புதுடெல்லி, ஜூலை 25 –
டெல்லி ஜந்தர் மந்தரில் நீட் தேர்வுக்கு எதிராக போராடி வரும் மாணவர்களுக்கு, தி.மு.க. துணைப் பொதுச் செயலாளரும், நாடாளுமன்ற தி.மு.க. குழுத் தலைவருமான கனிமொழி கருணாநிதி எம்.பி. நேரில் சென்று தனது ஆதரவைத் தெரிவித்தார்.
அப்போது பேசிய அவர், திராவிட முன்னேற்றக் கழகத்தின் சார்பிலும், எங்களுடைய தலைவர் முத்துவேல் கருணாநிதி ஸ்டாலின் சார்பிலும், தி.மு.க. நாடாளுமன்ற உறுப்பினர்கள் அனைவரும் இளைஞர்களின் இந்தப் போராட்டத்தில் உறுதியோடு துணை நிற்கிறோம். நாங்கள் மாணவர்களின் உரிமைக்காகவும், சமூக நீதிக்காக வும் தொடர்ந்து குரல் கொடுப்போம்.
தொடர்ந்து, நீட் தேர்வு கொண்டு வரப்பட்ட காலம் முதலே, கிராமப்புற மாணவர்களுக்கு எதிரான இத்தேர்வை திராவிட முன்னேற்றக் கழகம் எதிர்த்து வருகிறது. மாணவர்களின் மருத்துவக் கனவுகளை சிதைக்கக்கூ டிய நீட் தேர்வுக்கு எதிராக பல்வேறு போராட்டங்களை முன்னெடுத்ததோடு, நீதிமன்றத்தில் சட்டப் போராட்டங்களை தொடர்ந்து வருகிறோம்.
உச்சநீதிமன்றத்தில்
தி.மு.க. வழக்கு!
தி.மு.க. ஆட்சிப் பொறுப்பில் இருந்தபோது, நீட்தேர்விலிருந்து தமிழ்நாட்டிற்கு விலக்கு கோரி சட்டமன்றத்தில் சட்ட மசோதா நிறைவேற்றப்பட்டது. ஆனால், ஆளுநர் அதற்கு ஒப்புதல் அளிக்காமல் நிராகரித்தார். தற்போது, குடியரசுத் தலைவரின் ஒப்புதலுக்காக அனுப்பப்பட்ட மசோதாவுக்கும்இதுவரை ஒப்புதல் கிடைக்கவில்லை. இதனிடையே, நீட் தேர்வுக்கு எதிராக திராவிட முன்னேற்றக் கழகம் சார்பில் உச்சநீதி மன்றத்திலும் வழக்கு தொடரப்பட்டுள்ளது.
எனவே, நீட் தேர்வுக்கு எதிரான போராட்டம் என்பது திராவிட முன்னேற்றக் கழகத்திற்கு புதிதானது அல்ல. மாணவர்களின் உரிமைக்காகவும், சமூகநீதிக்காகவும் தி.மு.க. உறுதியுடன் நீட் தேர்வை எதிர்த்து போராடி வருகிறது.
நாடு முழுவதும் உள்ள இளைஞர்கள், நீட் தேர்வு தங்களுக்கு எதிரானது என்பதை உணர்ந்து, அதற்கு எதிராகப் போராடி வருகின்றனர். எனவே, திராவிட முன்னேற்றக் கழகமும், எங்களுடைய தலைவர் முத்துவேல் கருணாநிதி ஸ்டாலினும் மாணவர்களோடு என்றும் துணை நிற்போம் என்பதைத் தெரிவிக்கும் வகையில், இப்போராட்டத்தில் நாங்களும் பங்கேற்றுள்ளோம்.
தமிழ்நாடு எப்போதெல்லாம் ஒரு முக்கியமான கருத்தை முன்வைக்கிறதோ, அது தமிழ்நாட்டிற்கு மட்டுமே தொடர்புடைய பிரச்சினை யாகப் பார்க்கப்படுகிறது. ஆனால், தமிழ்நாடு தொடர்ந்து வலியுறுத்தி வரும் பல்வேறு கருத்துகள் மற்றும் கோரிக்கைகள், நாடு முழுவதும் உள்ள இளைஞர்கள் மற்றும் மாணவர்களின் எதிர்காலத்தையும் உரிமைகளையும் பாதிக்கக்கூடியவை என்பதை நாம் புரிந்து கொள்ள வேண்டும். அந்த வகையில், நீட் தேர்வுக்கு எதிரான போராட்டமும் தமிழ்நாட்டைத் தாண்டி, நாடு முழுவதும் உள்ள மாணவர்களின் நலனுக்கான போராட்டமாக மாறியுள்ளது.
ஒரு கட்டத்தில், ஒரு பிரச்சினை நாட்டின் எதிர்காலத்திற்கு எவ்வளவு முக்கியமானது என்பதை மக்கள் உணர்ந்து கொள்ளும் காலம் வரும். அப்போது அதன் உண்மைத் தன்மையையும் முக்கி யத்துவத்தையும் அனைவரும் புரிந்து கொள்வார்கள். நீட் தேர்வுக்கு
எதிரான இந்தப் போராட்டத்தை நாங்கள் தொடங்கியிருந்தாலும், இதன் பாதிப்பை உணர்ந்து யார் போராட முன்வந்தாலும், அவர்களோடு நின்று ஆதரிக்க திராவிட முன்னேற்றக் கழகம் எப்போதும் தயாராக இருக்கிறது.
மேலும், மாணவர்கள் மீது மிகப்பெரிய அளவில் வன்முறை கட்டவிழ்த்து விடப்பட்டதை நம் அனைவரும் பார்த்தோம். மாணவர்கள் மீது அக்கறையும் அன்பும் கொண்டவர்கள் ஒருபோதும் வன்முறையை கட்டவிழ்த்து விடமாட்டார்கள். மாணவர்களின் குரலைக் கேட்டு, அவர்களின் உணர்வு களைப் புரிந்து கொண்டு, அவர்களது உரிமைகளுக்கு மதிப்பளிப்பதுதான் பொறுப்புள்ள அரசின்
அணுகுமுறையாக இருக்க
வேண்டும்.
இவ்வாறு கனிமொழி கருணாநிதி எம்.பி. கூறினார்.
டெல்லியில் நீட் தேர்வுக்கு எதிராக மாணவர்கள் முன்னெடுப்பில் நடந்த போராட்டத்தில் தி.மு.க. சார்பாக கனிமொழி கருணாநிதி எம்.பி நேரில் சென்று தனது ஆதரவை தெரிவித்தார். இந்நிலையில், கரப்பான்பூச்சி ஜனதா கட்சியின் தலைவரான அபிஜீத் தீபிக்கே நன்றி தெரிவித்துள்ளார்.