சென்னை, ஜூலை 25–

பழனி முரு­கன் கோவி­லுக்­குச் சொந்­த­மான ரூ.100 கோடி மதிப்­பி­லான நிலம், ரூ.2 கோடிக்கு முறை­கே­டாக விற்­றது தொடர்­பான செய்­தியை சமூக வலை­த­ளத்­தில் பகிர்ந்து கேள்வி எழுப்­பிய இளை­ஞர் வினோத் சூர்யா மீது அற­நி­லை­யத்­துறை அமைச்­சர் எஸ். ரமேஷ் அவர்­க­ளுக்கு எதி­ராய் அவ­தூறு பரப்­பி­னார் என பொய் வழக்கு பதிந்து கைது செய்­தி­ருந்­தது த.வெ.க. அரசு. இந்த வழக்­கில் நேற்று இளை­ஞர் வினோத் சூர்­யா­விற்கு நிபந்­தனை ஜாமீன் வழங்கி சென்னை முதன்மை அமர்வு நீதி­மன்­றம் அதி­ரடி உத்­த­ரவு பிறப்­பித்துள்­ளது.

ஜாமீன் வழங்­கக் கூடாது என அர­சுத் தரப்­பில் கடும் எதிர்ப்பு தெரி­விக்­கப்­பட்­ட­தை­யும், அவ­ரைக் காவ­லில் எடுத்து விசா­ரிக்க வேண்­டும் என்று வலி­யு­றுத்­தி­ய­தை­யும் மாண்­பமை நீதி­ மன்­றம் நிரா­க­ரித்­து­ விட்­டது.

மேலும் மாண்­பமை நீதி­ய­ர­சர் தனது உத்­த­ர­வில் “பத்­தி­ரி­கைத் துறை­யா­னது ஜன­நா­ய­கத்­தின் 4-வது தூணா­கத் திகழ்­கி­றது. இந்­திய அர­சி­ய­ல­மைப்­புச் சட்­டம் பிரிவு 19(1)(a)-ன் கீழ் உத்­த­ர­வா­தம் அளிக்­கப்­பட்ட பேச்சு மற்­றும் கருத்து சுதந்­திர உரி­மை­யின் அடிப்­ப­டை­யி­லேயே செய்­தி­கள் வெளி­யி­டப்­பட்­டுள்­ளன. ஜன­நா­ய­கத்­தில் மாற்­றுக் கருத்­து­கள் மதிக்­கப்­படவேண்­டும். வெறு­மனே அர­சையோ அல்­லது அமைச்­சர்­க­ளையோ விமர்­சிப்­பது மட்­டுமே அர­சுக்கு எதி­ரா­க­வும் அல்­லது பொது அமை­திக்­குக் குந்­த­கம் விளை­விக்­கும் வகை­யி­லும் செய்­யப்­பட்ட குற்­ற­ மா­காது” என தெளி­வா­கக் குறிப்­பிட்­டது.

த.வெ.க. அர­சின் ஜன­நா­யக விரோத போக்­கினை கண்­டிப்­ப­தாக அமைந்­துள்­ளது.

மேலும் வினோத் சூர்­யா­வின் பதிவு சமூக மோதலை தூண்­டு­வ­தாக உள்­ளது என காவல்­து­றை­யால் பதி­யப்­பட்ட பிரி­வு­கள் பொருந்­தாது என உத்­த­ர­விட்­டுள்­ளது. மேலும் இது காவல்­து­றை­யால் நேர­டி­யாக கைது செய்ய முடி­யாத குற்­ற­ மா­கும் என குறிப்­பிட்டு நிபந்­தனை ஜாமீன் வழங்­கி­யது மூலம் அரசை விமர்­சிப் பவர்­களை ஆண­வப் போக்­கோடு கைது செய்­யும் த.வெ.க. அர­சிற்கு குட்டு வைத்­துள்­ளது நீதி­மன்­றம்.