புதுடெல்லி, ஜூலை 25 –
பெட்ரோலியம் மற்றும் இயற்கை எரிவாயுத் துறை அமைச்சர் பின் வரும் கேள்விகளுக்கு விடைய ளிப்பாரா என மக்களவையில் பொள்ளாச்சி நாடாளுமன்ற உறுப் பினர் கே.ஈஸ்வரசாமி கேட்டுக் கொண்டுள்ளார்.
அவர் எழுப்பியுள்ள கேள்வி வருமாறு:
மேற்கு ஆசியாவில் நடைபெற்று வரும் மோதலால், நாட்டின் திரவ மாக்கப்பட்ட பெட்ரோலிய எரிவாயு (LPG) இறக்குமதியில்-அதாவது கப்பல் போக்குவரத்துப் பாதைகளில் ஏற்படும் இடையூறுகள், சரக்குக் கட்டணங்கள் மற்றும் விநியோகச் சங்கிலிகள் ஆகியவற்றில் ஏற்பட்டுள்ள தாக்கத்தை அரசு மதிப்பீடு செய்துள்ளதா?, ஆம் எனில் அதன் விவரங்கள் என்ன?
பிரதான் மந்திரி உஜ்வாலா யோஜனா (PMUY) திட்டத்தின் கீழ் வழங்கப்படும் மானிய விலையிலான எல்பிஜி சிலிண்டர்களின் எண்ணிக்கையை அரசு குறைந் துள்ளதா? ஆம் எனில் அதற்கான காரணங்கள் மற்றும் நியாயங்கள் என்ன?
இந்த மோதலால் சர்வதேச எல்பிஜி விலைகள், சரக்குக் கட்டணங்கள் மற்றும் காப்பீட்டுச் செலவுகள் எந்த அளவிற்கு அதிகரித்துள்ளன மற்றும் உள்நாட்டு எல்பிஜி விலைகளில் இது ஏற்படுத்தக்கூடிய தாக்கம் என்ன?
நாடு முழுவதும் எல்பிஜி தடையின்றி கிடைப்பதை உறுதிசெய்ய, அதாவது மூலோபாய இருப்புக்களைப் பராமரித்தல், இறக்குமதி மூலங்களை பல்வகைப்படுத்துதல் மற்றும் விநியோகக் கட்டமைப்பை வலுப்படுத்துதல் உள்ளிட்ட அரசு எடுத்துள்ள அல்லது முன்மொழிந் துள்ள நடவடிக்கைகள் என்ன?
சுற்றுலாத் துறை அமைச்சர் பின்வருவனவற்றைத் தெரிவிப்பாரா?
தமிழ்நாட்டின் பொள்ளாச்சி- சேத்துமடைபகுதி மற்றும் உத்தரப்பிரதேசத்தின் (குறிப்பாக புந்தேல்கண்ட் பகுதி) இயற்கை விவசாயம் சார்ந்த மற்றும் வேளாண் சுற்றுச்சூழல் சுற்றுலா (agro-eco tourism) ஆகியவற்றின் சாத்தியக்கூறுகள் குறித்து அரசு ஏதேனும் ஆய்வு அல்லது மதிப்பீட்டை நடத்தியுள்ளதா அல்லது முன்மொழிந்துள்ளதா?
இத்தகைய முயற்சி களுக்கு ‘சுதேஷ் தர்ஷன் 2.0’ (Swadesh Darshan 2.0), ‘தேகோ அப்னா தேஷ்’ (Dekho Apna Desh), கிராமப்புற சுற்றுலா முயற்சிகள் அல்லது பிற மத்தியத் துறைத் திட்டங்களின் கீழ் ஆதரவளிக்க முன்மொழி யப்பட்டுள்ளதா?, அவ்வாறெனில், அதுகுறித்த விவரங்கள் என்ன?
உள்கட்டமைப்பு, சாலை ஓர வசதிகள், விளக்க மையங்கள், டிஜிட்டல் விளம்பரம் மற்றும் சந்தைப்படுத்தல் ஆதரவு உள்ளிட்ட, குறிப்பிட்ட பகுதிகளில் இயற்கை விவசாயம் சார்ந்த சுற்றுலாச் சுற்றுகளை (tourism circuits) மேம்படுத்துவதற்கு அரசு நிதி ஒதுக்கியுள்ளதா அல்லது ஒதுக்க முன்மொ ழிந்துள்ளதா?
குறிப்பிட்ட பகுதிகளில் நிலையான வேளாண்-சுற்றுச்சூழல் அமைப்புக்களை (agro-tourism ecosystems) மேம்படுத்துவதில் விவசாயிகள், சுயஉதவிக் குழுக்கள் மற்றும் உள்ளூர் இளைஞர்களுக்கு ஆதரவளிக்க முன்மொழி யப்பட்டுள்ள பயிற்சி திறன் மேம்பாடு, நிதி ஊக்கத் தொகைகள் அல்லது பொது தனியார் கூட்டாண்மை மாதிரிகள் குறித்த விவரங்கள் என்ன?
உள்துறை அமைச்சர் பின்வரு வனவற்றைத் தெரிவிப்பாரா?
கடந்த ஐந்து ஆண்டுகளில் பதிவு செய்யப்பட்ட இணையவழி குற்ற வழக்குகள், அத்துடன் அக்காலகட்டத்தில் நிகழ்ந்த இணையவழி மோசடிகள் மற்றும் இணையவழி சுரண்டல் சம்பவங்களின் விவரங்கள் (மாநிலம் மற்றும் ஆண்டு வாரியாக),
இணையவழி மோசடிகளால் குடிமக்கள் சந்தித்ததாக மதிப்பிடப்பட்ட நிதி இழப்புகள், மீட்கப்பட்ட அல்லது முடக்கப்பட்ட தொகை மற்றும் தீர்வு காணப்பட்ட புகார்களின் எண்ணிக்கை (மாநிலம் மற்றும் ஆண்டு வாரியாக),
திறன் மேம்பாடு, சிறப்பு இணையவழி காவல் நிலை யங்கள், தடயவியல் ஆய்வகங்கள், புலனாய்வு அமைப்புகளுக்குப் பயிற்சி அளித்தல் மற்றும் மத்திய-மாநில அரசுகளுக்கு இடையிலான ஒருங்கிணைப்பு ஆகியவற்றின் மூலம் இணையவழி குற்றங்கள் தொடர்பான புலனாய்வை வலுப்படுத்த அரசாங்கம் எடுத்துள்ள நடவடிக்கைகள்,
பயனுள்ள கொள்கை உருவாக்கம் மற்றும் சட்ட அமலாக்கத்திற்காக, தேசிய இணையவழி குற்றத் தரவுகளின் காலத்திற்கேற்ற தன்மை மற்றும் கிடைக்கும் தன்மை குறித்து அரசாங்கம் ஆய்வு செய்துள்ளதா?, அவ்வாறெனில், நிகழ்நேர (real-time) அடிப்படையில் தகவல்களைப் பதிவு செய்தல் மற்றும் கண்காணிப்பதை மேம்படுத்த எடுக்கப்பட்ட நடவடிக்கைகள் உள்ளிட்ட அதன் விவரங்கள் என்ன? என அவர் கேள்வி எழுப்பியுள்ளார்.
புதுக்கோட்டை மாவட்டம் புதுக்கோட்டை சட்டமன்ற தொகுதிக்குட்பட்ட புதிய பேருந்து நிலையம் பணி நடைபெறுவதை சட்டமன்ற உறுப்பினர் டாக்டர் வை. முத்துராஜா நேரில் சென்று தரைத்தளம், கழிப்பறை வசதி, ஓய்வு அறை, கடைகளில் அமைப்பு, பேருந்து நிலையத்தின் முதல் தளம், ஆய்வு மேற்கொண்டு, பொதுமக்கள் மிகவும் சிரமத்திற்குளாவதை கருத்தில் கொண்டு வடகிழக்கு பருவ மழை துவங்குவதற்கு முன் பணியினை விரைந்து முடிக்குமாறு கேட்டுக்கொண்டார். ஆய்வுப் பணியில் மேயர் திலகவதி செந்தில், துணை மேயர் லியாகத் அலி , மாநகராட்சி துணைப் பொறியாளர் கலியகுமார் ஒப்பந்த பணி மேற்பார்வையாளர் மணிவேல் மற்றும் மாமன்ற உறுப்பினர்கள் கழக நிர்வாகிகள், பொதுமக்கள் உள்ளனர்.
வால்பாறை அரசு தலைமை மருத்துவமனையில் ஆய்வு கூட்டம் வால்பாறை சட்டமன்ற உறுப்பினர், நகர கழக செயலாளர் குட்டி (எ) ஆ.சுதாகர் தலைமையில், நகராட்சி தலைவர் அழகு சுந்தரவல்லி, பொள்ளாச்சி சார் ஆட்சியர், மாவட்ட மருத்துவ இணை இயக்குனர் ஆகியோர் முன்னிலையில் நடைபெற்றது. இதில் நகர்மன்ற உறுப்பினர்கள், அரசு அதிகாரிகள், கழக நிர்வாகிகள் பலர் கலந்து கொண்டனர்.