திட்டம் மற்றும் தாய்மொழி வழியில் கல்வி பயிலும் மாணவர்கள் ஆகியோர் கடுமையாகப் பின்னடைவைச் சந்திக்கின்றனர்.
அமெரிக்கா, கனடா, ஆஸ்திரேலியா, ஜெர்மனி போன்ற நாடுகள், மாணவர்களைப் பள்ளிக் கல்விச் செயல்திறன், மதிப்பெண்களைச் சமன்படுத்தும் (Standardi sation) முறைகள் மற்றும் ஒட்டுமொத்தத் திறனை மதிப்பிடும் அணுகுமுறைகளின் அடிப்படையிலேயே சேர்க்கின்றன; நாடு முழுவதற்குமான ஒரே நுழைவுத் தேர்வின் அடிப்படையில் அல்ல. நுழைவுத் தேர்வுகள் பயன்படுத்தப்படும் இடங்களில்கூட, அவை பல்வேறு மதிப்பீட்டு அளவுகோல்களில் ஒன்றாகவேஉள்ளனவே தவிர, சேர்க்கையைத் தீர்மானிக்கும் ஒற்றைக் காரணியாக அல்ல.
வசதி படைத்தவர்களின்
ஆதிக்கத்தை முன்னிறுத்துவதாகும்!
நீட் தேர்வில் இதுவரை நடந்தவையே,‘தகுதி’ என்ற பெயரில் முன்வைக்கப்படும் வாதத்தின் மாயையை மேலும் அம்பலப்படுத்துகிறது. இளநிலை மருத்துவப் படிப்புகளுக்கான தகுதித் தேர்ச்சி வரம்பு (Qualifying Threshold) மிகவும் குறைவாகவே இருந்து வருகிறது. முதுநிலை மற்றும் உயர் சிறப்புப் படிப்புகளுக்கான சேர்க்கைகளில், அதிகக் கட்டணம் வசூலிக்கும் தனியார் மருத்துவக் கல்லூரிகளில் இடங்களை நிரப்புவதற்காக, தகுதிக்கானபெர்சென்டைல் பலமுறை பூஜ்ஜிய மாகக் குறைக்கப்பட்டுள்ளது; சில நேரங்களில் பூஜ்ஜியத்துக்கும் குறைவான மதிப்பெண்கள் பெற்றவர்கள்கூட தகுதி பெற்றவர்களாக அறிவிக்கப்பட்டுள்ளனர். இந்தத்தேர்வுமுறையானது உண்மையிலேயே
தகுதியால் நிர்வகிக்கப்பட்டிருந்தால்,
இத்தகைய அசாதாரணமான தளர்வுகளுக்கான தேவையே எழுந்திருக்காது. உண்மை நிலை இதற்கு முற்றிலும் மாறானது.
குறைந்த எண்ணிக்கையிலான அரசு மருத்துவக் கல்லூரி இடங்களுக்காக ஏழை மாணவர்கள் மிகக் கடுமையான போட்டியை எதிர்கொள்ள வேண்டியிருக்கிறது. ஆனால், பொருளாதார வசதி படைத்தவர்கள் மிகவும் தளர்வான தகுதி அளவுகோல்களிலேயே தனியார் மருத்துவக் கல்வியைப் பெற முடி கிறது. இது தகுதியை முன்னிறுத்துவது அல்ல; வசதி படைத்தவர்களின் ஆதிக்கத்தை அமைப்புரீதியாக நிலைநிறுத்தும் முறையாகும்.
நீட் மருத்துவக் கல்வியின் வணிகமயமாக்கலைக்கட்டுப்படுத்தியுள்ளது என்பது மற்றுமொரு தவறான நம்பிக்கை. நீட்டை மையமாகக் கொண்ட ’கோச்சிங்சென்டர்’ தொழில், இன்று பல ஆயிரம் கோடி ரூபாய் மதிப்புள்ள வணிகமாக வளர்ந்துள்ளது. நீட்டுக்குத் தங்கள்
பிள்ளைகளைத் தயார்படுத்துவதற்காக, குடும்பங்கள் பல ஆண்டுகளாகப் பெரும் தொகைகளைச் செலவிட வேண்டிய நிலைக்குத் தள்ளப்பட்டுள்ளன. நீட் அகற்றுவதாக வாக்குறுதியளித்த பொருளாதாரச் சுமை மறைந்துவிடவில்லை; அதன்வடிவம்தான் மாறியுள்ளது. கேப்பிடேஷன்கட்டணத்துக்கு பதிலாக, பயிற்சி மையக் கட்டணம் அந்த இடத்தைப் பிடித்துள்ளது.
ஏழைக் குடும்பங்களுக்கு
எட்டாக்கனியாக மாறியுள்ளது!
அதேநேரத்தில், நிகர்நிலைப் பல்கலைக்கழகங்களும் தனியார் சுயநிதி மருத்துவக் கல்லூரிகளும் மருத்துவக் கல்வியை வணிகமயமாக்கப் புதிய வழிகளைக் கண்டுபிடித்துள்ளன. முன்புபோல்கேப்பிடேஷன் கட்டணம் மற்றும் நன்கொடைகளை நேரடியாகக் கோருவதற்குப் பதிலாக, கல்விக் கட்டணம் மற்றும் பிற நிறுவனக் கட்டணங்களைப் பல மடங்கு உயர்த்தியுள்ளன. இதன் விளைவாக, ஏழை மற்றும் நடுத்தரக் குடும்பங்களுக்கு மருத்துவக் கல்வி மேலும்
எட்டாக்கனியாக மாறியுள்ளது.
இந்தப் பிரச்சினைகளை தொடக்கத்திலேயே உணர்ந்த மாநிலம் தமிழ்நாடு. அதன் விளைவாக, ஓய்வுபெற்ற நீதியரசர் ஏ.கே. ராஜன் தலைமையில் குழு ஒன்றை அமைத்தோம். அந்தக் குழு, ‘நீட்’ மருத்துவக் கல்வித் தரத்தை மேம்படுத்தவும் இல்லை, சமூகநீதியை உறுதிப்படுத்தவும் இல்லை என்ற தெளிவான
முடிவுக்கு வந்தது.
இதன் அடிப்படையில், நீட்டிலிருந்து விலக்கு கோரி தமிழ்நாடு சட்டப்பேரவை ஒருமனதாக மசோதாவை நிறைவேற்றியது. ஆனால், ஆளுநர் அதற்கு ஒப்புதல் அளிக்காமல் நிறுத்திவைத்தார். மாநிலம் முன்வைத்த கவலைகளின் சாரத்தைப் புரிந்துகொண்டு ஆக்கப்பூர்வமாக அணுக ஒன்றிய அரசும் முன்வரவில்லை.
மாநிலங்களைத்தான்
நம்ப வேண்டும்!
கல்வி நிறுவனங்களை நிறுவவும், ஆசிரியர்களை நியமிக்கவும், கல்வித் தரத்தைப் பராமரிக்கவும்,மருத்துவக் கல்விக்கு நிதியளிக் கவும் மாநிலங்களை நம்பும்போது, அவற்றின் கல்வி முறைகளுக்கும் சமூகநீதிக் கொள்கைகளுக்கும் ஏற்ப மாணவர் சேர்க்கையைத் தீர்மானிக்கும் அதிகாரத்திலும் மாநிலங்களைத்தான் நம்ப வேண்டும்.
பள்ளிக் கல்வியை வலுப்படுத்துதல், பள்ளிக் கல்வி வாரியங்களின் மதிப்பீடுகள் மீதான நம்பிக்கையை மீட்டெடுத்தல், மாநிலங் கள் தங்களின் அரசியலமைப்புச் சட்டப் பொறுப்புகளுக்கும் உள்ளூர்ச் சூழல்களுக்கும் ஏற்ற மாணவர் சேர்க்கைக் கொள்கைகளை வகுக்க அனுமதித்தல்ஆகியவற்றில்தான் தீர்வு உள்ளது. வெவ்வேறு கல்வி வாரியங்கள் வழங்கும் மதிப்பெண்களைப் புள்ளியியல் சமநிலைப்படுத்தல் முறையின் மூலம் நியாயமாக ஒப்பிட முடியும்.
நீட்டிலிருந்து விலக்கு கோரும் மாநிலங்களுக்கு அந்த உரிமை வழங்கப்பட வேண்டும். மாணவர் சேர்க்கை முறைகளில் நிலவும் பன்முகத்தன்மையால் கல்வித் தரம் பாதிப்படையாது. மாறாக, அது சமத்துவத்தையும் சிறப்பான வெளிப்பாட்டையும் மேலும் வலுப்படுத்தக்கூடும்.
மத்திய தொகுப்புக்கு மாற்றுவது
சமூக நீதியைப்
பலவீனப்படுத்துவதாகும்!
அவசரமாக மீளாய்வுக்கு உட்படுத்தப்பட வேண்டிய மற்றொரு முக்கிய அம்சம் அகில இந்திய ஒதுக்கீடு (AIQ) முறையாகும். நீதிமன்றத் தீர்ப்பின் மூலம் உருவான இந்த முறை, மாநிலங்களின் நிதியில் உருவாக்கப்பட்ட மருத்துவக் கல்லூரி இடங்களில் ஒரு பகுதியை மத்தியத் தொகுப்பிற்கு மாற்றுகிறது. இதன் மூலம் கூட்டாட்சித் தத்துவம் மற்றும் சமூகநீதி ஆகியவை பலவீனப்படுத்தப்படுகின்றன.
குறிப்பாக, முதுநிலை மருத்துவப்படிப்புக்காக வேறு மாநிலங்களுக்குச் செல்ல பெண்கள் பெரும்பாலும் தயங்கும் சூழலில், இந்த முறை அவர்களை அளவுக்கு மீறிப் பாதிக்கிறது. பிராந்திய ஏற்றத்தாழ்வுகளைச் சரிசெய்வதிலும் இது பயனளிக்கவில்லை. மேலும், தாங்கள் செய்த முதலீட்டின் முழுப் பலனையும் மாநிலங்கள் பெற முடியாத நிலையை உருவாக்குகிறது.
எச்சரிக்கை மணியாக அமைய வேண்டும்!
நாடு முழுவதும் நடைபெற்று வரும் மாணவர் போராட்டங்கள், தேர்வு நடத்தும் முறைகளை மட்டும் மேம்படுத்த வேண்டிய அவசியத்தை உணர்த்தும் எச்சரிக்கை அல்ல. பெரும் தொகையையும் காலத்தையும் பணயமாக கோரும் தேசிய நுழைவுத் தேர்வுகள் என்ற ஒட்டுமொத்தக் கட்டமைப்பையே அடிப்படையில் மீளாய்வு செய்ய வேண்டிய நேரம் வந்துவிட்டது என்பதற்கான எச்சரிக்கை மணியாக அவை அமைய வேண்டும்.
மாநிலங்கள், கல்வியாளர்கள், மாணவர்கள், மருத்துவத் துறையினர் மற்றும் இதில் தொடர்புடைய அனைவரோடும் திறந்த மனதுடன் ஒன்றிய அரசு கலந்தாலோசிக்க வேண்டும். ஒற்றைத்துவத்தையே இறுதி இலக்காகக் கருதும் மனப்போக்கை அது கைவிட வேண்டும். இந்தியாவுக்குத் தேவை அதிகாரக்குவிப்பு அல்ல. மாநிலங்கள் மீதும், மாநில அரசுப் பள்ளிகள் மீதும், மாணவர்கள் மீதும் அதிக நம்பிக்கை வைப்பதே நாட்டின் இன்றைய தேவை.
மருத்துவக் கல்வியின் எதிர்காலம் இன்னும் நியாயமான, கூட்டாட்சித் தத்துவத்தை மேலும் மதிக்கும் அணுகுமுறையைக் கோருகின்றது.
இவ்வாறு கழகத் தலைவர் மு.க.ஸ்டாலின் அவர்கள் தனதுகட்டுரையில் வலியுறுத்தி உள்ளார்.
சென்னை, ஜூலை 25 –
நீட் தேர்வை ரத்துச் செய்யக் கோரி, தமிழ்நாட்டில் வகுப்புகளை புறக்கணித்து மாணவர்கள் நேற்று போராட்டத்தில் ஈடுபட்டுள்ளனர். ஒன்றிய அமைச்சர் பதவி விலகக் கோரி, மாணவ அமைப்பினர் ஆளுநர் மாளிகை நோக்கி பேரணியாக
சென்றனர்.
டெல்லியில், மாணவர்கள் மீது நடத்தப்பட்ட தாக்குதலை கண்டித்தும், ஒன்றிய கல்வி அமைச்சர் தர்மேந்திர பிரதமர் பதவி விலக கோரியும், SFI மற்றும் DYFI மாணவ அமைப்புகள் சென்னை கிண்டியில் உள்ள ஆளுநர் மாளிகை நோக்கி பேரணிமேற்கொண்டனர். அவர்களை போலீசார் தடுத்து நிறுத்தியதால் இருதரப்பினரிடையே வாக்குவாதம் ஏற்பட்டது. போராட்டம் நடத்துவது ஜனநாயக கடமை, ஆனால் அதை தடுத்துவிட்டு, ஜனநாயகன் படத்திற்கு காவல்துறை பாதுகாப்பது அளிப்பது வேதனையளிப்பதாக மாணவர்கள் தெரிவித்தனர்.
மதுரை
இதனிடையே, நீட் தேர்வை ரத்து செய்ய வலியுறுத்தி டெல்லியில்போராடிய மாணவர்கள் மீதான தாக்குதலை கண்டித்தும் மதுரை அரசு சட்டக் கல்லூரி மாணவர்கள் வகுப்பை புறக்கணித்து போராட்டம் மேற்கொண்டனர். மதுரை அரசு சட்டக் கல்லூரி வளாகத்தில் 300க்கும் மேற்பட்ட மாணவர்கள் ஒன்றிய பா.ஜ.க. அரசுக்கு எதிராக முழக்கங்களை எழுப்பினர்.
திருப்பரங்குன்றத்தில்
ரயில் மறியல்!
டெல்லியில் நடைபெற்று வரும் மாணவர்களின் போராட்டத்திற்கு ஆதரவு தெரிவித்து திருப்பரங்குன்றத் தில் மாணவர் அமைப்பினர் ரயில் மறியல் போராட்டத்தில் ஈடுபட்டனர். பாதிக்கப்பட்ட மாணவர்களுக்கு ஒரு கோடி ரூபாய் இழப்பீடு வழங்க வலியுறுத்தி இந்திய ஜனநாயக மாணவர் சங்கத்தினர் இந்தியா ஜனநாயக வாலிபர் சங்கத்தினர், விவசாய சங்கத்தினர் உள்ளிட்ட சில அமைப்புகள் திருப்பரங்குன்றம் ரயில் நிலையத்தில் மறியல் போராட்டத்தில் ஈடுபட்டனர்.
இந்திய கம்யூனிஸ்ட் கட்சி
அலுவலகத்தில் ஆர்ப்பாட்டம்!
நீட் தேர்வை கண்டித்தும், ஒன்றிய அமைச்சர் தர்மேந்திர பிரதான் பதவி விலக வலியுறுத்தியும் சென்னையில் 3-வது நாளாக நடைபெற்று வரும் மாணவர்களின் போராட்டத்துக்கு தி.மு.க. Gen Z குழு நேரில் ஆதரவு தெரிவித்தது.
நீட் தேர்வை கண்டித்தும், ஒன்றிய அமைச்சர் தர்மேந்திர பிரதான் பதவி விலக வலியுறுத்தியும் சென்னை தியாகராயநகரில் உள்ள இந்திய கம்யூனிஸ்ட் கட்சி அலுவலகத்தில் மாணவர் அமைப்பினர் 3வது நாளாக போராட்டத்தில் ஈடுபட்டு வருகின்றனர்.
இந்நிலையில், திமுக Gen Z குழுவினர் இவர்களை நேரில் சந்தித்து போராட்டத்துக்கு ஆதரவு தெரிவித்தனர். அப்போது மாணவர்கள் மீதான ஒன்றிய, மாநில அரசுகளின் அடக்குமுறைகளுக்கு கண்டனம் தெரிவித்து முழக்கங்கள் எழுப்பப்பட்டன.
அனிதாவின் சகோதரர் ஆதரவு!
இதேபோல், இப்போராட்டத்துக்கு அனிதாவின் சகோதரர் மணிரத்தினமும் ஆதரவு தெரிவித்துள்ளார். அனைவரும் ஒன்று சேர்ந்து போராடினால் பாசிச பா.ஜ.க., அரசை வீழ்த்தலாம் என்றும், நீட்டில் இருந்து விலக்கு பெறலாம் என்றும் தெரிவித்தார்.
ஆளூர் ஷாநவாஸ்
ஆதரவு!
சென்னையில் உள்ள இந்திய கம்யூனிஸ்ட் கட்சி அலுவலகமான பாலன் இல்லத்தில், நீட் தேர்வுக்கு எதிராக போராடி வரும் மாணவர்களை விசிக நிர்வாகி ஆளூர் ஷாநவாஸ் சந்தித்து ஆதரவு தெரிவித்தார். மாணவர்கள் மத்தியில் பேசிய அவர், நீட் தேர்வுக்கு எதிரான டெல்லி போராட்டம் நாடு முழுவதும் பெரும் கொந்தளிப்பை ஏற்படுத்தி உள்ள தாகத் தெரிவித்தார். நீட் தேர்வுக்கு எதிரான விதை தமிழ்நாட்டில்தான் முதன்முதலில் போடப்பட்டது என்றும், இதற்கான முக்கிய காரணம் தி.மு.க. தலைவர் மு.க.ஸ்டாலின் அவர்கள் தான் என்றும் ஷாநவாஸ் கூறினார்.
இயக்குநர் சீனு ராமசாமி
வலியுறுத்தல்!
ஒன்றிய அரசு நீட் தேர்வை உடனடியாக திரும்பப் பெற வேண்டும் என்று இயக்குநர் சீனு ராமசாமி வலியுறுத்தியுள்ளார்.
இது தொடர்பாக இயக்குநர் சீனு ராமசாமி வெளியீட்டுள்ள சமூக வலைதள பதிவில்., நீட் தேர்வு முறை வந்த நாள் முதல் கல்வியாளர்கள் மத்தியில் கடும் எதிர்ப்பு நிலவி வருவதாக குறிப்பிட்டுள்ளார். நீட் தேர்வில் ஊழல்களும் முறைகேடுகளும் மாணவர்களின் எதிர்காலத்தைக் கேள்விக்குறியாக்கி, இந்தியா முழுக்க உயிரிழப்புகளும், டெல்லியில் மாணவர்களின் போராட்டமும் நடைபெறுவதாக கூறியுள்ளார்.
தன் இயக்கத்தில் உருவான ‘கண்ணே கலைமானே’ திரைப்படத் தில் இந்த நீட் தேர்வின் கொடூர முகத்தையும், அதனால் மாணவர்கள் எதிர்கொள்ளும்வலிகளையும் அப்போதே ஆழமாகப் பதிவு செய்துள்ளதாக இயக்குநர் சீனு ராமசாமி குறிப்பிட்டுள்ளார். ஒன்றிய அரசு இதை அரசியலாகப் பார்க்காமல், மாணவர்களின் உயிரையும் நலனையும் கருத்தில் கொண்டு உடனடியாக நீட்டைத் திரும்பப் பெற வேண்டும் எனவும் சீனு ராமசாமி வலியுறுத்தியுள்ளார்.