தூத்துக்குடி, ஜூலை 24 –
தூத்துக்குடியில் மேலும் ஒரு லாக்-அப் மரணம் விசாரணைக்கு அழைத்துச்செல்லப்பட்ட இளைஞர் மர்ம மரணம் போலீஸார் அடித்துக் கொன்றுவிட்டதாக உறவினர்கள் குற்றச்சாட்டு இளைஞரின் உடலை வாங்க மறுத்து உறவினர்கள் போராட்டம்
தூத்துக்குடியில் விசாரணைக்கு அழைத்துச் சென்ற இளைஞர் மர்மமான முறையில் உயிரிழந்தார். காவல்துறையினர் அவரை அடித்துக்கொலை செய்து விட்டதாகக்கூறி உறவினர்கள் உடலை வாங்க மறுத்து போராட்டம் மேற்கொண்டு வருகின்றனர்.
தூத்துக்குடி அமுதா நகர் பகுதியைச் சேர்ந்த நாகராஜனின் மகன் அருணாச்சலம், அரசு மதுபான கடை பாரில் வேலை பார்த்து வந்தார். கடந்த 17ஆம் தேதி மதுபான கடை மூடிய பின்பு சட்ட விரோதமாக மதுபானம் விற்பனை செய்ததாக தென்பாகம் காவல்துறையினர் அருணாசலத்தை கைது செய்து, விசாரணைக்காக காவல் நிலையத்திற்கு அழைத்துச் சென்றுள்ளனர்.
அடுத்த நாள் அருணாச்சலம் உடலில் பலத்த காயங்களுடன் தூத்துக்குடி அரசு மருத்து கல்லூரி மருத்துவமனையில் சிகிச்சைக் காக காவல்துறையினர் சேர்த்துள்ளனர்.
இதுதொடர்பாக அவரதுகுடும்பத்தினரிடம் போலீசார் தகவல் தெரிவித்துள்ளனர். இதனிடையே, சிறையில் போலீசார் தாக்கியதால் தலையில் காயம் ஏற்பட்டதாக, மருத்துவமனையில் அனுமதிக்கப்பட்ட அருணாச்சலம் கடைசி வாக்குமூலம் அளித்துள்ளார்.
தனது மகனைபோலீசார்அடித்துக் கொன்றுவிட்டதாக தாய் குற்றச்சாட்டு இளைஞரின் உடலை வாங்க மறுத்து உறவினர்கள் போராட்டம் நான்கு நாட்களாக சிகிச்சை பெற்று வந்த அருணாசலம் சிகிச்சை பலனின்றி உயிரிழந்தார். காவல்துறையினர் அடித்ததால்தான் தனது மகன் உயிரிழந்ததாக கூறி அவரது பெற்றோர் உடலை வாங்க மறுத்து போராட்டத்தில் ஈடுபட்டனர்.
அருணாச்சலம் குடும்பத்திற்கு
நேரில் சென்று
ஆறுதல் தெரிவித்த கீதாஜீவன்!
உயிரிழந்தஅருணாச்சலம்குடும்பத்திற்கு தி.மு.க.
உறுதுணையாகஇருக்கும் – கீதாஜீவன் இதனிடையே, பெற்றோரின் அனுமதி இன்றி அருணாச்சலத்தின் உடல் பிரேத பரிசோதனைக்கு கொண்டு செல்லப்பட்டது.
இதனையறிந்து மருத்துவமனைக்கு சென்ற, முன்னாள் அமைச்சர் கீதா ஜீவன்பெற்றோருக்கு ஆறுதல் தெரிவித்து இந்த சம்பவத்திற்கு கண்டனம் தெரிவித்தார். அருணாச்சலத்தை தாக்கிய காவல்துறையின் மீது உரிய நடவடிக்கை எடுக்கும்வரை, பாதிக்கப்பட்ட குடும்பத்தினருக்கு தி.மு.க. உறுதுணையாக இருக்கும் என தெரிவித்தார்.