புது­டெல்லி, ஜூலை 24–

வாக்­கு­று­தி­ய­ளிக்­கப்­பட்ட பொரு­ளா­தா­ரக் குழு­மத் திட்­டத்­தி­லி­ருந்து விலகி நிற்­கும் ஒன்­றிய அர­சி­டம் ஈரோட்­டின் வளர்ச்சி குறித்த கேள்­வி­க­ளுக்கு பதில் இல்லை என கே.இ.பிர­காஷ் குற்­றச்­சாட்­டி ­யுள்­ளார்.

ஈரோடு மக்­க­ளவை உறுப்­பி­னர் கே. இ. பிர­காஷ், ஒன்­றிய அர­சின் பொரு­ளா­தா­ரக் குழும (Economic Cluster) மேம்­பாட்டு முயற்­சி­க­ளின் கீழ் கோயம்­புத்­தூர்–­ஈ­ரோ­டு–­தி­ருப்­பூர் நக­ரப் பொரு­ளா­தா­ரப் பிராந்­தி­யத்­தின் (City Economic Region – CER) தற்­போ­தைய நிலை குறித்து ஒன்­றிய குறு, சிறு மற்­றும் நடுத்­த­ரத் தொழில் நிறு­வ­னங்­கள் அமைச்­ச­ரி­டம் விளக்­கம் கோரி­னார்.

மேலும், அந்­தப் பிராந்­தி­யத்­திற்­காக பரி­சீ­ல­னை­யில் உள்ள, ஒப்­பு­தல் அளிக்­கப்­பட்ட, அனு­ம­திக்­கப்­பட்ட அல்­லது நிதி ஒதுக்­கப்­பட்ட திட்­டங்­கள், பொதுத்–­த­னி­யார் கூட்­டாண்மை (PPP) அடிப்­ப­டை­யி­லான சீர்­தி­ருத்­தம் மற்­றும் முடி­வு­கள் சார்ந்த நிதி­யு­தவி அமைப்பு, ஈரோடு தொழில்­துறை மண்­ட­லத்­திற்­காக முன்­மொ­ழி­யப்­பட்ட தள­வாட வச­தி­கள், தொழில்­துறை இணைப்பு, சரக்கு போக்­கு­வ­ரத்து, ஏற்­று­ம­தியை ஆத­ரிக்­கும் பொரு­ளா­தார உள்­கட்­ட­மைப்பு மற்­றும் நகர்ப்­புற உள்­கட்­ட­மைப்பு திட்­டங்­கள் குறித்த விவ­ரங்­க­ளை­யும் கேட்­டுக்­கொண்­டார்.

அத்­து­டன், கோயம்­புத்­தூர், ஈரோடு மற்­றும் திருப்­பூ­ரில் செயல்­ப­டும் ஜவுளி, பொறி­யி­யல், வேளாண் பதப்­ப­டுத்­தல் மற்­றும் குறு, சிறு மற்­றும் நடுத்­த­ரத் தொழில் (MSME) துறை­க­ளின் போட்­டித்­தி­றனை மேம்­ப­டுத்­தும் வகை­யில், நக­ரப் பொரு­ளா­தா­ரப் பிராந்­திய (CER) திட்­டத்­தில் ஒருங்­கி­ணைந்த உள்­கட்­ட­மைப்பு வச­தி­கள் இடம்­பெற்­றுள்­ள­னவா என்­ப­தை­யும், ஒப்­பு­தல் பெற்ற திட்­டங்­கள் எப்­போது நிறை­வேற்­றப்­ப­டும் மற்­றும் முன்­மொ­ழி­யப்­பட்ட நிதி மற்­றும் உள்­கட்­ட­மைப்பு அமைப்­பு­கள் எப்­போது செயல்­பாட்­டுக்கு வரும் என்­ப­தற்­கான காலக்­கெ­டு­வை­யும் விளக்­கு­மாறு கேட்­டுக்­கொண்­டார்.

இதற்கு குறு, சிறு மற்­றும் நடுத்­த­ரத் தொழில் நிறு­வ­னங்­கள் அமைச்­ச­கம் அளித்த பதில் பின்­வ­ரு­மாறு:

(அ) குறு மற்­றும் சிறு தொழில் நிறு­வ­னங்­கள் – குழும மேம்­பாட்­டுத் திட்­டம் (MSE–CDP) என்­பது, குறு மற்­றும் சிறு தொழில் நிறு­வ­னங்­க­ளின் போட்­டித்­தி­றனை மேம்­ப­டுத்­தும் நோக்­கில் பொதுப் பயன்­பாட்டு மையங்­கள் (Common Facility Centres – CFCs) மற்­றும் உள்­கட்­ட­மைப்பு மேம்­பாட்­டுத் திட்­டங்­களை உரு­வாக்­கும் தேவை­ய­டிப்­ப­டை­யி­லான ஒன்­றி­யத் திட்­டம் என்று அமைச்­ச­கம் தெரி­வித்­துள்­ளது. இருப்­பி­னும், இந்­தத் திட்­டத்­தில் கோயம்­புத்­தூர்–­ஈ­ரோ­டு–­தி­ருப்­பூர் நக­ரப் பொரு­ளா­தா­ரப் பிராந்­தி­யம் (CER) தொடர்­பாக தனிப்­பட்ட எந்­த­வொரு கூறும் இடம்­பெ­ற­வில்லை என்­றும் விளக்­கி­யுள்­ளது.

(ஆ) MSE–CDP திட்­டத்­தில் பொதுத்–­த­னி­யார் கூட்­டாண்மை (PPP) அடிப்­ப­டை­யி­லான சீர்­தி­ருத்­தம் மற்­றும் முடி­வு­கள் சார்ந்த நிதி­யு­தவி தொடர்­பான எந்­த­வொரு ஏற்­பா­டும் இல்லை

என்று அமைச்­ச­கம் தெரி­வித்­துள்­ளது.

திருவள்ளூர் மேற்கு மாவட்டம், பள்ளிப்பட்டு வடக்கு ஒன்றியம், கொல்லாலகுப்பம் ஊராட்சிக்குட்பட்ட சி.என். கண்டிகை கிராம பள்ளிவாசலுக்கு, ஜமாத் நிர்வாகிகள் கோரிக்கை ஏற்று பள்ளிப்பட்டு வடக்கு ஒன்றிய தி.மு.க. செயலாளர் வழக்கறிஞர் சி.ஜெ.சீனிவாசன் ஏற்பாட்டில், மாவட்ட செயலாளர் திருத்தணி எஸ்.சந்திரன் குளிர்சாதன வசதிக்கான ஏசியை வழங்கினார். பள்ளிவாசலின் தேவையை உடனடியாக நிறைவேற்றியதற்காக ஜமாத் நிர்வாகிகளும் பொதுமக்களும் நன்றி தெரிவித்தனர் .உடன் பேருர் கழக டி.விஜியலு, ஒன்றிய அவைத் தலைவர் திருமலை லோகநாதன், பேருர் கவுன்சிலர் வழக்கறிஞர் சி.ஜெ.செந்தில்குமார், கழக நிர்வாகிகள் பழனி, கே. ரவி, மோகன்ராஜ் உள்ளிட்டோர் கலந்து கொண்டனர்.