மருத்துவக் கல்விக்கான தகுதித் தேர்வான நீட் தேர்வை ரத்து செய்ய வலியுறுத்தி, தி.மு.க. துணைப் பொதுச் செயலாளரும், நாடாளுமன்ற தி.மு.க. குழுத் தலைவருமான கனிமொழி கருணாநிதி எம்.பி. தலைமையில் நாடாளுமன்ற வளாகத்தில் நேற்று போராட்டம் நடைபெற்றது. இந்தப் போராட்டத்தில் தி.மு.க. நாடாளுமன்ற உறுப்பினர்கள் பங்கேற்று, நீட் தேர்வுக்கு எதிரான பதாகைகளை கைகளில் ஏந்தியவாறு தங்களது எதிர்ப்பை பதிவு செய்தனர்.