திருச்சி, ஜூலை 25 –
மூதாட்டியின் கால் கட்டை விரலை கடித்த எலி - மீண்டும் ஐசியூ வார்டில் சுற்றித்திரியும் அவலம் கேவலமான நிலையில் மருத்துவமனையின் நிர்வாகம், அவமானமின்றி செயல்படும் மருத்துவப் பணியாளர்கள்.
திருச்சி அரசு மருத்துவமனையில் சாதாரண வார்டு, ஐ.சி.யு. வார்டுகள் என அனைத்து இடங்களில் எலிகள் சுற்றித் திரிவதால் நோயாளிகள் அதிர்ச்சி அடைந்துள்ளனர்.
திருச்சி மாவட்டம் பொன்மலையை அடுத்த ஆலத்தூர் கிராமத்தை சேர்ந்தவர் தமிழ்கொடி. 60வயதான இவர், எலும்பு மூட்டு சிகிச்சைக்காக கடந்த வாரம் திருச்சி மகாத்மா காந்தி நினைவு அரசு தலைமை மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்நிலையில், மூதாட்டியின் கால் கட்டை விரலை எலி கடித்த சம்பவம் பரபரப்பைஏற்படுத்தியிருந்தது. பாதிக்கப்பட்ட மூதாட்டிக்கு, அவசர சிகிச்சை பிரிவில் சிகிச்சை அளிக்கப்பட்டு வருகிறது. இந்நிலையில், திருச்சி மகாத்மா காந்தி நினைவு அரசு தலைமை மருத்துவமனையில் உள்ள சாதாரண வார்டு, ஐ.சி.யு. வார்டுகளில் எலிகள் மீண்டும் சுற்றித் திரிவதால் நோயாளிகள் அதிர்ச்சி அடைந்துள் ளனர். மூதாட்டி அனுமதிக்கப்பட்டுள்ள ஐசியூ வார்டிலும் எலி மீண்டும் சர்வ சாதாரணமாக உலா வருவதால் அவரது உறவினர்கள் மற்றும் நோயாளிகள் அச்சமடைந்துள்ளனர்.