நீட் தேர்விற்கு எதிராக இளைஞர்கள் தங்கள் எதிர்ப்பை தெரிவித்து ஆர்ப்பாட்டம் நடத்த தமிழ்நாடு அரசு அனுமதி வழங்காத நிலையில், கோவை மாவட்ட தி.மு.கழக அலுவலகத்தில் இளைஞர்களின் போராட்டம் தொடங்கியது. இதில் கோவை மாநகர் மாவட்டப் பொறுப்பாளர் துரை. செந்தமிழ்ச்செல்வன், மாணவர் கூட்டமைப்பின் ஒருங்கிணைப்பாளர்கள் ஸ்ரீநிதி, விக்டர், ருசுல், தாகா, பிரகாஷ், நூர்மா மற்றும் பல்வேறு இளைஞர்கள்
கலந்து கொண்டனர்.
நாமக்கல், ஜூலை 25 –
டெல்லியில் நடைபெற்ற மாநிலங்களவை கூட்டத்தொடரில் நாமக்கல் கிழக்கு மாவட்ட கழக செயலாளர் மாநிலங்களவை உறுப்பினரும் நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் கலந்து கொண்டார். அப்போது அவர் அருங்காட்சியகங்கள் மற்றும் ஆவணக் காப்பகங்கள் டிஜிட்டல் மயமாக்கப்படுகிறதா? கையெழுத்துப் பிரதிகள் மற்றும் தேசிய ஆவணக் காப்பகங்களை டிஜிட்டல் மயமாக்குவது தொடர்பாக என்ன நடவடிக்கைகள் மேற்கொள்ளப்பட்டுள்ளன? என கேள்வி எழுப்பியுள்ளார்
இதற்கு பதில் அளித்து பேசிய கலாச்சாரம் மற்றும் சுற்றுலாத்துறை அமைச்சர் ஸ்ரீ கஜேந்திர சிங் ஷேகாவத், சி-டாக் (புனே) தொழில்நுட்ப ஒத்துழைப்புடன் உருவாக்கப்பட்ட JATAN மென்பொருள் மூலம் மத்திய பண்பாட்டு அமைச்சகம் அருங்காட்சியகப் பொருட்கள் மற்றும் ஆவணக் காப்பகங்களை டிஜிட்டல் மயமாக்கி வருகிறது. Museums of Indiaஇணையதளத்தில் 8 தேசிய அருங்காட்சியகங்கள், 2 தொல்லியல் துறை அருங்காட்சியகங்கள் மற்றும் புனே டாக்டர் பாபாசாகேப் அம்பேத்கர் அருங்காட்சியகத்தின் டிஜிட்டல் தொகுப்புகள் இடம்பெற்றுள்ளன.
15.07.2026 நிலவரப்படி, மொத்தம் 4,88,983 அருங்காட்சியகப் பொருட்களில் 3,75,707 பொருட்கள் டிஜிட்டல் மயமாக்கப்பட்டு இணையத்தில் பொதுமக்கள் பார்வைக்காக பதிவேற்றப்பட்டுள்ளன. மேலும், அருங்காட்சியக மானியத் திட்டத்தின் கீழ் கடந்த மூன்று நிதியாண்டுகளில் டிஜிட்டல் மயமாக்கலுக்காக ரூ.25 லட்சம் நிதியுதவி வழங்கப்பட்டுள்ளது.
இந்தியாவின் கையெழுத்துப் பாரம்பரியத்தைப் பாதுகாத்து, நாகரிக அறிவு மரபை அடுத்த தலைமுறைக்கு கொண்டு செல்லும் நோக்கில் மத்திய பண்பாட்டு அமைச்சகம் ஞான் பாரதம் (Gyan Bharatam Mission) திட்டத்தை செயல்படுத்தி வருகிறது. இதன் கீழ் தற்போது 3.5 லட்சத்திற்கும் மேற்பட்ட டிஜிட்டல் கையெழுத்துப் பிரதிகள் பொதுமக்கள் பார்வைக்காக இணையத்தில் கிடைக்கின்றன.
மேலும், தேசிய ஆவணக் காப்பகம் (National Archives of India) மதிப்புமிக்க ஆவணப் பாரம்பரியத்தைப் பாதுகாக்கும் நோக்கில் 30 கோடி பக்கங்களை டிஜிட்டல் மயமாக்கவும், 4.5 கோடி பக்கங்களை பாதுகாக்கவும் நடவடிக்கை மேற்கொண்டு வருகிறது. 21.07.2026 நிலவ ரப்படி சுமார் 17.67கோடிடிஜிட்டல் படங்கள் உருவாக்கப்பட்டுள்ளன.
பொதுமக்கள், ஆய்வாளர்கள் மற்றும் ஆராய்ச்சியாளர்கள் உலகின் எந்தப் பகுதியிலிருந்தும் இந்தியாவின் ஆவணப் பாரம்பரியத்தை அணுகும் வகையில், டிஜிட்டல் ஆவ ணங்கள் ‘Abhilekh Patal’ இணையதளத்தில் பதிவேற்றப்பட்டு, டிஜிட்டல் களஞ்சியங்கள் மற்றும் தேடக்கூடிய தரவுத்தளங்கள் மூலம் அணுகல் மேலும் மேம்படுத்தப்பட்டுள்ளதாகதெரிவித்தார்