புது­டெல்லி, ஜூலை 24–

‘நீட்’ முறை­கேடு விவ­கா­ரத்­தில் ஒன்­றிய கல்வி அமைச்­சர் தர்­மேந்­திர பிர­தான் பதவி வில­கும் வரை டெல்­லி­யில் போராட்­டம் தொட­ரும் என்று கரப்­பான்­பூச்சி ஜனதா கட்­சி­யி­னர் திட்­ட­ வட்­ட­ மாகக் கூறி­யுள்­ள­னர். டெல்லி ஜந்­தர் மந்­த­ரில், சாரை சாரை­யாக இளை­ஞர்­கள் குவிந்து வரு­வ­தால் தலை­ந­க­ரில் உச்­சக்­கட்ட பதற்­றம் நில­வு­கி­றது.

‘நீட்’ உள்­ளிட்ட நுழை­வுத் தேர்­வு­ க­ளில் நடை­பெற்ற வினாத்­தாள் கசிவு மற்­றும் முறை­கே­டு­க­ளுக்கு பொறுப்­பேற்று, ஒன்­றிய கல்வி அமைச்­சர் தர்­மேந்­திர பிர­தான் பதவி வில­கக் கோரி கரப்­பான் பூச்சி ஜனதா கட்­சி­யி­னர் கடந்த ஜூன் 21, தேதி டெல்லி ஜந்­தர்மந்­த­ரில் தொடர் போராட்­டத்தை தொட ங்­கி­னர். ஜூன் 28-ம் தேதி மாண­வர்­க­ளு­டன் இணைந்து சோனம் வாங்­சுக் கால­வ­ரை­யற்ற உண்­ணா­வி­ர­தப் போராட்­டத்­தைத் தொடங்­கி­னார்.

இந்த போராட்­டத்­தின் அடுத்த கட்­ட­மாக கடந்த திங்­கட்கிழமை, ஜந்­தர் மந்­த­ரில் இருந்து பேர­ணி­யாகச் சென்று நாடா­ளு­மன்­றத்தை முற்­று­கை­யிட முயன்ற மாண­வர்­களை போலீ­சார் தடுத்து நிறுத்தி, தடி­யடி நடத்­தி­யும், கண்­ணீர் புகைகுண்­டு­ க­ளை­யும் வீசி­யும் போராட்­டக்­கா­ரர்­களை கலைத்­த­னர்.

இத­னைத் தொடர்ந்து, ஆயி­ரத்­தி­திற்­கும் மேற்­பட்­டோர் கொட்­டும் மழை­யை­யும் கருத்­தில் கொள்­ளா­மல் விடிய விடியஇரவு முழு­வ­தும் ஜந்­தர் மந்­தர் பகு­தி­யின்உள்ளே சாலை­யில் அமர்ந்து தொடர்ந்து போராட்­டத்தை தொடர்­கின்­ற­னர்.

‘நீட்’ தேர்­வுக்கு எதி­ரான போராட்­டத்­திற்கு ஆத­ரவு தெரி­விக்­கும் வித­மாக பல்­வேறு இடங்­க­ளில் இருந்து டெல்லி ஜந்­தர் மந்­த­ரில், சாரை சாரை­யாக இளை­ஞர்­கள் குவிந்­துள்­ள­னர். ‘நீட்’ தேர்வை ரத்து செய்ய வலி­யு­றுத்­தி­யும், ஒன்­றிய கல்வி அமைச்­சர் தர்­மேந்­திர பிர­தான் பதவி விலக வலி­யு­றுத்­தி­யும்முழக்­கங்­களை எழுப்பி வரு­கின்­ற­னர்.

நாடா­ளு­மன்­றம் செல்­லும் பாதை­கள் அனைத்­தும் இரண்டு அடுக்கு இரும்புதடுப்பு வேலி­கள் கொண்டு மூடப்­பட்­டுள்­ளது.

மேலும் போராட்­டக்­கா­ரர்­களை கட்­டுப்ப­டுத்­தும் வித­மாக ஆயி­ரத்­திற்­கும் அதி­க­மான போலீ­சார் மற்­றும் துணை ராணு­வப்­ப­டை­யி­னர் குவிக்­கப்­பட்­ டுள்­ள­னர்.

இத­னி­டையே, டெல்­லி­யில் கரப்­பான்­பூச்சி ஜனதா கட்சி போராட்­டத்­தின்­போது, சமூக ஆர்­வ­ல­ரும், நடி­க­ரு­மான பிர­காஷ் ராஜ் மாண­வர்­க­ளு­டன் பங்­கேற்று ஆத­ரவு தெரி­வித்­தார். மாண­வர்­க­ளு­டன் வீதி­யில் இறங்கி போராட்­டத்­தில் ஈடு­பட்ட பிர­காஷ்­ராஜ் மாண­வர்­கள் மத்­தி­யில் உரையாற்­றி­னார்.

அப்­போது, எப்­போ­தும் உங்­க­ளு­டன் பக்­க­ப­ல­மாக நிற்­பேன் என பிர­காஷ்­ராஜ் நம்­பிக்கை தெரி­வித்­தார்.

இந்­நி­லை­யில், டெல்­லி­யில் மாண­வர்­கள், இளை­ஞர்­கள் போராட்­டம் தீவி­ர­ம­டைந்­துள்ள நிலை­யில்,கூடு­தல் படை­களை ஒன்­றிய அரசு குவித்து வரு­கி­றது. மேற்­கு­வங்­கத்­தில் இருந்து மேலும் 20 சி.ஆர்.­பி.­எஃப். படை ­களை டெல்­லிக்குவர­வ­ழைக்­கப்­பட்­டுள்­ள­னர்.

இத­னால் தலை­ந­கர் டெல்­லி­யில் உச்­ச­கட்ட பதற்­றம் நில­வு­கி­றது. மெட்ரோ ரயில் நிலை­யங்­க­ளும் மூடப்­பட்­டுள்­ளன.