தலைநகர் டெல்லியில் ஒன்றிய அரசைக் கண்டித்து நடைபெறும் மாணவர்கள் தொடர் போராட்டத்தின்போது, காவல்துறையின் தாக்குதலில் காயமடைந்த மாணவர்களை, கழகத் தலைவர் மு.க.ஸ்டாலின் அவர்களின் வழிகாட்டுதலின்படி, கழக நாடாளுமன்ற உறுப்பினர்கள் ஆ.ராசா, தயாநிதி மாறன், எஸ்.ஜெகத்ரட்சகன், ஆர்.கிரிராஜன், கான்ஸ்டன்டைன் ரவீந்திரன் ஆகியோர் பாதிக்கப்பட்ட மாணவர்களை நேரில் சந்திக்க மருத்துவமனைக்கு விரைந்தனர். அனுமதி மறுக்கப்பட்ட போதிலும், மருத்துவமனையில் சிகிச்சை பெற்று வரும் மாணவர்களுக்கும், ஜனநாயக முறையில் போராடிவரும் மாணவர்களுக்கும், அவர்களது பெற்றோருக்கும், திராவிட முன்னேற்ற கழகம் தொடர்ந்து துணை நிற்கும் என்று அவர்கள் உறுதியளித்தனர்.