புதுடெல்லி, ஜூலை.24–

தென் சென்னை மக்­க­ள­வைத் தொகுதி உறுப்­பி­னர் தமி­ழச்சி தங்­க­பாண்­டி­யன் மக்­க­ள­வை­யில் வர்த்­த­கம் மற்­றும் தொழில்­துறை அமைச்­ச­கத்­தி­டம் தமிழ்­நாட்­டில் நடை­பெற்ற உலக முத­லீட்­டா­ளர்­கள் மாநாட்­டில் (Global Investors Meet) கையெ­ழுத்­தான புரிந்­து­ணர்வு ஒப்­பந்­தங்­கள் (MoU), அந்­நிய நேரடி முத­லீடு (FDI), செயல்­ப­டுத்­தப்­ப­டாத ஒப்­பந்­தங்­கள் மற்­றும் மாநில வாரி­யானFDI பங்கு குறித்து கேள்வி எழுப்­பி­னர்.

அதன் விப­ரம் வருமாறு:–

கடந்த 2020–21ஆம் நிதி­யாண்டு முதல் தமிழ்­நாட்­டின் உலக முத­லீட்­டா­ளர்­கள் மாநாட்­டில் கையெ­ழுத்­தான புரிந்­து­ணர்வு ஒப்­பந்­தங்­க­ளின் மதிப்பு எவ்­வ­ளவு? அவற்­று­டன் ஒப்­பி­டும்­போது மாநி­லத்­தில் உண்­மை­யில் கிடைத்த அந்­நிய நேரடி முத­லீடு எவ்­வ­ளவு?

செயல்­ப­டுத்­தப்­ப­டா­மல் உள்ள புரிந்­து­ணர்வு ஒப்­பந்­தங்­கள் எத்­தனை? அவை எந்­தத் துறை­க­ளைச் சேர்ந்­தவை? முத­லீட்­டா ­ளர்­கள் தெரி­வித்த கார­ணங்­கள் என்ன?

மாநில அள­வி­லான கார­ணங்­க­ளைத் தவிர, மத்­திய அர­சின் முத­லீட்டு ஊக்­கு­விப்பு அமைப்­பு­கள் ஏதே­னும் மத்­திய அர­சின் கொள்கை அல்­லது நிர்­வா­கத் தடை­களை கண்­ட­றிந்­துள்­ள­னவா?

2020–21ஆம் ஆண்டு முதல் தமிழ்­நாட்­டில் முத­லீடு செய்த வெளி­நாட்டு நிறு­வ­னங்­க­ளின் பட்­டி­யல் மற்­றும் ஆண்­டு­வா­ரி­யான FDI விவ­ரங்­கள் என்ன?

இந்­தி­யா­வுக்கு வந்த மொத்த FDI–யில் தமிழ்­நாட்­டின் பங்கு எவ்­வ­ளவு? அது குஜ­ராத், கர்­நா­டகா உள்­ளிட்ட பிற மாநி­லங்­க­ளு­டன் ஒப்­பி­டு­கை­யில் எவ்­வாறு உள்­ளது?

கடந்த ஐந்து ஆண்­டு­க­ளில் மாநில வாரி­யா­க­வும், தொழில் துறை வாரி­யா­க­வும் கிடைத்த FDI விவ­ரங்­கள் என்ன? என்று கேள்வி எழுப்­பி­னார்.

இதற்கு மத்­திய வர்த்­த­கம் மற்­றும் தொழில்­துறை இணை அமைச்­சர் ஜிதின் பிர­சாதா எழுத்­துப்­பூர்­வ­மாக பதில் அளித்­தார். அந்த பதி­லில் கூறப்பட்­டுள்­ள­ தா­வது:–

தொழில்­துறை வளர்ச்­சிக்­கான உகந்த சூழலை உரு­வாக்க மத்­திய அரசு ‘மேக் இன் இந்­தியா’, ‘ஸ்டார்ட்­அப் இந்­தியா’, ‘பிர­த­மர் கதி சக்தி’, தேசிய தொழில் வழித்­த­டத் திட்­டம், உற்­பத்­தி­யு­டன் இணைக்­கப்­பட்ட ஊக்­கத்­தொகை (PLI) திட்­டம், தொழில் செய்­வ­தற்­கான எளிமை (Ease of Doing Business), தேசிய ஒற்­றைச் சாளர அமைப்பு (NSWS), இந்­திய தொழில் நில வங்கி, திட்­டக் கண்­கா­ணிப்பு குழு (PMG), FDI கொள்கை தளர்வு உள்­ளிட்ட பல்­வேறு திட்­டங்­களை செயல்­ப­டுத்தி வரு­கி­றது.

2020 முதல் 2026 வரை தமிழ்­நாட்­டில் மொத்­தம் 1,322 புரிந்­து­ணர்வு ஒப்­பந்­தங்­கள் கையெ­ழுத்­தா­கி­யுள்­ளன. அவற்­றின் மொத்த முத­லீட்டு மதிப்பு

ரூ.13,60,014 கோடி ஆகும். இதில், 2024ஆம் ஆண்டு நடை­பெற்ற உலக முத­லீட்­டா­ளர்­கள் மாநாட்­டில் மட்­டும் 663 ஒப்­பந்­தங்­கள் கையெ­ழுத்­தாகி, ரூ.7,12,171 கோடி முத­லீடு உறுதி செய்­யப்­பட்­டுள்­ளது.

தமிழ்­நாட்­டில் பதி­வான அந்­நிய நேரடி முத­லீடு (FDI) 2020–21ஆம் ஆண்­டில் 2,323 மில்­லி­யன் அமெ­ரிக்க டால­ராக இருந்த நிலை­யில், 2025–26ஆம் ஆண்­டில் 4,724 மில்­லி­யன் அமெ­ரிக்க டால­ராக உயர்ந்­துள்­ளது.

2020 முதல் 2025 வரை மொத்­தம் 57 புரிந்­து­ணர்வு ஒப்­பந்­தங்­கள் பல்­வேறு கார­ணங்­க­ளால் செயல்­ப­டுத்­தும் நிலைக்கு வர­வில்லை. அவை ஆட்­டோ­மொ­பைல், இர­சா­ய­ னங்­கள், மின்­ன­ணு­வி­யல், தக­வல் தொழில்­நுட்­பம், காலணி, உள்­கட்­ட­மைப்பு மற்­றும் போக்­கு­வ­ரத்து, ஜவுளி, உயி­ரி­யல் அறி­வி­யல் உள்­ளிட்ட பல்­வேறு துறை­க­ளைச் சேர்ந்­தவை என தெரி­விக்­கப்­பட்­டுள்­ளது.

இந்­தி­யா­வுக்கு வந்த மொத்த FDI–யில் தமிழ்­நாட்­டின் பங்கு 2020–21ஆம் ஆண்­டில் 3.90 சத­வீ­த­மாக இருந்த நிலை­யில், 2025–26ஆம் ஆண்­டில் 8.03 சத­வீ­த­மாக உயர்ந்­துள்­ளது. அதே கால­கட்­டத்­தில் குஜ­ராத்­தின் பங்கு 9.71 சத­வீ­த­மா­க­வும், கர்­நா­ட­கா­வின் பங்கு 21.99 சத­வீ­த­மா­க­வும் இருந்­த­தாக தெரி­விக்­கப்­பட்­டுள்­ளது.

மாநில வாரி­யா­க­வும், தொழில் துறை வாரி­யா­க­வும் FDI விவ­ரங்­கள் இணைப்­பாக வழங்­கப்­பட்­டுள்­ளன. கணினி மென்­பொ­ருள் மற்­றும் வன்­பொ­ருள், சேவைத் துறை, வர்த்­த­கம், கட்­டு­மா­னம், புதுப்­பிக்­கத்­தக்க எரி­சக்தி, உணவு பதப்­ப­டுத்­து­தல், வாகன உற்­பத்தி உள்­ளிட்ட துறை­கள் அதி­க­ள­வில் அந்­நிய முத­லீட்டை ஈர்த்­துள்­ள­தாக பதி­லில் குறிப்­பி­டப்­பட்­டுள்­ளது.