கரூர். ஜூலை. 24–
த.வெ.க ஆட்சியில் கரூர் மாவட்டத்தில் மணல்- கனிம வளம் திருட்டு தொடர்ந்து நடைபெறுகிறது. ரீல்ஸ் எடுத்து போட்டும் நடவடிக்கை எடுக்காத மாவட்ட நிர்வாகம், காவல்துறைக்கு சுற்றுச்சூழல் ஆர்வலர்கள் கடும் கண்டனம் தெரிவித்துள்ளனர்.
கரூர் மாவட்டத்தில் காவிரி மற்றும் அமராவதி ஆறுகளில் திருட்டுத்தன மாக இரவு நேரங்களில் மணல் எடுத்து விற்பனை செய்து வருகின்றனர். இரவு நேரங்களில் நூதன முறையில் மணல் திருட்டு நடைபெறுகிறது. சேகரித்த மணலை லாரியில் ஏற்றி அனுப்பி விற்பனை செய்து வருகின்றனர். ஆளும் கட்சி ஆதரவோடு இதேபோன்று கல் குவாரிகளிலும் சட்ட விரோதமாக, அளவுக்கு அதிகமாக கற்களை எடுத்து விற்பனை செய்து வருகின்றனர்.
காவிரி ஆற்றில் மணல் எடுத்த கும்பல் மணல் எடுத்துக் கொண்டிருக்கும் போதே ஆற்றில் வைத்து ரீல்ஸ் எடுத்து வெளியிட்டனர். எனினும் யாரையும் பிடிக்கவில்லை. மாறாக என்ன நடைபெற்றது என்றால், மாவட்ட நிர்வாகம் சார்பிலும், காவல்துறை சார்பிலும், நடவடிக்கை எடுத்து வருவதாக பத்திரிகைகளுக்கு செய்தி மட்டும் கொடுக்கப்படுகிறது. தவிர எந்த நடவடிக்கையும் எடுப்பதில்லை.
இது குறித்து கம்யூனிஸ்டு கட்சிகள், காவிரி ஆறு பாதுகாப்பு இயக்கம், சுற்றுச்சூழல் இயக்கங்கள் சார்பில் தொடர்ந்து கலெக்டரிடம் மனு கொடுக்கப்பட்டுள்ளது.
ஆனால் சில போன் நம்பர்களை கொடுத்து மணல் திருட்டு குறித்து புகார் கூறுங்கள் என கூறும் அதிகாரிகள், நேரில் ஆதாரத்துடன், முகவரி மற்றும் செல்போன் எண்களு டன்அளிக்கப்படும் புகார் மனுக்களுக்கு எவ்வித நடவடிக்கையும் எடுப்பதில்லை என சுற்றுச்சூழல் ஆர்வலர்கள் வேதனை தெரிவித்தனர்.
கரூர் மாவட்டத்தில் அனுமதி இன்றி மணல் எடுப்பது குறித்தும் கல்குவாரியில் அனுமதி இன்றி ஜல்லிக்கற்கள் விற்பனை செய்து குறித்தும் ஆதாரத்துடன் பலமுறை கலெக்டர் அலுவலகத்தில் மணல் கொடுத்திருக்கிறோம் எனினும் எந்த நடவடிக்கையும் எடுப்பதில்லை. இது குறித்து பத்திரிகை, மீடியாக்களில் பேட்டியும் அளித்து வருகிறோம். ஆனாலும் மணல் கனிம வள கொள்ளை தொடர்கிறது என சுற்றுச்சூழல் ஆதரவாளர்கள் வேதனையுடன் தெரிவித்தனர்.