நெல்லை.ஜுலை.24–
தமிழக முதல்வரை அவதூறாக பேசிய வழக்கில் கைது செய்யப்பட்டு பாளை மத்திய சிறையில் அடைக்கப்பட்டுள்ள விளாத்திகுளம் சட்டமன்ற உறுப்பினர் மார்க்கண்டேயனை கழக முதன்மை செயலாளர் முன்னாள் அமைச்சர் கே.என். நேரு சந்தித்து பேசி உடல் நலம் குறித்து விசாரித்தார்.
தூத்துக்குடி மாவட்டம் கோவில்பட்டியில் நடந்த தி.மு.க.தேர்தல் நன்றி அறிவிப்பு பொதுக்கூட்டத்தில்,தமிழ்நாடு முதல்வரை அவதூறாக பேசியதாக விளாத்திகுளம் கழக சட்டமன்ற உறுப்பினர் மார்க்கண்டேயன் கடந்த 20 ம் தேதி காலை விளாத்தி குளத்தில் உள்ள அவரது வீட்டில் வைத்து கைது செய்யப்பட்டார்.பின்னர் தூத்துக்குடி எஸ்பி அலுவலகத்தில் வைத்து அவரிடம் 11 மணி நேரம் விசாரணை நடத்திய போலீசார், பின்னர் அங்குள்ள ஜே.எம்.கோர்ட் 1 ல் ஆஜர்படுத்தி, மாஜிஸ்திரேட் சுமதி உத்தரவின் பேரில் அன்று நள்ளிரவு பாளை மத்திய சிறையில் அடைத்தனர்.
இந்நிலையில் கழக முதன்மை செயலாளரும், முன்னாள் அமைச்சருமான கே.என்.நேரு
எம்.எல்.ஏ. பாளையங்கோட்டை மத்திய சிறையில் நேற்று முன்தினம் (22 ம் தேதி) மார்க்கண்டேயன் எம்.எல்.ஏ.வை சந்தித்துப் பேசினார். அப்போது அவரது உடல்நலம் குறித்தும் விசாரித்தார்.
இந்நிகழ்வில் நெல்லை மேற்கு மாவட்ட பொறுப்பாளர் இரா.ஆவுடையப்பன்,மத்திய மாவட்ட பொறுப்பாளர் மு.அப்துல் வஹாப் எம்.எல்.ஏ. தென்காசி வடக்கு மாவட்ட செயலாளர் ஈ.ராஜா எம்.எல்.ஏ, முன்னாள் எம்பி சா.ஞானதிரவியம்,திருச்சி மேயர் அன்பழகள்,மாநில வர்த்தக அணி இணை செயலாளர் மாலை ராஜா, மாநில மகளிர் தொண்டரணி துணைச் செயலாளர். விஜிலா சத்யானந்த்,மாநில விவசாய தொழிலாளரணி துணை செயலாளர் கணேஷ் குமார் ஆதித்தன், நெல்லை மத்திய மாவட்ட துணை செயலாளர் எஸ். வி.சுரேஷ்,நெல்லை துணை மேயர் கே.ஆர் ராஜூ, நெல்லை கிழக்கு மாநகர பொறுப்பாளர் தினேஷ், மேலப்பாளையம் பகுதி செயலாளர் துபை சாகுல், ஒன்றிய செயலாளர்கள் மானூர் அருள்மணி, எரிக்ஜூடு,மாமன்ற உறுப்பினர் டாக்டர் சங்கர், தலைமை பேச்சாளர் நெல்லை முத்தையா,
கிழக்கு மாவட்ட சுற்றுச்
சூழல் அணி அமைப்பாளர் முருகன்,மகளிர் தொண்டரணி அமைப்பாளர் அனித்தா, முத்து உள்பட கழகத்தினர் பலர் உடனிருந்தனர்.
மேலும் பாளை மத்திய சிறையில் அடைக்கப்பட்டுள்ள மார்க்கண்டேயன் எம்.எல்.ஏ.வை டெல்லி சட்டக் கல்லூரியில் படித்து வரும் அவரது மகன் அக் ஷய் முறைப்படி அனுமதி பெற்று தந்தை மார்க்கண்டேயன் எம்.எல்.ஏ.வை சந்தித்து பேசினார்.