புதுடெல்லி, ஜூலை 24 –
நடைபெற்று வரும் நாடாளுமன்ற மழைக்கால கூட்டத்தொடரில் தமிழ்நாட்டின் தர்மபுரி மாவட்டத்தில் உள்ள பல்வேறு கிராமப்புற மற்றும் நகர்ப்புற பகுதிகளில் தொடர்ந்து நிலவி வரும் அழைப்பு துண்டிப்பு (Call Drop) மற்றும் தரமற்ற மொபைல் நெட்வொர்க் சேவை தொடர் பான பிரச்சினைகள் குறித்து ஒன்றிய அரசின் கவனத்திற்கு வந்துள்ளதா? அவ்வாறெனில், அவற்றால் பாதிக்கப்பட்டுள்ள மாணவர்கள், விவசாயிகள், சிறு வணிகர்கள் மற்றும் அவசரகால தகவல் தொடர்பு சேவைகள் குறித்த விவரங்கள் யாவை?
தர்மபுரி மாவட்டத்தில் அடிக்கடி ஏற்படும் அழைப்பு துண்டிப்பு களுக்கான காரணங்களைக் கண்டறிவதற்காக மாவட்ட அளவில் ஏதேனும் ஆய்வு மேற்கொள்ளப்பட்டுள்ளதா? இருப்பின்,நெட்வொர்க் நெரிசல்,போதிய தொலைத்தொடர்பு கோபுரங்கள்இல்லாமை,செல்போன் கோபுரங்களுக்கு இடையேயான சிக்னல் மாற்ற (Handover) குறைபாடுகள் மற்றும் புதிய தொலைத்தொடர்பு கோபுரங்கள் அமைப்பதில் உள்ள கட்டுப்பாடுகள் உள்ளிட்ட காரணங்கள் தொடர்பான விவரங்கள் யாவை?
தர்மபுரி மாவட்டத்தில் கூடுதல் மொபைல் கோபுரங்களை அமைத்தும்,தற்போதுள்ள நெட்வொர்க் திறனை மேம்படுத்தியும்,மொபைல் தகவல் தொடர்பு உள்கட்டமைப்பை வலுப்படுத்துமாறு தொலைத்தொடர்பு சேவை வழங்குநர்களுக்கு ஒன்றிய அரசு அறிவுறுத்த திட்டமிட்டுள்ளதா? ஆம் எனில், அதன் விவரங்கள் என்ன?
தர்மபுரி மாவட்ட மக்களுக்கு தடையற்ற, தரமான மற்றும் நம்பகமான மொபைல் நெட்வொர்க் சேவையை உறுதி செய்வதற்காக ஒன்றிய அரசு மேற்கொள்ளவுள்ள நடவடிக்கைகள் என்ன ? மேலும்,அவற்றை செயல்படுத்துவதற்கான காலக்கெடு என்ன? என்று
தகவல் தொடர்பு மற்றும் ஊரக வளர்ச்சித் துறை இணை அமைச்சர் டாக்டர் பெம்மசானி சந்திர சேகரிடம் தருமபுரி நாடாளுமன்ற உறுப்பினர் வழக்கறிஞர்.ஆ.மணி கேள்வி எழுப்பி உள்ளார்.