தென்காசி. ஜூலை 25 –
தென்காசி மாவட்ட ஆட்சியர் ரஞ்ஜீத் சிங்கிடம் செங்கல் சூளை தொடர்பாக 1300 குடும்பங்கள் தொழில் செய்து பிழைக்க
உரிமம் கோரி தென்காசி வடக்கு மாவட்ட செயலாளர், வாசுதேவநல்லூர் சட்டமன்ற உறுப்பினர் ஈ.ராஜா கோரிக்கை மனு அளித்தார்.
அந்த மனுவில் அவர் கூறியிருப்பதாவது.
தென்காசி மாவட்டம், வாசுதேவநல்லூர் சட்டமன்ற தொகுதி, சங்கரன்கோவில் வட்டம், பெரும்பத்தூர் கிராமம், கண்டிகைப்பேரி மற்றும் புன்னவனப்பேரி கிரா மத்தில் சுமார் 30 நாட்டுச்செங்கல் சூளைகள் நடந்து வருகிறது.
மேற்படி செங்கல் சூளை நடத்துவதற்கான உரிமம் 14.11.2022 வரை வழங்கப்பட்டுள்ளது. அதன்பின்பு முறையாக அனுமதி கேட்டும் இதுவரை வழங்கப்படவில்லை.
கண்டிகைப்பேரி மற்றும் புன்னவனப்பேரியில் நடந்துவரும் 30 நாட்டுச்செங்கல் சூளையில் அதன் சுற்றுவட்டாரத்தில் உள்ள கிராமத்தில் இருந்து சுமார் 1300 குடும்பங்கள் தொழில் செய்து,பிழைப்பு நடத்தி வருகிறார்கள்.மேற்படி அரசு விதித்துள்ள நிபந்தனை கள் எதுவும் மீறப்பட வில்லை. அங்குள்ள மக்களின் வாழ்வாதாரம் பாதிக்கப்படாத வண்ணம்,மேற்படி தொழில் தொடர்ந்து நடைபெற மின் இணைப்பு துண்டிப்பு நடவடிக்கையை நிறுத்தி வைக்கவும்,தொழில் தொடர்ந்து நடைபெற உரிமம் வழங்கவும் கேட்டுக் கொள்கிறேன்.
நவீன சுத்திகரிப்பு நிலையத்துடன்
சாயப்பட்டறைகள்!
சங்கரன்கோவில் நகராட்சி மற்றும் அதன் சுற்றியுள்ள 19 சாயப்பட்ட றைகள் மூடப் பட்டுள்ளன.இதனால் நெசவாளர்களின் வாழ்வாதாரமும், நெசவுத் தொழிலும் கடுமையாக பாதிக்கப்பட்டு உள்ளது.நமது பாரம்பரிய நெசவுத் தொழிலாளர்களின் வாழ்வாதாரம் முக்கியமானது.நெசவுத் தொழிலாளர்களின் வாழ்வாதாரத்தை பாதுகாக்க சாயப்பட்டறை உரிமையாளர்கள் சுத்திகரிப்பு நிலையம் வைக்க கால அவகாசம் வழங்கி உடனடியாக சாயப்பட்டறை இயக்க அனுமதிக்க வேண்டும்.இல்லையெனில் அரசே சுத்திகரிப்பு நிலையம் அமைத்து தர உரிய நடவடிக்கை எடுக்க வேண்டும்.
மேலும் சுற்றுச்சூழல் பாதுகாப்போடு நெசவாளர்களின் வேலைவாய்ப்பையும், வாழ்வாதாரத்தையும் மீட்டு தர மாவட்ட நிர்வாகம் உடனடியாக நடவடிக்கை எடுக்க வேண்டும்.
இவ்வாறு அவர் மனுவில் கூறியுள்ளார்.
மாவட்ட ஆட்சியரிடம் கோரிக்கை மனு வழங்கியபோது சங்கரன்கோவில் விசைத்தறி உரிமையாளர்கள் பி.எல். ஜெகநாதன், குப்பை யாண்டி முதலியார்,
சங்கரன்கோவில் நகர தி.மு.க. செயலாளர் மு.பிரகாஷ் உள்பட விசைத்தறி உரிமையாளர்கள் பலர் உடன் இருந்தனர்.