புதுடெல்லி, ஜூன் 25–
குறு, சிறு மற்றும் நடுத்தர தொழில் நிறுவனங்கள் (MSME) அமைச்சரிடம் பின்வருவன குறித்து தெரிவிக்குமாறு கேட்டுக்கொள்ளப்படுகிறது என திருவண்ணா மலை தொகுதி நாடாளுமன்ற உறுப்பினர் சி.என். அண்ணாதுரை கேட்டுக் கொண்டுள்ளார்.
அவர் எழுப்பிய கேள்வி வருமாறு:
கடன் உத்தரவாத நிதி அறக்கட்டளை (CGTMSE) மூலம் செயல்படுத்தப்படும் கடன் உத்தரவாதத் திட்டம் (CGS), குறு மற்றும் சிறு தொழில் நிறுவனங்களுக்கு (MSEs) பிணையமில்லா (Collateral-free) கடன் பெறுவதற்கு உதவியுள்ளதா? அவ்வாறு இருந்தால் அதன் விவரங்கள் என்ன?
2022 முதல் இதுவரை, தமிழ்நாட்டில் இந்தத் திட்டத்தின் கீழ் கடன் உத்தரவாதம் பெற்றுள்ள குறு மற்றும் சிறு தொழில் நிறு வனங்களின் எண்ணிக்கை எவ்வளவு? மேலும், அனுமதிக்கப்பட்ட கடன் தொகைமாவட்ட வாரியாகவும், துறைவாரியாகவும் எவ்வளவு?
முதல் தலைமுறை தொழில்முனைவோர், பெண்கள் தலைமையிலான தொழில் நிறுவனங்கள் மற்றும் தமிழ்நாட்டின் பின்தங்கிய மாவட்டங்களில் உள்ள தொழில் அலகுகள் இந்தத் திட்டத்தின் பலன்களை போதுமான அளவில் பெற முடிந்துள்ளனவா? அவ்வாறு இருந்தால், அது
குறித்த அரசின் மதிப்பீடு என்ன?
தமிழ்நாட்டில் குறு மற்றும் சிறு தொழில் நிறுவனங்களுக்கு பிணையமில்லா கடன்களை வழங்குவதில் தாமதம், அதிக செயலாக்கக் கட்டணங்கள் அல்லது வங்கிகளின் தயக்கம் தொடர்பாக ஏதேனும் புகார்கள் அரசுக்கு வந்துள்ளனவா? அவ்வாறு இருந்தால், அவற்றின் விவரங்கள் என்ன?
தமிழ்நாட்டில் குறு, சிறு மற்றும் நடுத்தர தொழில் நிறுவனங்களுக்கு கடன் வழங்கலை மேம்படுத்தவும், CGTMSE திட்டம் குறித்த விழிப்புணர்வை அதிகரிக்கவும் அரசு மேற்கொண்டுள்ள திருத்த மற்றும் மேம்பாட்டு நடவடிக்கைகள் என்ன?
இவ்வாறு அவர் கேள்வி எழுப்பியுள்ளார்.