#Title

பொருளாதாரக் குழுமத் திட்டத்திலிருந்து விலகி நிற்கும் ஒன்றிய அரசிடம் ஈரோடு மாவட்ட வளர்ச்சி குறித்த கேள்விக்கு பதில் இல்லை! மக்களவையில் – கே.இ.பிரகாஷ் குற்றச்சாட்டு!

புதுடெல்லி, ஜூலை 25–

வாக்குறுதியளிக்கப்பட்ட பொருளாதாரக் குழுமத் திட்டத்திலிருந்து விலகி நிற்கும் ஒன்றிய அரசிடம் ஈரோட்டின் வளர்ச்சி குறித்த கேள்விகளுக்கு பதில் இல்லை என கே.இ.பிரகாஷ் குற்றச்சாட்டி யுள்ளார்.

ஈரோடு மக்களவை உறுப்பினர் கே. இ. பிரகாஷ், ஒன்றிய அரசின் பொருளாதாரக் குழும (Economic Cluster) மேம்பாட்டு முயற்சிகளின் கீழ் கோயம்புத்தூர்–ஈரோடு–திருப்பூர் நகரப் பொருளாதாரப் பிராந்தியத்தின் (CityEconomic Region – CER) தற்போதைய நிலை குறித்து ஒன்றிய குறு, சிறு மற்றும் நடுத்தரத் தொழில் நிறுவனங்கள் அமைச்சரிடம் விளக்கம் கோரினார்.

மேலும், அந்தப் பிராந்தியத்திற்காக பரிசீலனையில் உள்ள, ஒப்புதல் அளிக்கப்பட்ட, அனுமதிக்கப்பட்ட அல்லது நிதி ஒதுக்கப்பட்ட திட்டங்கள், பொதுத்–தனியார் கூட்டாண்மை (PPP) அடிப்படையிலான சீர்திருத்தம் மற்றும் முடிவுகள் சார்ந்த நிதியுதவி அமைப்பு, ஈரோடு தொழில்துறை மண்டலத்திற்காக முன்மொழியப்பட்ட தளவாட வசதிகள், தொழில்துறை இணைப்பு, சரக்கு போக்குவரத்து, ஏற்றுமதியை ஆதரிக்கும் பொருளாதார உள்கட்டமைப்பு மற்றும் நகர்ப்புற உள்கட்டமைப்பு திட்டங்கள் குறித்த விவரங்களையும் கேட்டுக்கொண்டார்.

அத்துடன், கோயம்புத்தூர், ஈரோடு மற்றும் திருப்பூரில் செயல்படும் ஜவுளி, பொறியியல், வேளாண் பதப்படுத்தல் மற்றும் குறு, சிறு மற்றும் நடுத்தரத் தொழில் (MSME) துறைகளின் போட்டித்திறனை மேம்படுத்தும் வகையில், நகரப் பொருளாதாரப் பிராந்திய (CER) திட்டத்தில் ஒருங்கிணைந்தஉள்கட்டமைப்பு வசதிகள் இடம்பெற்றுள்ளனவா என்பதையும், ஒப்புதல் பெற்ற திட்டங்கள் எப்போது நிறைவேற்றப்படும் மற்றும் முன்மொழியப்பட்ட நிதி மற்றும் உள்கட்டமைப்பு அமைப்புகள் எப்போது செயல்பாட்டுக்கு வரும் என்பதற்கான காலக்கெடுவையும் விளக்குமாறு கேட்டுக்கொண்டார்.

இதற்கு குறு, சிறு மற்றும் நடுத்தரத் தொழில் நிறுவனங்கள் அமைச்சகம் அளித்த பதில் பின்வருமாறு:

(அ) குறுமற்றும் சிறு தொழில் நிறுவனங்கள் – குழும மேம்பாட்டுத் திட்டம் (MSE–CDP) என்பது, குறு மற்றும் சிறு தொழில் நிறுவனங்களின் போட்டித்திறனை மேம்படுத்தும் நோக்கில் பொதுப் பயன்பாட்டு மையங்கள் (Common Facility Centres – CFCs) மற்றும் உள்கட்டமைப்பு மேம்பாட்டுத் திட்டங்களை உருவாக்கும் தேவையடிப்படை யிலான ஒன்றியத் திட்டம் என்று அமைச்சகம் தெரிவித்துள்ளது. இருப்பினும், இந்தத் திட்டத்தில் கோயம்புத்தூர்–ஈரோடு–திருப்பூர் நகரப் பொருளாதாரப் பிராந்தியம் (CER) தொடர்பாக தனிப்பட்ட எந்தவொரு கூறும் இடம்பெறவில்லைஎன்றும் விளக்கியுள்ளது.

(ஆ) MSE–CDP திட்டத்தில் பொதுத்–தனியார் கூட்டாண்மை (PPP) அடிப்படையிலான சீர்திருத்தம் மற்றும் முடிவுகள் சார்ந்த நிதியுதவி தொடர்பான எந்தவொரு ஏற்பாடும் இல்லை என்று அமைச்சகம் தெரிவித்துள்ளது.

தேனி கம்பம் நகராட்சி தூய்மைப் பணியாளர்களுக்கான அரசு சேவைகள் மற்றும் நலத்திட்ட உரிமைகள் சிறப்பு முகாம் கம்பம் நகர்மன்ற தலைவர் வனிதா நெப்போலியன் தலைமையில் நடைபெற்றது. - இதில் நகராட்சி ஆணையாளர் உமாசங்கர், மேலாளர் குமார், - சுகாதார அலுவலர் மணிகண்டன்,- உதவி பொறியாளர் சந்தோஷ்குமார், - நகரமைப்பு அலுவலர் கீதா மற்றும் தூய்மைப் பணியாளர்கள் கலந்துகொண்டனர்.