சென்னை, ஜூலை 24 –
நீட் விவகாரத்தில் நாடே பற்றி எரிந்து கொண்டிருக்கும் நிலையில், த.வெ.க.வினரோ சினிமா கொண்டாட்டத்தில் ஈடுபட்டுள்ளனர். சபாநாயகர் முதல் ஒட்டுமொத்த த.வெ.க. அமைச்சர்களும் திரையரங்கு களில் ஜனநாயகன் திரைப்படத்தை பார்த்து கொண்டிருக்கின்றனர்.
தமிழ்நாட்டில் த.வெ.க. ஆட்சி அமைந்தது முதல் எண்ணற்ற இன்னல்களை மக்கள் சந்தித்து வருகின்றனர். மாநிலத்தில் சட்டம் ஒழுங்கு சந்தி சிரிக்கிறது. தொடர் மின்வெட்டால் மக்கள் தூக்கத்தை தொலைத்துள்ளனர். மாநிலம் முழுவதும் த.வெ.க. அரசுக்கு எதிராக பல்வேறு தரப்பினரும் போராட்டம் நடத்தி வருகின்றனர். இதேபோல், நீட் தேர்வு விவகாரத்தில் தமிழ்நாடு உட்பட நாடு முழுவதும் மாணவர் போராட்டம் வெடித்துள்ளது.
இவை எதுகுறித்தும் கவலைப்படாமல், த.வெ.க. ஆட்சியாளர்கள் ஜனநாயகன் திரைப்படகொண்டாட்டத்தில் ஈடுபட்டுள்ளனர். விஜயின் ஜனநாயகன் திரைப்படம் வெளியாகியுள்ள நிலையில் ஒட்டுமொத்த தமிழ்நாடு அமைச்சரவையும் திரையரங்கில் அமர்ந்துள்ளது.
சபாநாயகர் முதல் அனைத்து அமைச்சர்களும் திரையரங்கில் அமர்ந்து ஜனநாயகன் திரைப்படத்தை பார்த்துக் கொண்டிருக்கின்றனர். மக்களின் சேவைக்கு வந்துவிட்டு திரை யரங்கில் விஜயின் ஜனநாயகன் படத்தை பார்த்து கொண்டிருப்பதாக பல்வேறு தரப்பினரும் கடும் கண்டனம் தெரிவித்துள்ளனர்.
சபாநாயகர் மற்றும் த.வெ.க. அமைச்சர்களின் பொறுப்பற்ற செயல்களுக்கு பொதுமக்கள் கண்டனம் தெரிவித்துள்ளனர். ஆட்சி அதிகாரத்தில் அமர்ந்து கொண்டு மக்கள் சேவை செய்யாமல் திரையரங்கில் ஒட்டுமொத்த அமைச்சரவையும் படம் பார்ப்பதா என அவர்கள் கேள்வி எழுப்பியுள்ளனர்.
வெட்கக் கேடானது!
அரசு நிர்வாகமும், அமைச்சர்களும், ரசிகர் மன்ற நிர்வாகிகளாக ஜனநாயகன் திரைப்பட கொண்டாட்டத்தில் மும்முரம் காட்டுவது வெட்கக் கேடானது என்று விமர்சனம் எழுந்துள்ளது. ஆட்சியை நடத்த சொன்னால் சினிமா காட்சியில் ஆர்வம் காட்டி வருவதாக முதலமைச்சர் விஜய் மற்றும் அமைச்சர்களுக்கும், த.வெ.க.வினருக்கும் நெட்டின்சன்கள் கண்டனம் தெரிவித்துள்ளனர்.