புது­டெல்லி, ஜூலை.24 –

திரா­விட முன்­னேற்­றக் கழக, அரக்­கோ­ணம் நாடா­ளு­மன்ற உறுப்­பி­னர், டாக்­டர் எஸ். ஜெகத்­ரட்­ச­கன் அவர்­கள், ஜூலை 22, 2026 அன்று மக்­க­ள­வை­யில், நாடு முழு­வ­தும் ரயில்வே நவீ­ன­ம­ய­மாக்­கல் திட்­டங்­க­ளின் முன்­னேற்­றம், உயர் வேக மற்­றும் மேம்­ப­டுத்­தப்­பட்ட வேக ரயில் சேவை­கள், வந்தே பாரத் மற்­றும் அம்­ரித் பாரத் ரயில்­கள், அதி­வேக ரயில் திட்­டங்­கள், பய­ணி­கள் பாது­காப்பு, தொழில்­நுட்ப மேம்­பா­டு­கள், ரயில் நிலைய மேம்­பாடு மற்­றும் எதிர்­கால ரயில்வே நவீ­ன­ம­ய­மாக்­கல் நட­வ­டிக்­கை­கள் குறித்து ஒன்­றிய அர­சின் ரயில்வே, தக­வல் மற்­றும் ஒலி­ப­ரப்­புத் துறை மற்­றும் மின்­னணு மற்­றும் தக­வல் தொழில்­நுட்­பத் துறை­யின் மாண்­பு­மிகு அமைச்­சர் திரு. அஸ்­வினி வைஷ்­ணவ் அவர்­க­ளி­டம் விரி­வான கேள்வி எழுப்­பி­னார்.

இதற்கு ஒன்­றிய அர­சின் ரயில்வே, தக­வல் மற்­றும் ஒலி­ப­ரப்­புத் துறை மற்­றும் மின்­னணு மற்­றும் தக­வல் தொழில்­நுட்­பத் துறை­யின் அமைச்­சர் அஸ்­வினி வைஷ்­ணவ் அவர்­கள் அளித்த பதில் வரு­மாறு:–

பய­ணி­கள் பாது­காப்பு, வேகம், இயக்­கத் திறன், பயண வசதி மற்­றும் நவீன தொழில்­நுட்­பங்­களை மேம்­ப­டுத்­தும் நோக்­கில் நாடு முழு­வ­தும் ரயில்வே நவீ­ன­ம­ய­மாக்­கல் பணி­கள் தொடர்ந்து நடை­பெற்று வரு­கின்­றன என்று அமைச்­சர் தெரி­வித்­தார். உள்­நாட்­டி­லேயே வடி­வ­மைத்து தயா­ரிக்­கப்­பட்ட வந்தே பாரத் (இருக்கை மற்­றும் படுக்கை வசதி), அம்­ரித் பாரத் மற்­றும் நமோ பாரத் விரைவு ரயில்­கள் இயக்­கப்­பட்டு வரு­வ­தா­க­வும், தற்­போது 162 வந்தே பாரத் ரயில் சேவை­க­ளும், 36 இரு­வழி அம்­ரித் பாரத் ரயில் சேவை­க­ளும் இயக்­கப்­பட்டு வரு­வ­தா­க­வும் கூறி­னார்.

மாற்­றுத் திற­னா­ளி­க­ளுக்கு வச­தி­கள்!

அம்­ரித் பாரத் ரயில்­க­ளில் 11 பொது வகுப்­புப் பெட்­டி­கள், 8 படுக்கை வச­திப் பெட்­டி­கள், ஒரு உண­வுப் பெட்டி மற்­றும் இரண்டு சுமை மற்­றும் மாற்­றுத்­தி­ற­னா­ளி­க­ளுக்­கான பெட்­டி­கள் இடம்­பெற்­றுள்­ளன என்­றும் தெரி­வித்­தார். கவச் பாது­காப்பு அமைப்பு, தானி­யங்கி கத­வு­கள், கண்­கா­ணிப்பு கேம­ராக்­கள், மேம்­பட்ட தீ பாது­காப்பு, அவ­சர தொடர்பு வசதி மற்­றும் மாற்­றுத்­தி­ற­னா­ளி­க­ளுக்­கான சிறப்பு வச­தி­கள் உள்­ளிட்ட பல்­வேறு நவீன அம்­சங்­கள் இந்த ரயில்­க­ளில் இடம்­பெற்­றுள்­ளன என்­றும் கூறி­னார்.

முதல் வந்தே பாரத் படுக்கை வசதி ரயில் 2026 ஜன­வரி 22 முதல் சேவை­யைத் தொடங்­கி­யுள்­ள­தா­க­வும், புற­ந­கர் மற்­றும் குறு­கிய தூரப் பய­ணி­க­ளுக்­காக தற்­போது இரண்டு இரு­வழி நமோ பாரத் விரைவு ரயில் சேவை­கள் இந்­திய ரயில்வே வலை­ய­மைப்­பில் இயக்­கப்­பட்டு வரு­வ­தா­க­வும் அமைச்­சர் தெரி­வித்­தார். மேலும், “நமோ கிரீன் ரயில்” என்ற நாட்­டின் முதல் ஹைட்­ர­ஜன்ரயில் 2026 ஜூலை 17 அன்று அறி­மு­கப்­ப­டுத்­தப்­பட்­ட­தா­க­வும், உல­கின் மிக நீள­மான மற்­றும் அதிக திறன் கொண்ட அக­லப்­பாதை ஹைட்­ர­ஜன் ரயி­லான இது கார்­பன் டை ஆக்­சைடு வெளி­யீடு இல்­லாத சுற்­றுச்­சூ­ழ­லுக்கு உகந்த தொழில்­நுட்­பத்­தைப் பயன்­ப­டுத்­து­வ­தா­க­வும் கூறி­னார்.

508 கிலோ­மீட்­டர் நீள­முள்ள மும்­பை–­அ­க­ம­தா­பாத் அதி­வேக ரயில் திட்­டம் முழு­வீச்­சில் செயல்­ப­டுத்­தப்­பட்டு வரு­வ­தா­க­வும், திட்­டத்­திற்­குத் தேவை­யான நிலம் முழு­மை­யாக கைய­கப்­ப­டுத்­தப்­பட்டு அனைத்து சட்ட அனு­ம­தி­க­ளும் பெறப்­பட்­டுள்­ள­தா­க­வும் அமைச்­சர் தெரி­வித்­தார். மேலும், 2026–27 ஒன்­றிய வர­வு–­செ­ல­வுத் திட்­டத்­தில் மும்­பை–­புனே, புனே– ஹைத­ரா­பாத், ஹைத­ரா­பாத் –­ பெங்­க­ளூரு, ஹைத­ரா­பாத் –­ சென்னை, சென்­னை–­ பெங்­க­ளூரு, டெல்­லி –­வா­ர­ ணாசி மற்­றும் வார­ணா­சி –­சி­லி­குரி ஆகிய ஏழு புதிய அதி­வேக ரயில் வழித்­த­டங்­கள் அறி­விக்­கப்­பட்­டுள்­ள­து­டன், அதி­வேக ரயில்­க­ளுக்­குத் தேவை­யான தொழில்­நுட்­பம் மற்­றும் உற்­பத்­தித் திற­னும் நாட்­டி­லேயே மேம்­ப­டுத்­தப்­பட்டு வரு­வ­தாக தெரி­வித்­தார்.

தானி­யங்கி

ரயில் பாது­காப்பு!

ரயில்வே பாது­காப்பை வலுப்­ப­டுத்த செயற்கை நுண்­ண­றிவு அடிப்­ப­டை­யி­லான ஆய்வு அமைப்­பு­கள், கவச் தானி­யங்கி ரயில் பாது­காப்பு அமைப்பு, நவீன சமிக்ஞை மற்­றும் தண்­ட­வாள கண்­கா­ணிப்பு தொழில்­நுட்­பங்­கள் விரி­வு ­ப­டுத்­தப்­பட்டு வரு­வ­தா­க­வும், 2026 ஜூலை 13 நில­வ­ரப்­படி 2,490 வழித்­தட கிலோ­ மீட்­ட­ரில் கவச் அமைப்பு செயல்­பாட்­டிற்கு கொண்டு வரப்­பட்­டுள்­ள­தா­க­வும் அமைச்­சர் தெரி­வித்­தார்.

மேலும், அம்­ரித் பாரத் நிலை­யத் திட்­டத்­தின் கீழ் நாடு முழு­வ­தும் 1,340 ரயில் நிலை­யங்­கள் மேம்­ப­டுத்­து­வ­தற்­குத் தேர்வு செய்­யப்­பட்­டுள்­ள­து­டன், அவற்­றில் 261 நிலை­யங்­க­ளின் மேம்­பாட்­டுப் பணி­கள் நிறை­வ­டைந்­து ள்­ளன. பய­ணி­கள் வச­தி­கள், நடை­மேம்­பா­லங்­கள், மின்­தூக்­கி­கள், மாற்­றுத்­தி­ற­னா­ளி­க­ளுக்­கான வச­தி­கள், வாகன நிறுத்­து­மி­டங்­கள் மற்­றும் பன்­மு­கப் போக்­கு­வ­ரத்து இணைப்­பு­கள் உரு­வாக்­கப்­பட்டு வரு­கின்­றன. இதற்­காக 2026–27 நிதி­யாண்­டில் 11,972 கோடி ஒதுக்­கப்­பட்­டுள்­ள­து­டன், 2026 ஜூன் மாதம் வரை 4,633 கோடி செல­வி­டப்­பட்­டுள்­ள­தா­க­வும் அமைச்­சர் தெரி­வித்­தார்.

ஆளில்லா அனைத்து இருப்­புப்­பாதை கட­வை­க­ளும் அகற்­றப்­பட்­டுள்­ள­து­டன், ரயில்வே மேம்­பா­லங்­கள் மற்­றும் கீழ்ப்­பா­லங்­கள் அமைக்­கும் பணி­க­ளும் தொடர்ந்து நடை­பெற்று வரு­கின்­றன. 2014 முதல் 2026 மே மாதம் வரை 14,451 ரயில்வே மேம்­பா­லங்­கள் மற்­றும் கீழ்ப்­பா ­லங்­கள் அமைக்­கப்­பட்­டுள்­ள­து­டன், 2026 ஜூன் 1 நில­வ­ரப்­படி சுமார் 31,17,492 கோடி மதிப்­பில் 4,993 மேம்­பா­லம் மற்­றும் கீழ்ப்­பா­லத் திட்­டங்­கள் பல்­வேறு கட்­டங்­க­ளில் செயல் ­ப­டுத்­தப்­பட்டு வரு­வ­தாக ஒன்­றிய அர­சின் ரயில்வே, தக­வல் மற்­றும் ஒலி­ப­ரப்­புத் துறை மற்­றும் மின்­னணு மற்­றும் தக­வல் தொழில்­நுட்­பத் துறை­யின் அமைச்­சர் அஸ்­வினி வைஷ்­ணவ் அவர்­கள், பதி­ல­ளித்­துள்­ளார்.