170 நிறு­வ­னங்­கள் ரூ. 8,117.64 கோடி முத­லீடு செய்­த­தன் மூலம், இத்­திட்­டம் இந்­தியா முழு­வ­தும் 33,427 வேலை­வாய்ப்­பு­களை உரு­வாக்­கி­யுள்­ளது.

உரு­வாக்­கப்­பட்ட வேலை­வாய்ப்­பு­க­ளில் சுமார் 24% தமிழ்­நாட்­டில் கிடைத்­துள்­ளன. இது, இந்­தி­யா­வின் ஜவுளி மற்­றும் ஆடை உற்­பத்தி மைய­மாக அம்­மா­நி­லத்­தின் தொடர்ச்­சி­யான ஆதிக்­கத்தை எடுத்­துக்­காட்­டு­கி­றது.

PLI திட்­டத்­தின் கீழ் செய்­யப்­பட்ட முத­லீ­டு­க­ளில் குஜ­ராத், கர்­நா­டகா மற்­றும் கோவா­வுக்­குப் பின்­னால் தமிழ்­நாடு நான்­கா­வது இடத்­தைப் பிடித்­தது.

இருப்­பி­னும், வேலை­வாய்ப்­புப் பட்­டி­ய­லில் அது முத­லி­டம் பிடித்­தது; இது, மூல­தன முத­லீட்­டைப் பெரிய அள­வி­லான உற்­பத்தி வேலை­க­ளாக மாற்­றும் மாநி­லத்­தின் திற­னைக் குறிக்­கி­றது.

PLI திட்­டத்­தின் கீழ், தமிழ்­நாட்­டில் உள்ள 17 நிறு­வ­னங்­கள் மொத்­தம் ரூ. 1,277.16 கோடி முத­லீடு செய்­துள்­ளன.

குஜ­ராத் 46 நிறு­வ­னங்­க­ளி­ட­ மி­ருந்து ரூ. 1,903.38 கோடி என்ற அதி­க­பட்ச முத­லீட்டை ஈர்த்­த­போ­தி­லும், அது தமிழ்­நாட்டை விடக் கணி­ச­மா­கக் குறை­வான 4,493 வேலை­வாய்ப்­பு­க­ளையே உரு­வாக்­கி ­யுள்­ளது.

கர்­நா­டகா, ரூ. 1,515.99 கோடி முத­லீ­டு­க­ளு­டன் 5,611 வேலை­வாய்ப்­பு­களை உரு­வாக்­கி­யுள்­ளது. கோவா, ரூ. 1,355.87 கோடி என்ற ஒற்றை முத­லீட்­டி­லி­ருந்து 692 வேலை­வாய்ப்­பு­களை உரு­வாக்­கி­யுள்­ளது.

தமிழ்­நாட்­டின் கைவி­னைப்­பொ­ருட்­கள் உள்­ளிட்ட ஜவுளி மற்­றும் ஆடை ஏற்­று­மதி, 2024-25 நிதி­யாண்­டில் ரூ. 67,863 கோடி­யாக இருந்த நிலை­யில், 2025-26 நிதி­யாண்­டில் 1.4% வளர்ச்சி பெற்று ரூ. 68,792 கோடி­யாக இருந்­தது. திருப்­பூ­ரின் கைவி­னைப்­பொ­ருட்­கள் உள்­ளிட்ட ஜவுளி மற்­றும் ஆடை ஏற்­று­மதி, 2025 நிதி­யாண்­டில் ரூ. 37,564 கோடி­யாக இருந்த நிலை­யில், 2026 நிதி­யாண்­டில் 3% வளர்ச்சி பெற்று ரூ. 38,676.5 கோடி­யாக இருந்­தது.

“அளவைஅதி­க­ரிப்­ப­தற்கு எப்­போ­தும் ஒரே ஒரு பெரு­நி­று­வ­னம் மட்­டும் தேவை­யில்லை என்­பதை திருப்­பூர் நிரூ­பித்­துள்­ளது. சுமார் 2,000 தொழிற்­சா­லை­கள் மற்­றும் 20,000 சிறிய அல­கு­க­ளின் கூட்டு முயற்­சி­ யால் இந்­தத் தொகுப்பு வளர்ந்து, ஒரு பிரத்­யேக பின்­னல் ஆடை உற்­பத்­திச் சூழ­ல­மைப்பை உரு­வாக்­கி­யுள்­ளது,” என 360 ஒன் கேப்­பிட்­டல் நிறு­வ­னத்­தின் ஆய்­வா­ளர்­கள் தெரி ­விக்­கின்­ற­னர்.