புதுடெல்லி, ஜூலை 24 –
ரயில்வே உணவக சேவைகளில் உயர்ந்து வரும் செலவுகள் குறித்த அடிப்படைக் கவலைகளுக்கு நேரடியான பதிலைத் தவிர்ப்பதா என ஒன்றிய அரசுக்கு ஈரோடு கே.இ.பிரகாஷ் கேள்வி எழுப்பியிள்ளார்.
ஈரோடு மக்களவை உறுப்பினர் கே.இ.பிரகாஷ், வணிகப் பயன்பாட்டிற்கான LPG விலை உயர்வு மற்றும் பிற உள்ளீட்டுச் செலவுகள் அதிகரித்துள்ளதால், தமிழ்நாடு, குறிப்பாக ஈரோடு மற்றும் அதனை ஒட்டிய ரயில்வே கோட்டங்களில் செயல்படும் பேன்ட்ரி ஒப்பந்ததாரர்கள், உணவு விற்பனையாளர்கள் மற்றும் உரிமம் பெற்ற சேவை வழங்குநர்கள் மேற்கொள்ளும் ரயில்வே உணவக சேவைகள் எந்த அளவிற்கு பாதிக்கப்பட்டுள்ளன என்பதை ஒன்றிய ரயில்வே அமைச்சகம் ஆய்வு செய்துள்ளதா என்று விளக்கம் கோரினார்.
மேலும், கடந்த இரண்டு ஆண்டுகளில் உயர்ந்து வரும் செயல்பாட்டு செலவுகள் மற்றும் விநியோகச் சங்கிலி சிக்கல்கள் தொடர்பாக ரயில்வே உணவக ஒப்பந்ததாரர்கள் மற்றும் விற்பனையாளர்களிடமிருந்து பெறப்பட்ட மனுக்கள் மற்றும் கோரிக்கைகள் குறித்த விவரங்களையும் கேட்டுக்கொண்டார். அத்துடன், இந்திய ரயில்வே உணவகம் மற்றும் சுற்றுலா கழகம் (IRCTC) மற்றும் பிற அமைப்புகள் மூலம் தடையற்ற உணவக சேவையை உறுதி செய்வதற்கும், சிறு விற்பனையாளர்கள் மற்றும் ஒப்பந்ததாரர்களின் செயல்பாட்டு நிலைத்தன்மையை பாதுகாப்பதற்கும் மேற்கொள்ளப்பட்ட நடவடிக்கைகள் குறித்தும், உயர்ந்து வரும் உள்ளீட்டுச் செலவுகளை கருத்தில் கொண்டு உணவக ஒப்பந்தங்கள், சேவைக் கட்டணங்கள் அல்லது விற்பனையாளர்களு க்கான ஆதரவு நடைமுறைகள் மறுஆய்வு செய்யப்பட்டுள்ளனவா என்பது குறித்தும் கேள்வி எழுப்பினார்.
இந்தக் கேள்விகளுக்கு ரயில்வே அமைச்சகம் அளித்த பதில் பின்வருமாறு:
இந்திய ரயில்வே, பயணிகள் சேவைகளின் அனைத்து அம்சங்களையும் தொட ர்ந்து கண்காணித்து மறுஆய்வு செய்து வருகிறது. மத்திய கிழக்கு
பிராந்தியத்தில் நிலவும் நெருக்கடியால் LPG கிடைப்பதில் நிலவும் சிக்கல் மற்றும் அதன் விலை உயர்வு ஏற்படுத்திய தாக்கமும் இதன் ஒரு பகுதியாக பரிசீலிக்கப்பட்டு வருகிறது. மேலும், தமிழ்நாடு உட்பட பல்வேறு உணவக உரிமம் பெற்றோர் சேவை சங்கங்கள் மற்றும் உரிமம் பெற்ற வழங்குநர்களிடமிருந்து இத்தகைய செயல்பாட்டு சவால்கள் தொடர்பாக மனுக்கள் பெறப்பட்டுள்ளதாகவும் தெரிவித்துள்ளது. சேவையின் தரம் மற்றும் பயணிகளின் வசதியில் எந்தவித பாதிப்பும் ஏற்படாத வகையில் தேவையான நடவடிக்கைகள் மேற்கொள்ளப்பட்டுள்ளதாகவும் கூறியுள்ளது.
இந்தப் பிரச்சினைகளை சமாளிப்பதற்காக மேற்கொள்ளப்பட்ட நடவடிக்கைகள் பின்வருமாறு:
சேவை வழங்குநர்களுடன் காலந்தோறும் ஆலோசனை நடத்தி, உணவக சேவைகள் மற்றும் செலவு தொடர்பான பிரச்சினை கள் தொடர்ந்து மறுஆய்வு செய்யப்படுகின்றன.
எல்பிஜி தடையின்றி கிடைப்பதை உறுதி செய்ய எண்ணெய் சந்தைப்படுத்தும் நிறுவனங்களுடன் தொடர்ந்து ஒருங்கிணைப்பு மேற்கொள்ளப்பட்டுள்ளது.
தேவைக்கேற்ப போதுமான அளவில் எல்பிஜி கையிருப்பு பராமரிக்கப்பட்டு வருகிறது.
அவசர சூழ்நிலைகளில், சாத்தியமான இடங்களில் மின்சாரம் அல்லது இண்டக்ஷன் (Induction) அடிப்படையிலான தீயில்லா சமையல் முறைகளை பயன்ப டுத்த அனுமதி வழங்கப்பட்டுள்ளது.
சேவையின் தரத்தில் எந்தவித சமரசமும் இன்றி, செலவினங்களை கட்டுப்படுத்தும் வகையில் செயல்திறன் மேம்பாடு மற்றும் நிர்வாக நடைமுறைகளில் மாற்றங்கள் மேற்கொள்ளப்பட்டுள்ளன.
163 சமையலறைகள் மற்றும் உணவக அலகுகளில் இண்டக்ஷன் அல்லது பிற மின்சார அடிப்படையிலான சமையல் அமைப்புகள் அறிமுகப்படுத்தப்பட்டுள்ளன. மேலும், பேன்ட்ரி பெட்டிகளில் தீயில்லா சமையலுக்கு அனுமதி வழங்கப்பட்டதன் காரணமாக, நாளொன்றுக்கு பயன்படுத்தப்படும் வணிக எல்பிஜி சிலிண்டர்களின் எண்ணிக்கை 1,111-இலிருந்து 458 ஆக குறை ந்துள்ளது.
சமைத்த உணவின் மீதான சார்பைக் குறைக்கும் வகையில், Ready to Eat (RTE) உணவுப் பொருட்களின் பயன்பாடு விரிவுபடுத் தப்பட்டுள்ளது.
இந்திய ரயில்வே முழுவதும் உணவக சேவைகள் தொடர்ந்து ஆய்வு செய்யப்பட்டு கண்காணிக்கப்பட்டு வருகின்றன.
இவ்வாறு கே.இ.பிரகாஷ் கேள்விகளுக்கு ஒன்றிய அமைச்சகம் பதிலளித்துள்ளது.