தேனி, ஜூலை 24-–
தேனி மாவட்டத்தில் உணவகங்கள் இரவு நேரத்தில் இயங்க காவல்துறை அனுமதி மறுத்துள்ளதைக் கண்டித்து, வரும் ஆகஸ்ட் 1-ஆம் தேதி முதல் கடைகளின் வேலை நேரத்தைக் குறைக்கவும், தேவைப்பட்டால் 48 மணி நேர கடையடைப்பு போராட்டத்தில் ஈடுபடவும் தேனி மாவட்ட ஹோட்டல் உரிமையாளர்கள் சங்கம் முடிவு செய்துள்ளது.
தேனி மாவட்டத்தில் இயங்கி வரும் உணவகங்கள், பேக்கரிகள் மற்றும் தேநீர் கடைகள் இரவு 11 மணிக்கு மேல் திறக்கக் கூடாது என தவெக ஆட்சியில் காவல்துறை திடீர் தடை விதித்துள்ளது. காவல்துறையின் இந்த முடிவால் சிறு மற்றும் பெரு உணவக உரிமையாளர்களின் வாழ்வாதாரம் கடுமையாகப் பாதிக்கப்பட்டுள்ளதாகக் கூறி, தேனி மாவட்ட ஹோட்டல் சங்கத்தின் அவசர ஆலோசனைக் கூட்டம் நேற்று நடைபெற்றது.
கூட்டத்திற்குப் பிறகு செய்தியாளர்களைச் சந்தித்த ஹோட்டல் சங்க நிர்வாகிகள் தெரிவித்ததாவது:
இரவு நேரக் கட்டுப்பாட்டால் உணவக உரிமையாளர்கள் மற்றும் தொழிலாளர்களின் வாழ்வாதாரம் கேள்விக்குறியாகியுள்ளது.
இரவு நேரத்தில் பயணிக்கும் நெடுந்தூரப் பயணிகள், அவசரத் தேவைகளுக்காகச் செல்லும் பொது மக்கள் மற்றும் இரவு நேரப் பணியாளர்கள் உணவு கிடைக்காமல் பெரும் அசௌகரியத்திற்கு ஆளாகின்றனர்.
காவல்துறையின் இந்த நடவடிக்கைக்கு எதிர்ப்பு தெரிவித்து ஹோட்டல் சங்கம் பின்வரும் முடிவுகளை அறிவித்துள்ளது:
ஏற்கனவே நடைமுறையில் உள்ள தமிழ்நாடு அரசின் அரசாணையின்படி, தேனி மாவட்டத்தில் உணவகங்கள், பேக்கரிகள் மற்றும் தேநீர் கடைகள் இரவு நேரத்திலும் இயங்க உட
னடியாக அனுமதி அளிக்க வேண்டும்.
அரசு மற்றும் மாவட்ட நிர்வாகம் உடனடியாகத் தலையிட்டு நடவடிக்கை எடுக்காவிட்டால், வரும் ஆகஸ்ட் 1 முதல் காலை 7 மணி முதல் மாலை 7 மணி வரை மட்டுமே உணவகங்கள் இயங்கும் மாவட்ட தலைவர் சீனிவாசன் பொருளாளர் அன்னலட்சுமி சாமி. கம்பம் ஆர்த்தி பேக்கரி ராஜேந்திரன் . சின்னமனுர் மனோகரன் ஆண்டிபட்டி ஜி கே பாண்டியன் மற்றும் பலர் கலந்து கொண்டனர்.