திருவள்ளூர், ஜூலை.25–
நினைவில் வாழும் ஆவடி தெய்வ சிகாமணி அவர்களின் மகனும் காஞ்சிபுரம் முன்னாள் அமைச்சர் சி.வி.எம்.அண்ணாமலை அவர்களின் மகள் திருமதி.முல்லை அவர்களின் கணவருமான டி.எம்.கோதண்டன் அவர்கள், வயது 82, உடல் நலக் குறைவால் 22.07.2026, புதன்கிழமை அன்று, இயற்கை எய்தினார்.
1968ஆம் ஆண்டில் பேரறிஞர் அண்ணா அவர்கள் முதலமைச்சராக இருந்தபோது, சிகிச்சை பெற அமெரிக்காவுக்கு செல்லும் முன் அவரது தலைமையில் டி.எம்.கோதண்டம் – திருமதி.முல்லை ஆகியோரின் திருமணம் நடைபெற்றது. அதே வழியில் அவரது இல்லத்தில் நடைபெற்ற திருமணங்கள் முத்தமிழறிஞர் கலைஞர் அவர்கள் தலைமையில் நடைபெற்றது.
ஆவடி நகர கழகத்தில் முன்னோடிகளில் ஒருவராக விளங்கிய இவர், ஆவடி நகர கழகத்தில் மாவட்ட பிரதிநிதி, வட்டக் கழக செயலாளர் உள்ளிட்ட பல்வேறு பொறுப்புகளை ஏற்று கழகப் பணியாற்றியவர். 1993 ஆம் ஆண்டு கழகத்திற்கு சோதனை வந்த போது, கழக தலைவருக்கும், கழகத்திற்கும், உண்மையான விசுவாசியாகவும், ஆவடி நகரத்தில் கழகத்திற்கு உறுதி மிக்கவராய் விளங்கியவர்.
அச்சூழலில் ஆவடி நகரத்தில் நடைபெற்ற கழக பொதுக் கூட்டங்களுக்கு அன்றைய இளைஞரணிச் செயலாளராய் பொறுப்பு வகித்த இன்றைய கழகத் தலைவர் அவர்கள் இவரது இல்லத்திற்கு சென்று உணவு அருந்தி மகிழ்ந்து சென்ற காலங்களை தனது இறுதி காலம் வரையும் பெருமிதத்தோடு குறிப்பிட்டுக் கொண்டே இருந்தவர்.
1996ஆம் ஆண்டில் நடைபெற்ற ஆவடி நகர மன்றத் தேர்தலில் நகர மன்ற உறுப்பினராய் தேர்வு செய்யப்பட்டு அப்பகுதி மக்களுக்குக்காக திறம்படபணியாற்றி நன்மதிப்பை பெற்றவர். அப்போது நகரமன்றத்தின் நியமனக் குழுத் தலைவராகவும் பொறுப்பு வகித்தார்.
அவரை தொடர்ந்து மகன்கள் கோ.மாறன் மற்றும் சத்யா கோ.ரவி ஆகியோரும் கழகத்தில் ஈடுபாட்டுடன் பணியாற்றி வருகின்றனர்.
சத்யா கோ.ரவி அவர்கள் 2022ஆம் ஆண்டு நடைபெற்ற ஆவடி மாநகராட்சித் தேர்தலில் போட்டியிட்டு 40 வது வார்டு மாமன்ற உறுப்பினராக தேர்வு செய்யப்பட்டு மக்கள் பாராட்டும் வகையில் பணியாற்றி வருகிறார்.
இவர் ஆவடி மாநகர கழகத்தில் 42ஆவது வட்ட கழகச் செயலாளராகவும் செயல்பட்டு வருகிறார். கழகத்தில் அதிக ஈடுபாடு கொண்டவராய், மாவட்ட கழகச் செயலாளரும், முன்னாள் அமைச்சருமான ஆவடி சா.மு.நாசர் அவர்களின் நம்பிக்கைக்குரியவராய் விளங்குகிறார்.
மறைந்த டி.எம்.கோதண்டன் அவர்களின் உடலுக்கு திருவள்ளூர் மத்திய மாவட்ட கழகச் செயலாளரும், முன்னாள் அமைச்சருமான ஆவடி சா.மு.நாசர், சென்னை வடகிழக்கு மாவட்ட கழக செயலாளர் மாதவரம் எஸ்.சுதர்சனம், கழக கொள்கை பரப்புச் செயலாளரும், முன்னாள் காஞ்சிபுரம் சட்டமன்ற உறுப்பினருமான சி.வி.எம்.பி.எழிலரசன், வி.சி.க பொருளாளர் எஸ்.எஸ்.பாலாஜி, காஞ்சி நகர முன்னாள் செயலாளர் சி.வி.எம்.ஏ.சேகரன் மற்றும் ஆவடி மாநகர மேயர் கு.உதயக்குமார், தமிழ்நாடு வணிகர் சங்கங்களின் பேரமைப்புத் தலைவர் ஏ.எம்.விக்கிரமராஜா, ஆவடி மாநகர பொறுப்பாளர் சன்.பிரகாஷ், பகுதி செயலாளர்கள் கோ. ராஜேந்திரன், பொன், விஜயன், பேபி சேகர், நாராயண பிரசாத் உள்ளிட்ட கழக நிர்வாகி களும், மாமன்ற உறுப்பினர்களும், ஆவடி மாநகரத்தின் அனைத்துக் கட்சியின் முக்கிய தலை
வர்களும், ஆவடி மாநகர வணிகர் சங்க நிர்வாகி களும், பொதுமக்களும் பெருந்திரளாக வந்து மலரஞ்சலி செலுத்தியும், 23.07.2026 வியா ழக்கிழமை அன்று மாலை நடைபெற்ற இறுதி ஊர்வலத்தில் பங்கேற்றும் தங்களது இறுதி மரியாதையை செலுத்தினர்.