#Title

இந்திய பாரம்பரியம் டிஜிட்டல் பாதுகாப்பிலா? ஆவணக் காப்பகங்கள் முழுமையாக டிஜிட்டல் மயமாகுமா? டிஜிட்டல் மயமாக்கல் பணிகள் எந்த நிலையில் உள்ளன? மாநிலங்களவையில் - கே.ஆர்.என்.இராஜேஸ்குமார் கேள்வி! மேற்கு ஆசிய மோதலால் எல்.பி.ஜி. (LPG) விநியோகம் – விலையில் ஏற்படும் தாக்கம் என்ன? மக்களவையில் - கே.ஈஸ்வரசாமி கேள்வி!

நாமக்கல், ஜூலை 25 –

டெல்லியில் நடைபெற்ற மாநிலங்களவை கூட்டத்தொடரில் நாமக்கல் கிழக்கு மாவட்ட கழக செயலாளர் மாநிலங்களவை உறுப்பினரும் நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என்.இராஜேஸ்குமார் கலந்து கொண்டார். அப்போது அவர் அருங்காட்சியகங்கள் மற்றும் ஆவணக் காப்பகங்கள் டிஜிட்டல் மயமாக்கப்படுகிறதா? கையெழுத்துப் பிரதிகள் மற்றும் தேசிய ஆவணக் காப்பகங்களை டிஜிட்டல்மயமாக்குவது தொடர்பாக என்ன நடவடிக்கைகள் மேற்கொள்ளப்பட்டுள்ளன? என கேள்வி எழுப்பியுள்ளார்

இதற்கு பதில் அளித்து பேசிய கலாச்சாரம் மற்றும் சுற்றுலாத்துறை அமைச்சர் ஸ்ரீ கஜேந்திர சிங் ஷேகாவத், சி-டாக் (புனே) தொழில்நுட்ப ஒத்துழைப்புடன் உருவாக்கப்பட்ட JATAN மென்பொருள் மூலம் மத்திய பண்பாட்டு அமைச்சகம் அருங்காட்சியகப் பொருட்கள் மற்றும் ஆவணக் காப்பகங்களை டிஜிட்டல் மயமாக்கி வருகிறது. Museums of India இணையதளத்தில் 8 தேசிய அருங்காட்சியகங்கள், 2 தொல்லியல் துறை அருங்காட்சியகங்கள் மற்றும் புனே டாக்டர் பாபாசாகேப் அம்பேத்கர் அருங்காட்சியகத்தின் டிஜிட்டல் தொகுப்புகள் இடம்பெற்றுள்ளன.

15.07.2026 நிலவரப்படி, மொத்தம் 4,88,983 அருங்காட்சியகப் பொருட்களில் 3,75,707 பொருட்கள் டிஜிட்டல் மயமாக்கப்பட்டு இணையத்தில் பொதுமக்கள் பார்வைக்காக பதிவேற்றப்பட்டுள்ளன. மேலும், அருங்காட்சியக மானியத் திட்டத்தின் கீழ் கடந்த மூன்று நிதியாண்டுகளில் டிஜிட்டல் மயமாக்கலுக்காக ரூ.25 லட்சம் நிதியுதவி வழங்கப்பட்டுள்ளது.

இந்தியாவின் கையெழுத்துப் பாரம்பரியத்தைப் பாதுகாத்து, நாகரிக அறிவு மரபை அடுத்த தலைமுறைக்கு கொண்டு செல்லும் நோக்கில் மத்திய பண்பாட்டு அமைச்சகம் ஞான் பாரதம் (Gyan Bharatam Mission) திட்டத்தை செயல்படுத்தி வருகிறது. இதன் கீழ் தற்போது 3.5 லட்சத்திற்கும் மேற்பட்ட டிஜிட்டல் கையெழுத்துப் பிரதிகள் பொதுமக்கள் பார்வைக்காக இணையத்தில் கிடைக்கின்றன.

மேலும், தேசிய ஆவணக் காப்பகம் (National Archives of India) மதிப்புமிக்க ஆவணப் பாரம்பரியத்தைப் பாதுகாக்கும் நோக்கில் 30 கோடி பக்கங்களை டிஜிட்டல் மயமாக்கவும், 4.5 கோடி பக்கங்களை பாதுகாக்கவும் நடவடிக்கை மேற்கொண்டு வருகிறது. 21.07.2026 நிலவ ரப்படி சுமார் 17.67 கோடி டிஜிட்டல் படங்கள் உருவாக்கப்பட்டுள்ளன.

பொதுமக்கள், ஆய்வாளர்கள் மற்றும் ஆராய்ச்சியாளர்கள் உலகின் எந்தப் பகுதியிலிருந்தும் இந்தியாவின் ஆவணப் பாரம்பரியத்தை அணுகும் வகையில், டிஜிட்டல் ஆவ ணங்கள் ‘Abhilekh Patal’ இணையதளத்தில் பதிவேற்றப்பட்டு, டிஜிட்டல் களஞ்சியங்கள் மற்றும் தேடக்கூடியதரவுத்தளங்கள் மூலம் அணுகல் மேலும் மேம்படுத்தப்பட்டுள்ளதாக தெரிவித்தார்.

புதுடெல்லி, ஜூலை 25 –

பெட்ரோலியம் மற்றும் இயற்கை எரிவாயுத் துறை அமைச்சர் பின் வரும் கேள்விகளுக்கு விடைய ளிப்பாரா என மக்களவையில் பொள்ளாச்சி நாடாளுமன்ற உறுப் பினர் கே.ஈஸ்வரசாமி கேட்டுக் கொண்டுள்ளார்.

அவர் எழுப்பியுள்ள கேள்வி வருமாறு:

மேற்கு ஆசியாவில் நடைபெற்று வரும் மோதலால், நாட்டின் திரவ மாக்கப்பட்ட பெட்ரோலிய எரிவாயு (LPG) இறக்குமதியில்-அதாவது கப்பல் போக்குவரத்துப் பாதைகளில் ஏற்படும் இடையூறுகள், சரக்குக் கட்டணங்கள் மற்றும் விநியோகச் சங்கிலிகள் ஆகியவற்றில் ஏற்பட்டுள்ள தாக்கத்தை அரசு மதிப்பீடு செய்துள்ளதா?, ஆம் எனில் அதன் விவரங்கள் என்ன?

பிரதான் மந்திரி உஜ்வாலா யோஜனா (PMUY) திட்டத்தின் கீழ் வழங்கப்படும் மானிய விலையிலான எல்பிஜி சிலிண்டர்களின் எண்ணிக்கையை அரசு குறைந் துள்ளதா? ஆம் எனில் அதற்கான காரணங்கள் மற்றும் நியாயங்கள் என்ன?

இந்த மோதலால் சர்வதேச எல்பிஜி விலைகள், சரக்குக் கட்டணங்கள் மற்றும் காப்பீட்டுச் செலவுகள் எந்த அளவிற்கு அதிகரித்துள்ளன மற்றும் உள்நாட்டு எல்பிஜி விலைகளில் இது ஏற்படுத்தக்கூடிய தாக்கம் என்ன?

நாடு முழுவதும் எல்பிஜி தடையின்றி கிடைப்பதை உறுதிசெய்ய, அதாவது மூலோபாய இருப்புக்களைப் பராமரித்தல், இறக்குமதி மூலங்களை பல்வகைப்படுத்துதல் மற்றும் விநியோகக் கட்டமைப்பை வலுப்படுத்துதல் உள்ளிட்ட அரசு எடுத்துள்ள அல்லது முன்மொழிந் துள்ள நடவடிக்கைகள் என்ன?

சுற்றுலாத் துறை அமைச்சர் பின்வருவனவற்றைத் தெரிவிப்பாரா?

தமிழ்நாட்டின் பொள்ளாச்சி- சேத்துமடை பகுதி மற்றும் உத்தரப்பிரதேசத்தின் (குறிப்பாக புந்தேல்கண்ட் பகுதி) இயற்கை விவசாயம் சார்ந்த மற்றும் வேளாண் சுற்றுச்சூழல் சுற்றுலா (agro-eco tourism) ஆகியவற்றின் சாத்தியக்கூறுகள் குறித்து அரசு ஏதேனும் ஆய்வு அல்லது மதிப்பீட்டை நடத்தியுள்ளதா அல்லது முன்மொழிந்துள்ளதா?

இத்தகைய முயற்சி களுக்கு ‘சுதேஷ் தர்ஷன் 2.0’ (Swadesh Darshan 2.0), ‘தேகோ அப்னா தேஷ்’ (Dekho Apna Desh), கிராமப்புற சுற்றுலா முயற்சிகள் அல்லது பிற மத்தியத் துறைத் திட்டங்களின் கீழ் ஆதரவளிக்க முன்மொழி யப்பட்டுள்ளதா?, அவ்வாறெனில், அதுகுறித்த விவரங்கள் என்ன?

உள்கட்டமைப்பு, சாலை ஓர aவசதிகள், விளக்க மையங்கள், டிஜிட்டல் விளம்பரம் மற்றும் சந்தைப்படுத்தல் ஆதரவு உள்ளிட்ட, குறிப்பிட்ட பகுதிகளில் இயற்கை விவசாயம்சார்ந்த சுற்றுலாச் சுற்றுகளை (tourism circuits) மேம்படுத்துவதற்கு அரசு நிதி ஒதுக்கியுள்ளதா அல்லது ஒதுக்க முன்மொ ழிந்துள்ளதா?

குறிப்பிட்ட பகுதிகளில் நிலையான வேளாண்-சுற்றுச்சூழல் அமைப்புக்களை (agro-tourism ecosystems) மேம்படுத்துவதில் விவசாயிகள், சுயஉதவிக் குழுக்கள் மற்றும் உள்ளூர் இளைஞர்களுக்கு ஆதரவளிக்க முன்மொழி யப்பட்டுள்ள பயிற்சி திறன் மேம்பாடு, நிதி ஊக்கத் தொகைகள் அல்லது பொது தனியார் கூட்டாண்மை மாதிரிகள் குறித்த விவரங்கள் என்ன?

உள்துறை அமைச்சர் பின்வரு வனவற்றைத் தெரிவிப்பாரா?

கடந்த ஐந்து ஆண்டுகளில் பதிவு செய்யப்பட்ட இணையவழி குற்ற வழக்குகள், அத்துடன் அக்காலகட்டத்தில் நிகழ்ந்த இணையவழி மோசடிகள் மற்றும் இணையவழி சுரண்டல் சம்பவங்களின் விவரங்கள் (மாநிலம் மற்றும் ஆண்டு வாரியாக),

இணையவழி மோசடிகளால் குடிமக்கள் சந்தித்ததாக மதிப்பிடப்பட்ட நிதி இழப்புகள், மீட்கப்பட்ட அல்லது முடக்கப்பட்ட தொகை மற்றும் தீர்வு காணப்பட்ட புகார்களின் எண்ணிக்கை (மாநிலம் மற்றும் ஆண்டு வாரியாக),

திறன் மேம்பாடு, சிறப்பு இணையவழி காவல் நிலை யங்கள், தடயவியல்ஆய்வகங்கள், புலனாய்வு அமைப்புகளுக்குப் பயிற்சி அளித்தல் மற்றும் மத்திய-மாநில அரசுகளுக்கு இடையிலான ஒருங்கிணைப்பு ஆகியவற்றின் மூலம் இணையவழி குற்றங்கள் தொடர்பான புலனாய்வை வலுப்படுத்த அரசாங்கம் எடுத்துள்ள நடவடிக்கைகள்,

பயனுள்ள கொள்கை உருவாக்கம் மற்றும் சட்ட அமலாக்கத்திற்காக, தேசிய இணையவழி குற்றத் தரவுகளின் காலத்திற்கேற்ற தன்மைமற்றும் கிடைக்கும் தன்மை குறித்து அரசாங்கம் ஆய்வு செய்துள்ளதா?, அவ்வாறெனில், நிகழ்நேர (real-time) அடிப்படையில் தகவல்களைப் பதிவு செய்தல் மற்றும் கண்காணிப்பதை மேம்படுத்த எடுக்கப்பட்ட நடவடிக்கைகள் உள்ளிட்ட அதன் விவரங்கள் என்ன? என அவர் கேள்வி எழுப்பியுள்ளார்.