புது­டெல்லி, ஜூலை 25–

20 சத­வி­கி­தம் அள­வுக்கு எத்­த­னால் (ஆல்­க­ஹால் ) கலந்த பெட்­ரோல் பயன் படுத்­தப் பட்ட கார் உள்­ளிட்ட வாக­னங்­கள் கடு­மை­யான சேதத்­துக்கு ஆளாகி உள்­ளது என்ற வாகன உரி­மை­யா­ளர்­கள் கூறும் அதி­ருப்தி குற்­றச்­சாட்டு பற்றி அரசு அறிந்­துள்­ளதா? அப்­ப­டி­யா­னால் அதனை சரி செய்ய எடுக்­கப் பட்­டுள்ள நட­வ­டிக்­கை­கள் என்ன? என்று மக்­க­ள­வை­யில் திமுக மக்­க­ள­வைக் குழுத்­த­லை­வ­ரும் கழ­கப் பொரு­ளா­ள­ரும் ஆன டி ஆர் பாலு அவர்­கள் கேள்வி எழுப்­பி­னார்.

இதற்கு ஒன்­றிய சாலைப் போக்­கு­வ­ரத்து மற்­றும் நெடுஞ்­சா­லை­கள் அமைச்­சர் நிதின் கட்­கரி அவர்­கள் விரி­வான பதிலை மக்­க­ள­வை­யில் அளித்­தார்.

அமைச்­சர் நிதின் கட்­கரி பதில் வரு­மாறு:

இந்­திய ஆட்­டோ­மொ­பைல் உற்­பத்­தி­யா­ளர்­கள் சங்­கம் தெரி­வித்த தக­வல் படி இ–20 பெட்­ரோல் பயன்­பாடு கார­ண­மாக வாக­னங்­க­ளுக்கு பெரிய சேதங்­கள் ஏற்­ப­ட­வில்லை. ஆனால், கார் எஞ்­சின் செயல்­பாடு, மைலேஜ் குறைவு , தேய்­மா­னம் போன்ற அம்­சங்­க­ளில் ஏற்­பட்ட சில குறை­கள் மற்­றும் தொந்­த­ரவு தொடர்­பாக புகார்­கள் வந்­துள்­ளன. சமூக வலை­த­ளங்­க­ளில் இந்­தக் குறை­பா­டு­கள் பற்றி பெரிய அள­வில் குற்­றச் சாட்­டு­கள் பரப்­பப் படு­கி­றது.

ஆல்­க­ஹால் – பெட்­ரோல் கல­வைத் திட்­டம் பெட்­ரோ­லிய அமைச்­ச­கத்­தால் பல­கட்ட கள ஆய்­வு­கள், அறி­வி­யல் சோத­னை­கள், சம்­பந்­தப்­பட்ட நிறு­வ­னங்­கள் அக்­கறை கொண்­டுள்ள பங்­கு­தா­ரர்­க­ளு­ட­னான ஆலோ­ச­னை­க­ளுக்­குப் பிறகே அறி­மு­கப் படுத்­தப்­பட்­டுள்­ளது.

குறிப்­பாக இ20 பெட்­ரோல் பயன்­பாடு கார்­கள் மற்­றும் இரு­சக்­கர வாக­னங்­கள் மீது எத்­த­கைய பாதிப்­பு­க­ளை­யும் தாக்­கத்­தை­யும் தரும் என்­ப­தால் ஐ.ஓ.சி, இந்­தி­யன் இன்ஸ்­டிட்­யூட் ஆஃப் பெட்­ரோ­லி­யம், அசோ­சி­யே­ஷன் ஆஃப் ஆட்­டோ­மோ­டிவ் ரிசர்ச், சொசைட்டி ஆஃப் இந்­தி­யன் ஆட்­டோ­மொ­பைல் மேனு­பேக்­ச­ரர்ஸ் ஆகிய அமைப்­பு­கள் இணைந்து விரி­வான ஆய்­வு­கள் செய்­தன. அதன்­படி இ20 எரி­பொ­ருள் பி.எஸ்.3,பி.எஸ்5,பி.எஸ்6 தரச் சான்று பெற்ற கார்­கள் மற்­றும் இரு­சக்­கர வாக­னங்­க­ளில் பயன் படுத்த ஏற்­றது என உறுதி செய்ய பட்­டது. ஆனால், 2016க்கு முன் தயா­ரிக்­கப்­பட்ட பி.ஈஸ்3 வாக­னங்­க­ளில் உள்ள ரப்­பர் பாகங்­கள் சற்று சேதா­ரம் ஆகும் வாய்ப்பு உள்­ளது.ஆனால் அவ்­வப்­போது வாக­னங்­க­ளில்­மேற்­கொள்­ளப் படும் சர்­வீ­ஸின் போது எளி­தில் மாற்­றத்­தக்­கவை தான்.

ஆல்­க­ஹால் கலந்த பெட்­ரோல் அறி­மு­கம் தொடர்­பான திட்­டம் 2001 முதல் துவக்க ப்பட்­டது. எனி­னும், தொடர் முயற்­சி­கட்கு பிறகு 2013–14ஆம் ஆண்­டில் 1.53 சத­வீ­தம் ஆல்­க­ஹால் கலந்த பெட்­ரோல் அறி­மு­கம் ஆனது. பின்­னர் , 2021ல் 8.1 சத­வீ­தம், 2022 ல் 10 சத­வீ­தம், 2023 ல் 12 சத­வீ­தம் ஆல்­க­ஹால் கலந்த பெட்­ரோல் அறி­மு­கம் ஆனது. தொடர்ந்து சென்ற மூன்­றரை ஆண்­டு­க­ளாக 16. சத­வீ­தம் கலந்த பெட்­ரோல் வினி­யோ­கிக்க படு­கி­றது. 2025 நவம்­பர்/ 2026 ஜூன் முதல் இ20 பெட்­ரோல் அம­லில் உள்­ளது.

பிரே­சில் உள்­ளிட்ட உல­கின் பல்­வேறுநாடு­க­ளி­லும் இதை­விட அதிக அளவு எத்­த­னால் கலந்த பெட்­ரோல் நீண்ட கால­மாக வாகன எரி­பொ­ரு­ளா­கப் பயன்­பாட்­டில் உள்­ளது என்­பது குறிப்­பி­டத்­தக்­கது.

அமைச்­சர் நிதின் கட்­கரி அவர்­கள் இவ்­வாறு தனது பதி­லில் தெரி­வித்­தார்.