புது­டெல்லி, ஜூலை 25 –

திரா­விட முன்­னேற்­றக் கழக, அரக்­கோ­ணம் நாடா­ளு­மன்ற உறுப்­பி­னர், டாக்­டர் எஸ். ஜெகத்­ரட்­ச­கன் அவர்­கள், நேற்று மக்­க­ள­வை­யில், கோடைக்­கா­லத்­தில் அதி­க­ரித்து வரும் மின்­சா­ரத் தேவை, எல் நினோ உள்­ளிட்ட வானிலை மாற்­றங்­க­ளால் உரு­வா­கும் சவால்­கள், நிலக்­கரி கிடைப்­புத் தன்மை, மின்­சார விநி­யோ­கப் பாது­காப்பு, புதுப்­பிக்­கத்­தக்க எரி­சக்தி ஒருங்­கி­ணைப்பு மற்­றும் நாட்­டின் நீண்­ட­கால எரி­சக்தி பாது­காப்­புத் திட்­டங்­கள் குறித்து நட்­சத்­திர அந்­தஸ்து பெற்ற கேள்வி எழுப்­பி­னார். அதற்கு, ஒன்­றிய அர­சின் மின்­துறை மாண்­பு­மிகு அமைச்­சர் மனோ­கர் லால் அவர்­கள் பதி­ல­ளித்­தார்.

இதற்கு ஒன்­றிய அர­சின் மின்­துறை அமைச்­சர் மனோ­கர் லால் அவர்­கள் அளித்த பதில் வரு­மாறு:-

நாட்­டில் போது­மான அள­வில் மின்­சா­ரம் கிடைப்­ப­ தா­க­வும், 2026 ஜூன் நில­வ­ரப்­படி நாட்­டின் மொத்த நிறு­வப்­பட்ட மின் உற்­பத்­தித் திறன் 548.86 ஜிகா­வாட் ஆக உயர்ந்­துள்­ள­தா­க­வும் அமைச்­சர் தெரி­வித்­தார். 2014 ஏப்­ரல் முதல் 324.7 ஜிகா­வாட் புதிய மின் உற்­பத்­தித் திறன் சேர்க்­கப்­பட்­ட­தன் மூலம் மின் பற்­றாக்­குறை நிலை நீக்­கப்­பட்­டுள்­ள­தா­க­ வும் கூறி­னார். இதே காலத்­தில் 2,18,267 சுற்று கிலோ­மீட்­டர் மின் பரி­மாற்­றக் கோடு­கள், 9,47,405 எம்.வி.ஏ. மின்­மாற்­றுத் திறன் மற்­றும் 84,390 மெகா­வாட் இடை­மா­நில மின் பரி­மாற்­றத் திறன் உரு­வாக்­கப்­பட்­டுள்­ள­தால், மொத்த இடை­மா­நில மின் பரி­மாற்­றத் திறன் 1,20,340 மெகா­வாட் ஆக உயர்ந்­துள்­ள­தா­க­வும் தெரி­வித்­தார்.

எல் நினோ தாக்­கத்­தால் மின்­சா­ரத் தேவை குறிப்­பி­ டத்­தக்க அள­வில் அதி­க­ரித்­துள்­ள­தா­க­வும், 2026 ஏப்­ரல் முதல் ஜூன் வரை உச்­ச­பட்ச மின் தேவை கடந்த ஆண்­டை­விட சுமார் 12 சத­வீ­தம் உயர்ந்­துள்­ள­தா­க­வும், 2026 மே மாதத்­தில் 270.8 ஜிகா­வாட் என்ற நாட்­டின் வர­லாற்­றி­லேயே அதி­க­பட்ச உச்ச மின் தேவை வெற்­றி­க­ர­மாக பூர்த்தி செய்­யப்­பட்­ட­து­டன், 2026 ஜூலை மாதத்­தில் அகில இந்­திய உச்ச மின் தேவை 270 ஜிகா­வாட்டை இரண்டு முறை கடந்த போதி­லும் அவை­யும் வெற்­றி­க­ர­மாக பூர்த்தி செய்­யப்­பட்­ட­தா­க­வும் தெரி­வித்­தார். மேலும், 2026 ஜூலை மாதத்­தில் 103.7 ஜிகா­வாட் (சூரிய மின்­சா­ரம் – 75 ஜிகா­வாட்; காற்­றாலை – 28.7 ஜிகா­வாட்) என்ற சாதனை அள­வி­லான புதுப்­பிக்­கத்­தக்க எரி­சக்தி உற்­பத்தி பதி­வா­கி­யுள்­ள­தா­க­வும் கூறி­னார்.

நிலக்­கரி போது­மான

இருப்பு உள்­ளது!

2026 ஜூலை 18 நில­வ­ரப்­படி அனல்­மின் நிலை­யங் ­க­ளில் 41.4 மில்­லி­யன் டன் நிலக்­கரி கையி­ருப்பு இருப்­ப­தால், 85 சத­வீத நிலைய சுமை காரணி அடிப்­ப­டை­யில் 13 நாட்­க­ளுக்கு போது­மான இருப்பு உள்­ள­தா­க­வும் கூறி­னார்.

தீன்­த­யாள் உபாத்­யாய கிராம் ஜோதி யோஜனா, ஒருங்­கி­ணைந்த மின் மேம்­பாட்­டுத் திட்­டம் மற்­றும் பிர­தம மந்­திரி சஹஜ் பிஜ்லி ஹர் கர் யோஜனா (சௌபாக்யா) ஆகிய திட்­டங்­க­ளின் கீழ் ₹1.85 லட்­சம் கோடி மதிப்­பி­லான பணி­கள் மேற்­கொள்­ளப்­பட்­ட­தா­க­வும், 18,374 கிரா­மங்க ­ளுக்கு மின்­சா­ரம் வழங்­கப்­பட்­ட­து­டன், 2.86 கோடி குடும்­பங்­க­ளுக்கு மின் இணைப்பு அளிக்­கப்­பட்­டுள்­ள­தா­க­வும் தெரி­வித்­தார். கிரா­மப்­பு­றங் ­களில் சரா­சரி மின்­விநி­ யோக நேரம் 12.5 மணி நேரத்­தி­லி­ருந்து 22.6 மணி நேர­மா­க­வும், நகர்ப்­பு­றங்­க­ளில் 22.1 மணி நேரத்­தி­லி­ருந்து 23.4 மணி நேர­மா­க­வும் உயர்ந்­துள்­ள­தா­க­வும் கூறி­னார்.

தேசிய அள­வில் மின் விநி­யோக நிறு­வ­னங்­க­ளின் தொழில்­நுட்ப மற்­றும் வணிக இழப்பு 22.62 சத­வீ­தத்­தி­லி­ருந்து 15.04 சத­வீ­த­மாக குறைந்­துள்­ள­தா­க­வும், ஒரு யூனிட் மின்­சா­ரத்­தின் சரா­சரி வழங்­கல் செலவு மற்­றும் வரு­வாய் இடை­வெளி ₹0.78 இலி­ருந்து ₹0.06 ஆக குறைந்­துள்­ள­தா­க­வும் தெரி­வித்­தார். மேலும், 2025 ஜூலை 29 அன்று நாட்­டின் மொத்த மின்­சா­ரத் தேவை­யில் 51.5 சத­வீ­தம் புதுப்­பி க்­கத்­தக்க எரி­சக்தி மூலம் பூர்த்தி செய்­யப்­பட்­ட­து­டன், 2025-–26ஆம் ஆண்­டில் 64,695 மெகா­வாட் புதிய மின் உற்­பத்­தித் திறன், அதில் 50,905 மெகா­வாட் புதுப்­பிக்­கத்­தக்க எரி­சக்தி மூலம் சேர்க்­கப்­பட்­ட­தா­க­வும் கூறி­னார்.

2026 ஜன­வரி 14 அன்று உல­கின் மிகப்­பெ­ரிய ஒத்­தி­சைவு தேசிய மின் வலை­ய­மைப்­பாக நாடு உரு­வெ­டுத்­த­து­டன், நாட்­டின் மின் பரி­ மாற்ற வலை­ய­மைப்பு 5.08 லட்­சம் சுற்று கிலோ­மீட்­டர் பரி­மாற்­றக் கோடு­க­ளை­யும், 1,469 ஜிகா வோல்ட் ஆம்­பி­யர் மொத்த மின்­மாற்­றுத் திற­னை­யும் எட்­டி­யுள்­ள­தா­க­வும், 2025-–26ஆம் ஆண்­டில் மின்­சா­ரப் பற்­றாக்­குறை பூஜ்­ஜி­ய­மாக குறைந்­துள்ள­ தாக­வும், கோப்-26 மாநாட்­டில் அளித்த உறு­திப்­பாட்­டின்­படி, 2030ஆம் ஆண்­டிற்­கான தேசிய அள­வில் நிர்­ண­யிக் ­கப்­பட்ட இலக்­கான நிறு­வப் ­பட்ட மின் உற்­பத்­தித் திற­னில் 50 சத­வீ­தத்தை புதை­ப­டிவ எரி­பொ­ருள் அல்­லாத மூலங்­க­ளி­லி­ருந்து பெறும் இலக்கை 2025ஆம் ஆண்­டி­லேயே, ஐந்து ஆண்­டு­க­ளுக்கு முன்­பாக நாடு எட்­டி­யுள்­ள­தா­க­வும் அமைச்­சர் தெரி­வித்­தார்.

நீண்­ட­கால எரி­சக்தி பாது­காப்பை உறுதி செய்ய 2030ஆம் ஆண்­டுக்­குள் 500 ஜிகா­வாட் புதை­ப­டிவ எரி­பொ­ருள் அல்­லாத மின் உற்­பத்­தித் திறன், 2035-–36ஆம் ஆண்­டில் 786 ஜிகா­வாட் புதை­ப­டிவ எரி­பொ­ருள் அல்­லாத மின் உற்­பத்­தித் திறன் மற்­றும் 315 ஜிகா­வாட் நிலக்­கரி மின் உற்­பத்­தித் திறன், 2047ஆம் ஆண்­டுக்­குள் 100 ஜிகா­வாட் அணு­மின் திறன், 100 ஜிகா­வாட் நீரேற்று மின் சேமிப்­புத் திட்­டங்­கள், 80 ஜிகா­வாட் பேட்­டரி மின் சேமிப்பு அமைப்­பு­கள் மற்­றும் 94 ஜிகா­வாட் நீரேற்று மின் சேமிப்­புத் திறன் ஆகிய இலக்­கு­கள் நிர்­ண­யிக்­கப்­பட்­டுள்­ள­தா­க­வும் தெரி­வித்­தார்.

மேலும், பசுமை ஆற்­றல் வழித்­த­டத் திட்­டம், கடல்­சார் காற்­றா­லைத் திட்­டம், உயர் திறன் சூரிய ஒளி­மின்­ன­ழுத்த தொகு­தி­க­ளுக்­கான உற்­பத்தி ஊக்­கத் திட்­டம், மேம்­பட்ட வேதி­யி­யல் மின்­கல சேமிப்பு, மின்­சார வாகன சார்­ஜிங் கட்­ட­மைப்பு, பேட்­டரி மின் சேமிப்பு அமைப்­பு­க­ளுக்­கான நிதி இடை­வெளி நிரப்­பும் திட்­டம், நீரேற்று மின் சேமிப்­புத் திட்­டங்­கள் மற்­றும் எரி­சக்தி சேமிப்பு அமைப்­பு­க­ளுக்­கான புதிய வழி­காட்­டு­தல்­கள் மூலம் நாட்­டின் எரி­சக்தி பாது­காப்­பை­யும், புதுப்­பிக்­கத்­தக்கஎரி­சக்தி மாற்­றத்­தை­யும் வலுப்­ப­டுத்த ஒன்­றிய அரசு நட­வ­டிக்­கை­களை மேற்­கொண்டு வரு­வ­தாக ஒன்­றிய அர­சின் மின்­துறை அமைச்­சர் மனோ­கர் லால் அவர்­கள் பதி­ல­ளித்­துள்­ளார்.