புது­டெல்லி, ஜூலை 25–

எத்­த­னால் கலந்த பெட்­ரோ­லால், வாக­னங்­கள் மற்­றும் நுகர்­வோ­ருக்கு ஏற்­ப­டும் பாதிப்பை சரி­செய்ய ஒன்­றிய அரசு எடுத்­துள்ள நட­வ­டிக்­கை­கள் என்ன என்­றும் எத்­த­னால் கலப்பு அளவை விரி­வு­ப­டுத்­து­வ­தற்கு முன்பு, வாகன உற்­பத்­தி­யா­ளர்­கள், எரி­பொ­ருள் விற்­ப­னை­யா­ளர்­கள், நுகர்­வோர் அமைப்­பு­க­ளு­டன் ஆலோ­சனை நடத்­தப்­பட்­டதா? என்­றும் ஒன்­றிய பெட்­ரோ­லி­யம் மற்­றும் இயற்கை எரி­வா­யுத்­துறை அமைச்­சர் திரு. ஹர்­தீப் சிங் பூரி அவர்­க­ளி­டம் கழக நாடா­ளு­மன்­றக் குழுத் துணைத் தலை­வ­ரும் மத்­திய சென்னை நாடா­ளு­மன்ற உறுப்­பி­ன­ரு­மான தயா­நிதி மாறன் பல கேள்­வி­களை எழுப்­பி­யுள்­ளார்.

அதன் விவ­ரங்­கள் வரு­மாறு:-

E20 உட்­பட எத்­த­னால் கலந்த பெட்­ரோ­லின் பயன்­பாட்டை ஒன்­றிய அரசு கட்­டா­ய­மாக்கி அதனை படிப்­ப­டி­யாக அதி­க­ரித்து வரு­கி­றதா? அவ்­வா­றெ­னில், அதன் விவ­ரங்­கள் என்ன? மேலும் E30 அல்­லது E85 போன்ற அதிக எத்­த­னால் கலப்பு கொண்ட பெட்­ரோலை அறி­மு­கப்­ப­டுத்­தும் திட்­ட­மி­ருந்­தால் அதன் விவ­ரங்­கள் என்ன? தற்­போது பரிந்­து­ரைக்­கப்­பட்­டுள்ள எத்­த­னால் கலப்பு சத­வீ­தம் மற்­றும் கடந்த மூன்று ஆண்­டு­க­ளில் ஆண்­டு­வா­ரி­யாக எட்­டப்­பட்ட சரா­சரி எத்­த­னால் கலப்பு சத­வீ­தம் என்ன?

எத்­த­னால் கலந்த பெட்­ரோ­லி­னால்வாகன செயல் திறன் மற்­றும் இயந்­தி­ரங்­க­ளின் நீடித்த தன்மை ஆகி­ய­வற்­றில் ஏற்­ப­டும் பாதிப்பு குறித்து, குறிப்­பாகE20-க்கு முந்­தைய மற்­றும் E20-உடன் பொருந்­தாத பிற வாக­னங்­க­ளில், தொழில்­நுட்ப ரீதி­யான ஆய்வு மேற்­கொள்­ளப்­பட்­டதா? ஆய்வு நடந்­தி­ருந்­தால் அதன் விவ­ரங்­கள் என்ன?

எத்­த­னால் கலந்த பெட்­ரோ­லின் பயன்­பாட்­டி­னால் என்­ஜின் சேதம் அல்­லது பிற இயந்­தி­ரக் கோளா­று­கள் ஏற்­பட்­ட­தாக அர­சுக்கு ஏதே­னும் புகார்­கள் வந்­துள்­ள­னவா?அவ்­வா­றெ­னில் மாநில வாரி­யாக பெறப்­பட்ட புகார்­கள், அவற்­றின் மீது எடுக்­கப்­பட்ட நட­வ­டிக்­கை­கள் என்ன?

எத்­த­னால் கலப்பு அளவை விரி­வு­ப­டுத்­து­வ­தற்கு முன்பு, வாகன உற்­பத்­தி­யா­ளர்­கள், எண்­ணெய் சந்­தைப்­ப­டுத்­தும் நிறு­வ­னங்­கள் (OMCs), எரி­பொ­ருள் விற்­ப­னை­யா­ளர்­கள், நுகர்­வோர் அமைப்­பு­கள் மற்­றும் மாநி­ல­அ­ர­சு­க­ளு­டன் வாக­னப் பொருந்­தக்­கூ­டிய தன்மை, எரி­பொ­ருள் தர­நிலை மற்­றும் நுகர்­வோர் விழிப்­பு­ணர்வு தொடர்­பாக அரசு ஆலோ­ச­னை­கள் நடத்தி, வழி­காட்­டு­தல்­களை வழங்­கி­யி­ருந்­தால் அதன் விவ­ரங்­கள் என்ன?

- எத்­த­னால் கலந்த பெட்­ரோ­லுக்­கான தர­நி­லை­கள், தரக்­கட்­டுப்­பாட்டு ஆய்­வு­கள், நுகர்­வோ­ருக்­கான வழி­காட்­டு­தல்­கள், வாக­னப் பொருந்­தக்­கூ­டிய தன்மை, பரா­ம­ரிப்பு மற்­றும் உத்­த­ர­வா­தம் தொடர்­பான விதி­மு­றை­கள் குறித்து அரசு ஏதே­னும் வழி­காட்­டு­தல்­களை வெளி­யிட்­டுள்­ளதா? மேலும் எரி­பொ­ருள் சேர்க்­கை­கள் அல்­லது செயல்­தி­றன் மேம்­ப­டுத்­தி­க­ளைப் பயன்­ப­டுத்த அனு­ம­தித்­தி­ருந்­தால் அதன் விவ­ரங்­கள் என்ன?

- எத்­த­னால் கலப்பு விரி­வாக்­கத்­தால் வாகன உரி­மை­யா­ளர்­கள் பாதிக்­கப்­ப­டா­மல் இருப்­பதை உறுதி செய்ய, பழைய வாக­னங்­க­ளுக்­காக E10 மற்­றும் E20 ஆகிய இரு­வகை பெட்­ரோல்­க­ளை­யும் தொடர்ந்து கிடைக்­கச் செய்­தல், எரி­பொ­ருள் தரத்தை உறுதி செய்­தல், வாக­னப் பொருந்­தக்­கூ­டிய சான்­றி­தழ் வழங்­கு­தல், எத்­த­னா­லுக்கு இணக்­க­மா­கும் வாக­னங்­களை ஊக்­கு­வித்­தல் மற்­றும் ஏற்­ப­டக்­கூ­டிய பாதிப்­பு­கள் குறித்து நுகர்­வோ­ரி­டையே விழிப்­பு­ணர்வை ஏற்­ப­டுத்­து­தல் உள்­ளிட்ட நட­வ­டிக்­கை­களை மேற்­கொள்ள திட்­ட­மி­டப்­பட்­டி­ருந்­தால் அதன் விவ­ரங்­கள் என்ன?

- எரி­பொ­ருள் தரக் குறை­பா­டு­கள் அல்­லது எத்­த­னால் கலந்த பெட்­ரோ­லின் பயன்­பாட்­டி­னால் வாக­னங்­க­ளுக்கு சேதம் ஏற்­பட்­டால், அதற்­கான குறை­தீர்ப்பு மற்­றும் இழப்­பீட்டு நடை­மு­றை­கள் ஏதே­னும் உள்­ள­னவா? மேலும் எத்­த­னால் கலப்பு இலக்­கு­களை செயல்­ப­டுத்­தும் நிலை­யில்­கூட பெட்­ரோல் விலை­கள் நுகர்­வோரை பாதிக்­கா­மல் இருக்க எடுத்­துள்ள நட­வ­டிக்கை என்ன?

இவ்­வாறு தயா­நிதி மாறன் கேள்வி எழுப்­பி­னார்.