தூத்துக்குடி, ஜூலை 25–
தூத்துக்குடியில் விசாரணைக்காக அழைத்துச் சென்று, தனது மகனை அடித்து கொன்ற காவல்துறையினர் மீது, உரிய நடவடிக்கை எடுக்க வேண்டும் என குற்றவியல் நீதித்துறை நடுவரிடம், உயிரிழந்த அருணாச்சலத்தின் தாயார் புகார் மனு அளித்தார்.
தூத்துக்குடியைச் சேர்ந்த அருணாச்சலம் என்ற இளைஞரை விசாரணைக்காக அழைத்துச் சென்று போலீசார் அடித்து துன்புறுத்தியதில் அவர் பரிதாபமாக உயிரிழந்தார். இது குறித்த வாக்குமூலம் வீடியோ வெளியாகி பரபரப்பை ஏற்படுத்திய நிலையில், காவல்துறையினர் மீது உரிய நடவடிக்கை எடுக்கும் வரைஅருணாச்சலத்தின் உடலைவாங்க மாட்டோம்என உறவினர்கள் தெரிவித்திருந்தனர். இந்நிலையில் தூத்துக்குடி அரசு மருத்துவக் கல்லூரி மருத்துவமனை பிரேத பரிசோதனைகூட்டத்தில், சுமார் 2 மணி நேரத்திற்கு மேலாக நடைபெற்றஇளைஞர் அருணாச்சலத்தின் உடற்கூராய்வு நிறைவு பெற்று உடல் உறவினர்களிடம் ஒப்படைக்கப்பட்டது. அருணாச்சலத்தின் குடும்பத்தினரிடம் குற்றவியல் நீதித்துறை நடுவர் விசாரணை மேற்கொண்டார். அப்போது, உயிரிழந்த அருணாச்சலத்தின் தாயார் புகார் மனு அளித்தார். அதில் தனது மகன் அருணாச்சலத்தை கைது செய்து துன்புறுத்திய உதவி ஆய்வாளர் உள்ளிட்ட மூன்று காவலர்கள் மீது உரிய நடவடிக்கை எடுக்க வேண்டும் என வலியுறுத்தப்பட்டுள்ளது.
5 வாரத்தில் 4 காவல் மரங்கள்!
த.வெ.க. ஆட்சியில் கடந்த 5 வாரங்களில் 4 காவல்நிலைய மரணங்கள் அரங்கேறியுள்ளபோதும்,காவல்துறையை தனது கட்டுப்பாட்டில் வைத்துள்ள முதலமைச்சர் விஜய் இதுகுறித்து வாய்திறக்காதது ஏன் என்று பொதுமக்கள் கேள்வி எழுப்பியுள்ளனர்.
சட்டமன்றத் தேர்தலுக்கு முன்பு காவல்நிலைய மரணங்கள் குறித்து விஜய் பல விமர்சனங்களை எழுப்பிய நிலையில், அவர் தலைமையில் தமிழ்நாட்டில் ஆட்சி அமைந்தபிறகு, 5 வாரங்களில் 4 காவல்நிலைய மரணங்கள்அரங்கேறியுள்ளன.
கடந்தஜூன் 8-ம் தேதிசென்னையில் வெங்கடேசன் என்பவரும், ஜூலை 13-ம் தேதி நாகர்கோவிலில் சபரிவர்மன் என்பவரும் காவலர்கள் தாக்கியதில் மரணம் அடைந்தனர். அதனைத்தொடர்ந்து, ஜூலை மாதம் 15-ம் தேதி பாலாஜி, தற்போதுதூத்துக்குடி
அருணாச்சலம் என 4 காவல்நிலைய மரணங்கள் நிகழ்ந்து அதிர்ச்சியை ஏற்படுத்தியுள்ளது. இந்த காவல்நிலைய மரணங்கள் குறித்து, காவல்துறையை தனதுகையில் வைத்துள்ள முதலமைச்சர் விஜய் இதுவரை வாய்திறக்கவில்லை. விஜய்-யின் இந்த செயலுக்கு பல்வேறு தரப்பினரும் கடும் கண்டனங்களை தெரிவித்து வருகின்றனர்.